17.1 C
New York
Thursday, August 18, 2022
Home Special മാതൃദിനം - ജിത ദേവൻ

മാതൃദിനം – ജിത ദേവൻ

ജിത ദേവൻ✍

മെയ്‌ മാസത്തിലെ രണ്ടാം ശനിയാഴ്ച അമേരിക്ക, ഇന്ത്യ തുടങ്ങിയ ലോകത്തിലെ പല രാജ്യങ്ങളിലും മാതൃദിനം ആഘോഷിക്കുന്ന ദിവസമാണ്. ഒരു ദിവസം മാത്രമായി അമ്മയെ ഓർമിക്കുകയും അമ്മയെ ആദരിക്കുകയും ചെയ്യുന്നത് നന്നല്ല. എങ്കിലും ആ ഒരു ദിവസം അമ്മമാർക്കൊപ്പം കഴിയുകയും അമ്മമാർക്കായി വിശിഷ്ട ഭോജ്യങ്ങൾ ഉണ്ടാക്കി നൽകിയും ഗിഫ്റ്റുകൾ സമ്മാനിച്ചും അമ്മമാരേ സന്തോഷിപ്പിക്കാനുമാ യി മാറ്റി വച്ച ദിനമാണ്.

ഇരുപതാം നൂറ്റാണ്ടിന്റെ ആരംഭത്തിൽ ആണ് ആദ്യമായി അമേരിക്കയിൽ മാതൃദിനം ആഘോഷിച്ചു തുടങ്ങിയത് 1908 മെയ്‌ 10ന് ആണ് ആദ്യമായി മാതൃദിനം ഔദ്യോഗികമായി ആരംഭിച്ചത്. അമേരിക്കൻ ഐക്യനാടുകളിൽ കുടുബംഗങ്ങളെ ബഹുമാനിക്കാൻ പല ദിനങ്ങളും ആഘോഷിക്കാറുണ്ട്.

” നിങ്ങൾ നിങ്ങളുടെ അമ്മയോട് സംസാരിക്കുമ്പോൾ മൂർച്ചയുള്ള വാക്കുകൾ ഇപയോഗിക്കരുത്. കാരണം നിങ്ങളെ സംസാരിക്കാൻ പഠിപ്പിച്ചത് നിങ്ങളുടെ മാതാവാണ് ” ഇത്‌ ഇന്ത്യൻ യുവതയെ സ്വപ്നം കാണാൻ പഠിപ്പിച്ച മുൻ ഇന്ത്യൻ പ്രസിഡന്റും മിസൽമാനും ആയ Dr APJ അബ്ദുൽകലാമിന്റെ വാക്കുകൾ ആണ്. “കുഞ്ഞുങ്ങൾ പല്ലുകൊണ്ട് ഏല്പിക്കുന്ന മുറിവുകളെക്കാൾ വലുതാണ് അവർ വളരുമ്പോൾ നാക്ക് കൊണ്ട് ഏല്പിക്കുന്ന മുറിവുകൾ “.

ഒരമ്മ തന്റെ കുഞ്ഞ് കരയുമ്പോൾ ആത്മനിർവൃതിയോടെ ചിരിക്കുന്ന, കൊടിയ വേദനയിലും ആഹ്ലാദിക്കുന്ന, ആനന്ദത്തിൽ ആറാടുന്ന ഒരേ ഒരു സന്ദർഭമാണ് ആ കുഞ്ഞിന്റെ ജനനവും അതിന്റെ ആദ്യകരച്ചിലും…
പിന്നീട് അവളുടെ ഓരോ നിമിഷവും കുഞ്ഞിനെ ചുറ്റിപറ്റിയാണ് കഴിയുന്നത്. ഊണിലും ഉറക്കത്തിലും എല്ലാം തന്റെ പിഞ്ചോമനയെ കുറിച്ചുള്ള ഓർമ്മകൾ മാത്രമാണ്. അവരെ കുളിപ്പിച്ച് സുന്ദരനോ സുന്ദരിയോ ആക്കി അമ്മിഞ്ഞപാലൂട്ടി ലോകത്തിലേക്കും സംഗീതസാന്ദ്രമായ താരാട്ട് പാടി ഉറക്കി കിടത്തി, മാർജ്ജാര പാദത്തോടെ നടന്ന് അടുത്ത ജോലികൾക്കായി പോകുമ്പോൾ ഒരു കള്ളിയെ പോലെ അവൾ ഒന്ന്‌ പാളി നോക്കും, കുഞ്ഞിന്റെ ഉറക്കം ശരിയായോ എന്ന്‌. വീണ്ടും പലവട്ടം തുടരും ഈ ഒളിഞ്ഞു നോട്ടം. അങ്ങനെ കണ്ണിലെ കൃഷ്ണ മണിപോലെ വളർത്തുന്ന മക്കൾ അവസാനം എന്താകും ആ അമ്മക്ക് തിരികെ നൽകുക..

ലോകത്തിലെ ഏറ്റവും പവിത്രമായ ബന്ധമാണ് അമ്മയും കുഞ്ഞും തമ്മിൽ ഉള്ളത്. പൊക്കിൾകൊടി ബന്ധം ഒരിക്കലും മുറിച്ചു മാറ്റാൻ കഴിയില്ല. മറ്റൊന്നിനും പകരം വയ്ക്കാൻ ആകില്ല ആ പവിത്ര സ്നേഹത്തിന്.. തന്റെ കുഞ്ഞിന് ഒരു നിസാര അസുഖം വന്നാൽ അവൾക്ക് വേദനയും വെപ്രാളവും ആണ് ഊണും ഉറക്കവും ഉപേക്ഷിക്കും അവൾ.

എന്നാലും കാലം മാറുമ്പോൾ കോലവും മാറും എന്നപഴമൊഴിയെ അന്വർഥമാക്കി ചിലകള്ള നാണയങ്ങൾ അമ്മമാർക്കിടയിലും ഉണ്ട്. തന്റെ സുഖലോലുപതക്കു കുഞ്ഞുങ്ങൾ തടസമായി കരുതുന്നവരും ഉണ്ട്‌. മറ്റുള്ളവരോടുള്ള ദേഷ്യവും വൈരാഗ്യവും തീർക്കാനുള്ള ഉപകാരണങ്ങൾ ആയി കുഞ്ഞുങ്ങളെ കാണുന്നവരും ഉണ്ടാകും അവരെ അമ്മമാർ ആയി കരുതാൻ പാടില്ല. ജന്മം കൊണ്ട് ഒരാളും അമ്മയോ അച്ഛനോ ആകുന്നില്ല,കർമ്മം കൊണ്ട് കൂടിയാവണം ആ സ്ഥാനം അലങ്കരിക്കേണ്ടത്.
അതിന് എത്രവേണമെങ്കിലും ഉദാഹരങ്ങൾ കണ്ടെത്താൻ കഴിയും.

അഭിമാനം രക്ഷിക്കാനും, നിവർത്തികേടുകൊണ്ടും, അനവസരത്തിൽ ജനിച്ചു പോയത് കൊണ്ടും തെരുവിൽ വലിച്ചെറിയുന്ന അനേകം കുഞ്ഞുങ്ങൾ ഉണ്ട്‌. അവരെ കണ്ടെത്തി സ്വന്തം കുഞ്ഞുങ്ങളെപോലെ കരുതി വളർത്തുന്ന പോറ്റമ്മമാരും കർമ്മം കൊണ്ട് അമ്മമാരാണ്.

എന്നാൽ ജീവിതത്തിന്റെ നല്ല സമയം എല്ലാം മക്കൾക്കായി ഉഴിഞ്ഞു വച്ച അമ്മമാർ
ജീവിത സായന്തനത്തിൽ മക്കളാൽ തെരുവിലേക്ക്‌ വലിച്ചെറിയപ്പെടാറുമുണ്ട്. മക്കളോടും പേരകുട്ടികളോടും ഒപ്പം സന്തോഷമായും സമാധാനമായും വിശ്രമജീവിതം നയിക്കാൻ ആഗ്രഹിക്കുന്ന അമ്മമാരേ വയോജനമന്ദിരത്തിലോ, വൃദ്ധസദനത്തിലോ ആരാധാനാലയങ്ങളിലൊ ഉപേക്ഷിക്കുന്നത് ഒരു ഒറ്റപെട്ട സംഭവം അല്ല. നാട്ടിൽ വർദ്ധിച്ചു വരുന്ന ഇത്തരം വൃദ്ധസദനങ്ങൾ തന്നെയാണ് അതിന്റെ തെളിവ്.

ഇന്നത്തെ പരിഷ്കൃത സമൂഹത്തിൽ മണിമാളികകൾ വച്ച് കൂറ്റൻ മതിലും കെട്ടിയിട്ട് മാതാപിതാക്കളെ താമസിപ്പിക്കാൻ വീടിനു പുറത്ത് ഒരു ഷെഡ് പണിതു അതിൽ ആക്കും. ഇക്കൂട്ടർക്കും അവസാനനാളുകളിൽ ഇതൊക്കെ തന്നെയാകും അവസ്ഥ എന്നത് മറ്റൊരു കാര്യം..

മാതാപിതാക്കളെ പൊന്നുപോലെ സംരക്ഷിക്കുന്ന മക്കൾ ധാരാളം ഉണ്ട്. അവർക്കു അതിന്റെ നന്മയും കിട്ടും.അറിയാതെ പോലും അവരുടെ മനസ് വേദനിക്കാതെ നോക്കും.

ഏതായാലും അമ്മമാർക്കായി ഒരു ദിനം മാറ്റിവച്ചു അവരെ ആദരിക്കാനും അവർക്കു സമ്മാനങ്ങൾ നൽകാനും അവർക്കു സന്തോഷവും സമാധാനവും നൽകാനും ഈ ദിവസം എല്ലാ മക്കൾക്കും കഴിയട്ടെ. ജീവിത പ്രാരാബ്ദങ്ങൾ കൊണ്ട് പലരും പ്രവാസികൾ ആണ്. അവർക്കു മാതാ പിതാക്കളെ സന്ദർശിക്കാനോ പരിചരിക്കാനോ കഴിയാറില്ല. എന്നാലും ഇന്ന് ഫോണിൽ കൂടി ആയാലും അവരെ കാണാനും സംസാരിക്കാനും കഴിയും. ആ അവസരം ഉപയോഗപ്പെടുത്തി അവർക്കു സന്തോഷം നല്കാൻ ശ്രദ്ധിക്കണം.

ഈ ഭൂമിയിലെ എല്ലാഅമ്മമാർക്കും ഈ മാതൃദിനത്തിൽ ഹൃദയം നിറഞ്ഞ ആശംസകൾ, അഭിനന്ദനങ്ങൾ.. ഏതെങ്കിലും അമ്മമാരേ അറിഞ്ഞുകൊണ്ടോ അറിയാതെയോ വേദനിപ്പിച്ചിട്ടു ണ്ടെങ്കിൽ അവരോടു ഹൃദയപൂർവ്വം മാപ്പ് അപേക്ഷിക്കുന്നു. എല്ലാ അമ്മമാരെയും ഈശ്വരൻ അനുഗ്രഹിക്കട്ടെ മക്കളുടെ സ്നേഹവും കരുതലും ആവോളം അനുഭവിക്കാൻ കഴിയട്ടെ. നന്മകൾ നേരുന്നു എല്ലാ അമ്മമാർക്കും…

ജിത ദേവൻ✍

Facebook Comments

COMMENTS

- Advertisment -

Most Popular

ടെക്സസ്സിൽ റിയൽ എസ്റ്റേറ്റ് ഏജന്റിനെ കുത്തി കൊലപ്പെടുത്തിയ പ്രതിയുടെ വധശിക്ഷ നടപ്പാക്കി

ഹണ്ട്സ് വില്ല(ടെക്സസ്): പതിനാറു വർഷങ്ങൾക്കു മുമ്പു ടെക്സസ്സിൽ റിയൽ എസ്റ്റേറ്റ് ഏജന്റിനെ കുത്തികൊലപ്പെടുത്തിയ കേസ്സിൽ പ്രതിയായ കോസുള്‍ ചന്ദകൊമേനെ എന്ന നാൽപത്തിയൊന്നുകാരന്റെ വധശിക്ഷ ടെക്സസ് ഹണ്ട്സ് വില്ലയിൽ ആഗസ്റ്റ് 17 ബുധനാഴ്ച 6...

പ്രവർത്തന മികവിന്റെ അനുഭവ സമ്പത്തുമായി ഫോമയുടെ ജനറൽ സെക്രട്ടറി സ്ഥാനാർത്ഥിയായി ഓജസ് ജോൺ.

ഫോമായുടെ 2022-24 വർഷത്തെ ജനറൽ സെക്രട്ടറി ആയി ഫ്രണ്ട്‌സ് ഓഫ് ഫോമാ പാനലിൽ മത്സരരംഗത്തേയ്ക്ക് എത്തുന്നത് വരെ സമൂഹത്തിനു വേണ്ടിയും അതിലുപരി ഫോമയ്‌ക്കു വേണ്ടിയും നടത്തിയ പ്രവർത്തങ്ങളും, നമ്മുടെ സമൂഹത്തിന്റെ ഉന്നമനത്തിനായി നൽകിയ...

ഒഐസിസി സാൻഫ്രാൻസിസ്‌കോ: പ്രവർത്തനോത്ഘാടനവും ഇന്ത്യൻ സ്വാതന്ത്ര്യദിനാഘോഷവും വർണാഭമായി.

സാൻഫ്രാൻസിസ്‌കോ: ഓവർസീസ് ഇന്ത്യൻ കൾച്ചറൽ കോൺഗ്രസ് (ഒഐസിസി യൂഎസ്എ) സാൻഫ്രാൻസിസ്‌കോ ചാപ്റ്ററിന്റെ പ്രവർത്തനോത്‌ഘാടനവും ഇന്ത്യൻ സ്വാതന്ത്ര്യദിന പ്ലാറ്റിനം ജൂബിലി ആഘോഷവും ആഗസ്റ്റ് 14 ന് ഞായറാഴ്ച വൈകുന്നേരം വൈവിധ്യമാർന്ന ചടങ്ങുകളോടെ നടത്തി. മന്റെക്ക ഗ്രീൻവാലി...

ഫിലിപ്പ് ജോൺ അന്തരിച്ചു.

ഡാലസ്: പത്തനംത്തിട്ട തടിയൂർ പൂഴിക്കാലയിൽ ഫിലിപ്പ് ജോൺ (കുഞ്ഞുമോൻ 86) ഡാലസിൽ നിര്യാതനായി. തിരുവല്ലാ കാവുംഭാഗം ചെത്തിക്കാട് കുടുംബാംഗമായ സൂസി ജോൺ ആണ് ഭാര്യ. മക്കൾ: ഫിൽജി ജോൺസ് (ടെന്നസി), ജിജി ജോൺ, ജെസ്സി...
Facebook Comments
WP2Social Auto Publish Powered By : XYZScripts.com
error: