17.1 C
New York
Wednesday, November 30, 2022
Home US News മഹാത്മാ ഗാന്ധിയുടെ പ്രതിമ തകർത്തവർക്കെതിരെ ശക്തമായ നിയമ നടപടിയെടുക്കണം: ഫോമാ

മഹാത്മാ ഗാന്ധിയുടെ പ്രതിമ തകർത്തവർക്കെതിരെ ശക്തമായ നിയമ നടപടിയെടുക്കണം: ഫോമാ

Bootstrap Example

(ഫോമാ ന്യൂസ് ടീം: മുഹമ്മദ് സലിം)

കാലിഫോർണിയയിലെ സാക്രമെന്റോ സിറ്റിയിലെ ഡേവിസ് സെൻട്രൽ പാർക്കിൽ സ്ഥാപിച്ചിരുന്ന മഹാത്മാ ഗാന്ധിയുടെ പ്രതിമ തകർത്ത നടപടി ഞെട്ടിപ്പിയ്ക്കുന്നതും, വേദനിപ്പിക്കുന്നതും അപലപനീയവുമാണെന്നു അമേരിക്കൻ മലയാളികളുടെ കേന്ദ്ര സംഘടനയായ ഫോമാ. ഇന്ത്യയുടെ രാഷ്ട്രപതി മഹാത്മാ ഗാന്ധിയുടെ രക്തസാക്ഷി ദിനത്തിൽ ലോകം ശ്രദ്ധാഞ്ജലി അർപ്പിക്കുമ്പോൾ, അദ്ദേഹത്തിന്റെ പ്രതിമ തകർത്തത് നിന്ദ്യവും, നീചവുമായ പ്രവൃത്തിയാണെന്നും പ്രതിമ തകർത്തവർക്കെതിരെ ശക്തമായ നിയമ നടപടിയെടുക്കണമെന്നും ഫോമാ ആവശ്യപ്പെട്ടു.

സത്യത്തിനും, അഹിംസക്കും വേണ്ടി ജീവിതം ഉഴിഞ്ഞുവെച്ച മഹാനായ മനുഷ്യ സ്നേഹിയെ അപമാനിക്കുക വഴി ലോകത്തിനു മുൻപാകെ ഇന്ത്യയെയും, ഭാരതീയ മൂല്യങ്ങളെയും, ഇകഴ്ത്തി കാട്ടാനുള്ള ശ്രമങ്ങൾ വിലപ്പോകുകയില്ല. മഹാത്മാ ഗാന്ധി ഇന്ത്യയുടെ രാഷ്ട്രപിതാവ് മാത്രമല്ല, ലോകം ആദരിക്കുകയും ബഹുമാനിക്കുകയും ചെയ്യുന്ന, തന്റെ ജീവിതമാണ് തന്റെ സന്ദേശം എന്ന പ്രചരിപ്പിച്ച, ലളിത ജീവിതം കൊണ്ട് ലോകത്തിനു മാതൃകയായ മഹാ പുരുഷനാണ്. അദ്ദേഹത്തിന്റെ പ്രതിമയെ അപമാനിക്കുകയും, കാലുകൾ മുറിച്ചുമാറ്റി നശിപ്പിക്കുകയും ചെയ്യുന്നത് കൊണ്ട് അദ്ദേഹം ലോകത്തിനും, ഭാരതീയർക്കും നൽകിയ സന്ദേശങ്ങളും, സംഭാവനകളും ഇല്ലാതാക്കുകയോ, തുടച്ചുമാറ്റാനോ കഴിയില്ല. ഒരു സാധാരണ അഭിഭാഷകനിൽ നിന്ന് ഒരു രാജ്യത്തിന്റെ നേതാവിലേക്കും അഹിംസയുടെ ആൾരൂപമായി ലോകം മുഴുവൻ ബഹുമാനിക്കുന്ന ആദർശവ്യക്തിയിലേയ്ക്കുമുള്ള അദ്ദേഹത്തിന്റെ വളർച്ച എല്ലാ ഭാരതീയർക്കും ഇന്നും പ്രചോദനമാണ്.

തന്റെ ലളിത ജീവിതം കൊണ്ട് കോടാനുകോടി ജനങ്ങളുടെ ജീവിതങ്ങൾക്ക് വഴികാട്ടിയും സന്ദേശവുമായ മഹാത്മാവിന്റെ പ്രതിമ തകർത്തവരെ കണ്ടു പിടിച്ചു തക്കതായ ശിക്ഷണ നടപടികൾ ആഭ്യന്തര വകുപ്പും എഫ്.ബി.ഐയും സ്വീകരിക്കണമെന്ന് ഫോമാ പ്രസിഡന്റ് അനിയൻ ജോർജ്ജ്,

ജനറൽ സെക്രട്ടറി ടി.ഉണ്ണികൃഷ്‌ണൻ,ട്രഷറർ തോമസ് ടി ഉമ്മൻ, വൈസ് പ്രസിഡന്റ് പ്രദീപ് നായർ , ജോയിന്റ് സെക്രട്ടറി ജോസ് മണക്കാട്ട്, ജോയിൻറ് ട്രഷറർ ബിജു തോണിക്കടവിൽ എന്നിവർ ഫോമയുടെ നാഷണൽ കമ്മിറ്റിക്കു വേണ്ടി ആവശ്യപ്പെട്ടു.

Facebook Comments

COMMENTS

- Advertisment -

Most Popular

മകനോട് (കവിത) ✍🏻അമ്പിളി പ്രകാശ് ഹ്യൂസ്റ്റൺ, യു.എസ്.എ

അന്യവീട്ടിൽ എത്തിയാൽ എങ്ങനെ പെരുമാറണമെന്ന് അമ്മ പെൺമക്കളെ ഉപദേശിക്കാറുണ്ട്, പഠിപ്പിക്കാറുണ്ട്. ഒപ്പം മകനെയും അമ്മ പലതും ഉപദേശിക്കേണ്ടതും പഠിപ്പിക്കേണ്ടതും ഉണ്ട്. എല്ലാആൺമക്കൾക്കും, മാതാപിതാക്കൾക്കുമായി സമർപ്പിക്കട്ടെ. മകനോട് (കവിത) *************************** മകനെ!! ഇന്നമ്മ കാണുന്നതൊക്കെയും മന:സ്വസ്ഥത കുറയ്ക്കുന്ന കാഴ്ചകൾ... മകനെ..... നീയറിയണം നിൻ വഴിവിളക്കായൊരമ്മയെ.... കുപ്പിവളകൾ കുലുക്കിച്ചിരിക്കുമാ പെങ്ങളെ. അവരടക്കിപ്പിടിച്ചു നടക്കും ദിനങ്ങളെ.... അടുപ്പിൽ...

പൈതൽ (കവിത) ✍അജിത ജയചന്ദ്രൻ

   തെരുവുനായ്ക്കൊരു നേരത്തെ ഭക്ഷണമായ്ത്തീർന്നുഞാൻ ജനനവും മരണവും ഒരു പോലെ തേടി വന്നു .......... പേറ്റുനോവിൻ തളർച്ചയിൽ മാതാവു മയങ്ങുമ്പോൾ, ആദ്യ മുലപ്പാൽ ചുരത്തിയാ മാറിടം മാത്രം വിതുമ്പി നിന്നു കാവലായ് നിൽക്കുമെന്നച്ഛന്റെ താരാട്ടുപാട്ടുകൾ എങ്ങോ മറഞ്ഞു...

മുഖം ബുക്സിന്റെ പുസ്തകപ്രകാശന ചടങ്ങ് തൃശ്ശൂർ പ്രസ്ക്ലബ്ബിൽ വച്ച് നടന്നു

"അക്ഷരങ്ങളിലൂടെ സാന്ത്വനം" എന്നത് മുഖമുദ്രയാക്കി പ്രവർത്തിക്കുന്ന മുഖം ബുക്സിന്റെ പുസ്തകപ്രകാശന ചടങ്ങ് തൃശ്ശൂർ പ്രസ്ക്ലബ്ബിൽ വച്ച് നടന്നു .പ്രമുഖ കവയിത്രി സുനിത സുകുമാരൻ അദ്ധ്യക്ഷത വഹിച്ചു. ശ്രീ.വി. എസ്‌. സുനിൽകുമാറും കലവൂർ രവികുമാറും...

തിയേറ്ററിലെ സുഹൃത്ത്👭 (നർമ്മ കഥ)

കുറെനാൾ ആയിട്ടുള്ള ഭാര്യയുടെ പരാതി തീർക്കാനായി ചന്ദ്രൻ അന്ന് ഓഫീസിൽ നിന്ന് ലീവ് എടുത്തിരുന്നു. മോർണിംഗ് ഷോ സിനിമ, ഒരു മുന്തിയ ഹോട്ടലിൽ നിന്ന് ലഞ്ച്. അതായിരുന്നു അന്നത്തെ അവരുടെ പ്ലാൻ. ചന്ദ്രനും...
Facebook Comments
WP2Social Auto Publish Powered By : XYZScripts.com
error: