17.1 C
New York
Tuesday, May 17, 2022
Home Pravasi യു എ ഇ യുടെ പുതിയ പ്രസിഡണ്ടിനെ തിരഞ്ഞെടുത്തു.

യു എ ഇ യുടെ പുതിയ പ്രസിഡണ്ടിനെ തിരഞ്ഞെടുത്തു.

റിപ്പോർട്ടർ, രവി കൊമ്മേരി.

 

യുഎഇ: ഹിസ് ഹൈനസ് ഷെയ്ഖ് മുഹമ്മദ് ബിൻ സായിദ് അൽ നഹ്യാൻ യുഎഇയുടെ അടുത്ത പ്രസിഡന്റായിരിക്കുമെന്ന് സുപ്രീം കൗൺസിൽ ശനിയാഴ്ച പ്രഖ്യാപിച്ചു.

രാജ്യത്തിന്റെ മൂന്നാമത്തെ പ്രസിഡന്റായിട്ടാണ് അറുപത്തി ഒന്ന് വയസ്സുകാരനായ ഹിസ് ഹൈനസ് ഷെയ്ഖ് മുഹമ്മദ് ബിൻ സായിദ് അൽ നഹ്യാൻ തിരഞ്ഞെടുക്കപ്പെടുന്നത്. 2004 മുതൽ അബുദാബിയുടെ കിരീടാവകാശിയായി സേവനമനുഷ്ഠിക്കുന്ന ഇദ്ദേഹം അബുദാബിയുടെ പതിനേഴാമത് ഭരണാധികാരികൂടിയാണ്. ഫെഡറൽ സുപ്രീം കൗൺസിൽ അംഗങ്ങളിൽ നിന്ന് ശനിയാഴ്ച്ച വിളിച്ചു ചേർത്ത സുപ്രീം കൗൺസിലാണ് പുതിയ പ്രസിഡണ്ടിനെതിരഞ്ഞെടുത്തത്. മെയ് 13 ന് 73 ആം വയസ്സിൽ അന്തരിച്ച ഷെയ്ഖ് ഖലീഫ ബിൻ സായിദ് അൽ നഹ്യാന്റെ പിൻഗാമിയായിട്ടാണ് ഹിസ് ഹൈനസ് ഷെയ്ഖ് മുഹമ്മദ് ബിൻ സായിദ് അൽ നഹ്യാൻ യുഎഇ പ്രസിഡണ്ട് ആകുന്നത്.

യുഎഇ സായുധസേനയുടെ തന്ത്രപരമായ ആസൂത്രണം, പരിശീലനം, സംഘടനാ ഘടന, പ്രതിരോധ ശേഷി എന്നിവ പ്രോത്സാഹിപ്പിക്കുന്നതിലും, യുഎഇ സായുധസേനയെ വികസിപ്പിക്കുന്നതിലും, 2005 ജനുവരി മുതൽ സേനയുടെ ഡെപ്യൂട്ടി സുപ്രീം കമാൻഡർ കൂടിയായ ഷെയ്ഖ് മുഹമ്മദ് ബിൻ സായ്ദ് അൽ നഹ്യാൻ പ്രശസ്തനാണ്. അദ്ദേഹത്തിൻ്റെ നേതൃത്വത്തിൽ യുഎഇ സായുധസേന അന്താരാഷ്ട്ര സൈനിക സംഘടനകളുടെ വളരെയധികം പ്രശംസ പിടിച്ചുപറ്റിയിരുന്നു.

അന്തരിച്ച ശൈഖ് ഖലീഫ ബിൻ സായിദിന് ആദരാഞ്ജലികൾ അർപ്പിച്ചു കൊണ്ട് ശനിയാഴ്ച പുലർച്ചെ പോസ്റ്റ് ചെയ്ത വികാരനിർഭരമായ ഒരു കവിതയിൽ, യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഹിസ് ഹൈനസ് ഷെയ്ഖ് മുഹമ്മദ് ബിൻ റാഷിദ് അൽ മക്തൂം തൻ്റെ ദുഃഖം രേഖപ്പെടുത്തി.

“അല്ലാഹു മുഹമ്മദ് ബിൻ സായിദിന് ക്ഷമ നൽകട്ടെ, അവന്റെ പാത ലഘൂകരിക്കട്ടെ, കാരണം അവൻ ശൈഖ് ഖലീഫയുടെ പാരമ്പര്യത്തിന്റ യഥാർത്ഥ വാഹകനാണ്.”

“ഭരണാധികാരിയെ അനുസരിക്കുന്നത് ഒരു കടമയായതിനാൽ സ്നേഹത്തോടെയും സത്യസന്ധതയോടെയും ഞാൻ അദ്ദേഹത്തോട് കൂറും പിന്തുണയും പ്രതിജ്ഞ ചെയ്യുന്നു,” എന്ന് കുറിച്ചു കൊണ്ട് കവിത ഉപസംഹരിച്ചു.

പ്രസിഡന്റ് ഷെയ്ഖ് ഖലീഫ ബിൻ സായിദ് അൽ നഹ്യാന്റെ മരണത്തെത്തുടർന്ന് വെള്ളിയാഴ്ച യുഎഇ 40 ദിവസത്തെ ദുഃഖാചരണം ആരംഭിച്ചു. ശനിയാഴ്ച മുതൽ മൂന്ന് ദിവസത്തേക്ക് സർക്കാർ, സ്വകാര്യ ഓഫീസുകൾ അടച്ചിട്ടിരിക്കുന്നു, മെയ് 17 ചൊവ്വാഴ്ച ജോലി പുനരാരംഭിക്കും.

റിപ്പോർട്ടർ,
രവി കൊമ്മേരി.

Facebook Comments

COMMENTS

LEAVE A REPLY

Please enter your comment!
Please enter your name here

- Advertisment -

Most Popular

മീന്‍എണ്ണ കഴിക്കുന്നവര്‍ക്ക് ഹൃദ്രോഗ സാദ്ധ്യത കുറവായിരിക്കുമെന്ന് പഠനം

മീന്‍എണ്ണ ഗുളിക അഥവാഫിഷ് ഓയില്‍സപ്ലിമെന്റുകളെക്കുറിച്ച് നാമെല്ലാം സുപരിചിതരാണ്. എണ്ണമയമുളള മത്സ്യങ്ങളായ സാല്‍മോണ്‍, വെളുത്ത മത്സ്യം, മത്തി എന്നിവയില്‍നിന്നും അവയുടെ തോലുകളില്‍നിന്നുമാണ് മീന്‍ എണ്ണ എടുക്കുന്നത്. ഇതിലൂടെ നമുക്ക് ലഭിക്കുന്ന ആരോഗ്യ ഗുണങ്ങള്‍ ഏറെയാണ്....

ബസിടിച്ച് ബൈക്ക് യാത്രികരായ ദമ്പതികൾ മരിച്ചു.

ചാവക്കാട്: ദേശീയപാത ചേറ്റുവയിൽ ബസിടിച്ച് ബൈക്ക് യാത്രികരായ ദമ്പതികളുടെ വിയോഗ വാർത്ത നാടിനെ ഞെട്ടിച്ചു. കടപ്പുറം അഞ്ചങ്ങാടി വെളിച്ചെണ്ണപ്പടി സ്വദേശി മുനൈഫ് (32), ഭാര്യ മുംബൈ സ്വദേശി സുവൈബ (22) എന്നിവരാണ് മരിച്ചത്. കൊടുങ്ങല്ലൂര്‍-...

പാലക്കാട് കല്ലാംകുഴി സുന്നി പ്രവര്‍ത്തകരുടെ കൊല; 25 പ്രതികൾക്കും ഇരട്ടജീവപര്യന്തവും പിഴയും ശിക്ഷ വിധിച്ചു.

മണ്ണാർക്കാട്: കാഞ്ഞിരപ്പുഴ കല്ലാംകുഴിയില്‍ രണ്ട് സുന്നിപ്രവര്‍ത്തകരെ കൊലപ്പെടുത്തിയ കേസില്‍ കുറ്റക്കാരെന്ന് കണ്ടെത്തിയ 25 പ്രതികൾക്കും ഇരട്ട ജീവപര്യന്തവും 50,000 രൂപ വീതം പിഴയും ശിക്ഷ വിധിച്ചു. പാലക്കാട് ജില്ലാ ജുഡീഷ്യല്‍ ഫാസ്റ്റ് ട്രാക്ക്...

യുഎഇയില്‍ സെന്‍ട്രല്‍ ബാങ്കിന്റെ പേരില്‍ തട്ടിപ്പ്; ഇക്കാര്യങ്ങള്‍ ശ്രദ്ധിക്കുക.

അജ്മാന്‍: യുഎഇയില്‍ സെന്‍ട്രല്‍ ബാങ്കിന്റെ പേരില്‍ തട്ടിപ്പ് നടക്കുന്നു. യുഎഇ സെന്‍ട്രല്‍ ബാങ്കിന്റെ പേര് തന്നെ ഉപയോഗപ്പെടുത്തി സര്‍ക്കാര്‍ ലോഗോ പ്രൊഫൈല്‍ പിക്ച്ചര്‍ ആക്കിയ വാട്‌സപ്പ് നമ്പറില്‍ നിന്നാണ് തട്ടിപ്പ് സംഘം സന്ദേശം...
Facebook Comments
WP2Social Auto Publish Powered By : XYZScripts.com
error: