17.1 C
New York
Thursday, August 18, 2022
Home US News യുണൈറ്റഡ് എയർലൈൻസ് 15 സൂപ്പർസോണിക് ജെറ്റുകൾ ബൂം സൂപ്പർസോണിക്കിൽനിന്ന് വാങ്ങുന്നു.

യുണൈറ്റഡ് എയർലൈൻസ് 15 സൂപ്പർസോണിക് ജെറ്റുകൾ ബൂം സൂപ്പർസോണിക്കിൽനിന്ന് വാങ്ങുന്നു.

റിപ്പോർട്ട്: അജു വാരിക്കാട്


ന്യൂയോർക്ക്: യുണൈറ്റഡ് എയർലൈൻസ് ഹോൾഡിങ് ഇൻ കോർപ്പറേഷൻ സൂപ്പർസോണിക് യാത്രയ്ക്കുള്ള സാധ്യതാവിപണിയിലേക്ക് കൊതിച്ചു ചാടുകയാണ്. ബൂം ടെക്നോളജി ഇൻ കോർപ്പറേഷൻ ഓവർച്ചർ എയർക്രാഫ്റ്റിനായുള്ള ആദ്യത്തെ ഓർഡർ യുണൈറ്റഡ് എയർലൈൻസിന് നല്കിക്കൊണ്ട് ധാരണാപത്രം ഒപ്പുവച്ചു. 2029 ഓടെ യാത്രക്കാർക്ക്  യാത്ര ചെയ്യുവാൻ സാധിക്കുമെന്നാണ് പ്രതീക്ഷ.

കോൺകോഡ് നിർത്തലാക്കി 18 വർഷത്തിന് ശേഷമാണ് ഇത്തരമൊരു സൂപ്പർ സോണിക് വിമാനം പുറത്തിറക്കുന്നത് എന്ന പ്രത്യേകതയും ഇതിനുണ്ട്. പകർച്ചവ്യാധികളുടെ ഇടയിൽ യാത്രക്കാരുടെ എണ്ണത്തിൽ ഇടിവുണ്ടായ വിമാനക്കമ്പനികൾ അടുത്തയിടെ പുനരുജ്ജീവിപ്പിച്ചതോടെയാണ് ഇത്തരമൊരു കരാർ പ്രാബല്യത്തിൽ വരുന്നത്. യുണൈറ്റഡ് എയർലൈൻസ് സാമ്പത്തിക നിബന്ധനകൾ വെളിപ്പെടുത്തിയിട്ടില്ല. എന്നാൽ ഓവർച്ചർ വിമാനത്തിൻറെ വില 200 മില്യൻ ഡോളർ ആണെന്നും ഇത് 3 ബില്ല്യൻ ഡോളറിന്റെ ഇടപാടായി മാറുമെന്നും ബൂം അധികൃതർ അറിയിച്ചു.

27 വർഷത്തെ പ്രവർത്തനങ്ങൾക്ക് ശേഷം അവസാനത്തെ വാണിജ്യ സൂപ്പർസോണിക് ജെറ്റ് ആയ കോൺകോഡ് 2003 ൽ പറക്കുന്നത് നിർത്തിയിരുന്നു. ഓവർച്ചർ ജെറ്റിന് 1.7മാക് സ്പീഡ് കൈവരിക്കാൻ കഴിയും. ഇന്നത്തെ ഏറ്റവും വേഗതയേറിയ വാണിജ്യ ജെറ്റ് ലൈനറുകളുടെ ഇരട്ടി വേഗത. ഇപ്പോൾ ആറര മണിക്കൂർ വേണ്ടിവരുന്ന ലണ്ടൻ ന്യൂയോർക്ക് യാത്ര മൂന്നര മണിക്കൂർ മാത്രമെ എടുക്കൂ എന്ന് കമ്പനി അവകാശപ്പെടുന്നു.65 മുതൽ 88 വരെ യാത്രക്കാർക്ക് ഇതിൽ യാത്ര ചെയ്യാം. എല്ലാം ബിസിനസ് ക്ലാസ് സീറ്റുകൾ ആയിരിക്കുമെന്ന്  അറിയിച്ചു.

റിപ്പോർട്ട്: അജു വാരിക്കാട്

Facebook Comments

COMMENTS

- Advertisment -

Most Popular

കാർഷിക വായ്പ : കേന്ദ്ര പലിശയിളവ്‌ രണ്ടിൽനിന്ന് ഒന്നര ശതമാനമാക്കി.

മൂന്നു ലക്ഷം രൂപവരെയുള്ള ഹ്രസ്വകാല കാർഷിക വായ്‌പകൾക്ക്‌ അനുവദിച്ച പലിശയിളവ്‌ കേന്ദ്രസർക്കാർ രണ്ടിൽനിന്ന്‌ ഒന്നര ശതമാനമാക്കി. 2020 വരെ രണ്ടുശതമാനം പലിശയിളവ്‌ അനുവദിച്ചിരുന്നു. ബുധനാഴ്‌ച പ്രധാനമന്ത്രി നരേന്ദ്ര മോദിയുടെ അധ്യക്ഷതയിൽ ചേർന്ന കേന്ദ്ര...

രാജ്യത്ത് കൊവിഡ് കേസുകൾ വർധിക്കുന്നു; 24 മണിക്കൂറിനിടെ 12,608 പുതിയ കേസുകൾ.

രാജ്യത്തെ പ്രതിദിന കൊവിഡ് കേസുകളിൽ വീണ്ടും വർധന. കഴിഞ്ഞ 24 മണിക്കൂറിനിടെ 12,608 പേർക്ക് കൂടി കൊവിഡ് സ്ഥിരീകരിച്ചു. ഇതോടെ ആകെ രോഗ ബാധിതരുടെ എണ്ണം 44,298,864 ആയി ഉയർന്നു. അതേസമയം കഴിഞ്ഞ...

തൃശൂരിൽ 8.91 ലക്ഷം ഓണക്കിറ്റുകൾ തയ്യാർ.

തൃശൂർ ഓണത്തിന്‌ വിലക്കുറവിന്റെ ആഘോഷമൊരുക്കി സംസ്ഥാന സർക്കാർ സൗജന്യമായി നൽകുന്ന ഓണക്കിറ്റ് തയ്യാറാവുന്നു. ജില്ലയിൽ 8,91,768 കുടുംബങ്ങളിലേക്ക്‌ 13 സാധനങ്ങൾ അടങ്ങുന്ന കിറ്റ്‌ റേഷൻകടകൾ വഴിയെത്തും.സപ്ലൈകോയുടെ നാല് ഡിപ്പോകൾ കേന്ദ്രീകരിച്ചാണ് സാധനങ്ങളുടെ പായ്ക്കിങ് നടക്കുന്നത്....

വൈദ്യുതിയിൽ ഷോക്ക് മാസം തോറും; ഓരോ മാസവും നിരക്ക് വര്‍ദ്ധിപ്പിക്കാൻ ഭേദഗതിയുമായി കേന്ദ്രം.

ഇനി ഓരോ മാസവും വൈദ്യുതി നിരക്ക് കൂടാൻ സാധ്യത. ഓരോ മാസവും നിരക്ക് വർദ്ധിപ്പിക്കാവുന്ന ചട്ടഭേദ​ഗതിക്ക് കേന്ദ്രസർക്കാർ ഒരുങ്ങുന്നതായി റിപ്പോർട്ട്. വൈദ്യുതി വിതരണക്കമ്പനികൾക്ക് ഓരോ മാസവും വൈദ്യുതി നിരക്ക് കൂട്ടാൻ അനുവദിക്കുന്നതാണ് ചട്ടഭേദ​ഗതി....
Facebook Comments
WP2Social Auto Publish Powered By : XYZScripts.com
error: