17.1 C
New York
Monday, September 20, 2021
Home US News രണ്ടാം പിണറായി സർക്കാരിന് പിന്തുണ അറിയിച്ച് ഫൊക്കാന നേതൃത്വം

രണ്ടാം പിണറായി സർക്കാരിന് പിന്തുണ അറിയിച്ച് ഫൊക്കാന നേതൃത്വം

ഫ്രാൻസിസ് തടത്തിൽ

ന്യൂജേഴ്‌സി: രണ്ടാം പിണറായി സർക്കാരിന് ഫൊക്കാനയുടെ എല്ലാ വിധ പിന്തുണയും ആശംസയും അർപ്പിക്കുന്നതായി  ഫൊക്കാന ഭരണസമിതി അറിയിച്ചു. കേരളത്തിലെ ഭൂരിപക്ഷം വരുന്ന വോട്ടർമാർ മുഖ്യമന്ത്രി പിണറായി വിജയന്റെ നേതൃത്വത്തിൽ വിശ്വാസമർപ്പിച്ചതുകൊണ്ടാണ് കേരളത്തിന്റെ ചരിത്രത്തിലെ തന്നെ ഇത്രയേറെ ത്രസിപ്പിക്കുന്ന വിജയം നേടി വീണ്ടും അധികാരത്തിൽ എത്തിയത്. ഏറെ യുവ രക്തങ്ങളെ ഉൾക്കൊള്ളിച്ചുകൊണ്ടുള്ള  മുഖ്യമന്ത്രി പിണറായി വിജയന്റെ നേതൃത്വത്തിലുള്ള മന്ത്രി സഭയിൽ ഫൊക്കാനയ്ക്ക് ഏറെ വിശ്വാസമുണ്ട്. കഴിവും യോഗ്യതയും തെളിയിച്ച യുവ മന്ത്രിമാർക്ക് പിണറായി വിജയനെപ്പോലെ ശക്തനായ ഒരു ഭരണ തന്ത്രജ്ഞനൊപ്പം കേരളത്തിൽ മികച്ച പ്രകടനം നടത്താൻ കഴിയുമെന്നും ഫൊക്കാന പ്രസിഡണ്ട് ജോർജി വർഗീസ്, സെക്രട്ടറി സജിമോൻ ആന്റണി, ട്രഷറർ സണ്ണി മറ്റമന എന്നിവർ വ്യക്തമാക്കി.

ഇക്കഴിഞ്ഞ 5 വർഷവും ഫൊക്കാനയുമായി അടുത്ത സ്നേഹബന്ധം പുലർത്തിയിരുന്ന മുഖ്യമന്ത്രി പിണറായി ഫൊക്കാനയുടെ ഫിലഡൽഫിയാ കൺവെൻഷനിൽ പങ്കെടുക്കാനാണ് ആദ്യമായി അമേരിക്കയിൽ എത്തുന്നത്. പിന്നീട് പലവട്ടം സംസ്ഥാന സർക്കാരുമായി സഹകരിച്ച് പല വിധ സാമൂഹ്യ- സന്നദ്ധ പ്രവർത്തങ്ങൾ നടപ്പിൽ വരുത്തുവാൻ ഫൊക്കാനയ്ക്ക് കഴിഞ്ഞിട്ടുണ്ട്. സംസ്ഥാന സർക്കാരിന്റെ ഭവനം പദ്ധതി, കഴിഞ്ഞ രണ്ടു തവണത്തെ മഹാപ്രളയം ഒടുവിൽ ഇപ്പോഴത്തെ കോവിഡ് മഹാമാരിയുമായി ബന്ധപ്പെട്ട് നിരവധിയായ കാര്യങ്ങളിൽ സംസ്ഥാന സർക്കാരുമായി സഹകരിച്ചു പ്രവർത്തിക്കാൻ കഴിഞ്ഞതിൽ അഭിമാനം കൊള്ളുകയാണെന്നും ഫൊക്കാന നേതൃത്വം അറിയിച്ചു. 

മുഖ്യമന്ത്രി പിണറായി വിജയന് ഫൊക്കാനയോടുള്ള വിശ്വാസവും സ്നേഹവും പല തവണ പല വേദികളിലായി അദ്ദേഹം തന്നെ തുറന്നു പറഞ്ഞിട്ടുള്ളതാണ്. കഴിഞ്ഞ സർക്കാരിന് നൽകിയ പിന്തുണ പോലെ രണ്ടാം പിണറായി സർക്കാരിനും ഫൊക്കാനയുടെ എല്ലാ വിധ പിന്തുണയും നൽകുന്നതാണെന്നും സംസ്ഥാന സർക്കാരുമായി സഹകരിച്ച് വിവിധ പദ്ധതികളിൽ പങ്കാളികളാകാനും ഫൊക്കാന തയാറാകുമെന്നും ഫൊക്കാന നേതൃത്വം വ്യക്തമാക്കി.

ഫൊക്കാന  ട്രസ്റ്റി ബോർഡ് ചെയർമാൻ ഫിലിപ്പോസ് ഫിലിപ്പ്, എക്സിക്യൂട്ടീവ് വൈസ് പ്രസിഡണ്ട് ജെയ്‌ബു മാത്യു, വൈസ് ചെയർമാൻ തോമസ് തോമസ്, അസോസിയേറ്റ്‌ സെക്രെട്ടറി ഡോ. മാത്യു വറുഗീസ്, അസോസിയേറ്റ്‌ ട്രഷറർ വിപിൻ രാജു, അഡിഷണൽ അസോസിയേറ്റ്‌ സെക്രെട്ടറി ജോജി തോമസ്, അഡിഷണൽ അസോസിയേറ്റ്‌  ട്രഷറർ ബിജു ജോൺ, വിമൻസ് ഫോറം ചെയർപേഴ്സൺ ഡോ.കല ഷഹി, ട്രസ്റ്റി ബോർഡ് സെക്രെട്ടറി സജി എം. പോത്തൻ, വൈസ് ചെയർമാൻ ബെൻ പോൾ, കൺവെൻഷൻ ചെയർമാൻ ചാക്കോ കുര്യൻ, ഇന്റർനാഷണൽ കൺവെൻഷൻ കോർഡിനേറ്റർ പോൾ കറുകപ്പള്ളിൽ, കൺവെൻഷൻ നാഷണൽ കോർഡിനേറ്റർ ലീല മാരേട്ട്, ഫൗണ്ടേഷൻ ചെയർമാൻ ജോൺ പി. ജോൺ, അഡ്വസറി ചെയർമാൻ ടി.എസ്.ചാക്കോ, പൊളിറ്റിക്കൽ ഫോറം ചെയർമാൻ കുര്യൻ പ്രക്കാനം, നാഷണൽ കമ്മിറ്റി മെമ്പർമാർ, ട്രസ്റ്റി ബോർഡ് മെമ്പർമാർ, മുൻ പ്രസിഡണ്ടുമാർ എന്നിവരും പിണറായി വിജയൻ നേതൃത്വം നൽകുന്ന പുതിയ സർക്കാരിന് പിന്തുണ അറിയിച്ചു. 

COMMENTS

LEAVE A REPLY

Please enter your comment!
Please enter your name here

- Advertisment -

Most Popular

മൗനസഞ്ചാരി (തുടർക്കഥ – ഭാഗം – 6)

വല്ലാത്തൊരു ആത്മനൊമ്പരത്തോടെയാണ്ഉറങ്ങാൻ കിടന്നത് കണ്ണുകൾ അടക്കുമ്പോഴെല്ലാം പേടിപ്പെടുത്തുന്ന സ്വപ്നങ്ങൾ മനസ്സിലേക്ക് ഓടി വന്നു. എന്തൊക്കെയോ സ്വപ്നങ്ങൾ ഞാനറിയാത്ത കാണാത്ത ഏതോ സ്ഥലങ്ങൾ, എവിടേക്കൊയോ യാത്രയാകുന്നു. ഉറക്കത്തിനും ഉറക്കമില്ലായ്മക്കും ഇടയ്ക്കു ഇങ്ങനെ കിടന്നു. കൂടുതൽ...

“പൊന്നോണം എന്റെ സങ്കല്പത്തിൽ..” (ലേഖന മത്സരം – (24)

ഓണവും ഓണാഘോഷവും എന്നുംമലയാളികളുടെ മനസ്സിൽ ഗൃഹതുരത്വം നിറഞ്ഞ ഓർമ്മകൾ മാത്രമാണ്. അതിജീവനത്തിന് പ്രത്യാശ നൽകിയാണ് ഓരോ മലയാളിയുടെയും ഓണാഘോഷം. സമൃദ്ധിയുടെയും നന്മയുടെയും പൂവിളിയുമായെത്തുന്ന ഓണാഘോഷം മലയാളിക്ക് ഒത്തുചേരലിന്റെയും ഓർമ്മപ്പെടുത്തലിന്റെയും ദിനം കൂടിയായിരുന്നു. എന്റെ സങ്കല്പത്തിലെ...

“പൊന്നോണം എന്റെ സങ്കല്പത്തിൽ..” (ലേഖന മത്സരം – (23)

ഓണം- തിരുവോണം - പൊന്നോണംഓണം എന്ന വാക്ക് പോലെ ഗൃഹാതുരത്വം തുളുമ്പുന്ന ഒരുവാക്കും മലയാളിക്ക് ഇല്ലെന്നു തോന്നുന്നു. മലനാട്ടിൽ ആയാലും മറുനാട്ടിൽ ആയാലും ചിങ്ങമാസത്തിലെ പൊന്നിൻ തിരുവോണത്തെ എതിരേൽക്കാൻ, മലയാളി മനസ്സ് വെമ്പൽ...

“പൊന്നോണം എന്റെ സങ്കല്പത്തിൽ..” (ലേഖന മത്സരം – (22)

തിരുവോണ കോടിയുടുത്ത ചിങ്ങപ്പുലരികൾ കൺതുറക്കുന്നതും കാത്തിരിക്കുന്ന മലയാളികൾ. പൊന്നോണത്തെ വരവേൽക്കാൻ ആയിരമാശകളോടെ കാത്തിരിക്കുന്ന മലയാളി മനസ്സുകൾ.കർക്കിടകത്തിന്റെ കറുത്തദിനങ്ങൾക്ക് വിടയേകി , കണ്ണിനും കരളിനും കുളിർമ്മയേകുന്ന വർണ്ണക്കാഴ്ചകളുമായി അണയുന്ന പൊന്നിൻ ചിങ്ങം. ഓണക്കാലം പലരുടെയും...
WP2Social Auto Publish Powered By : XYZScripts.com
error: