“മഴ” എന്ന കവിതയുമായി ഇതാ പത്തു വയസുകാരി ഭാഗ്യകുഞ്ഞാറ്റ

“മഴ” എന്ന ഭാവനാസമ്പന്നമായ കവിതയുമായി പത്തു വയസ്സുകാരി ഭാഗ്യകുഞ്ഞാറ്റ എന്ന ഭാഗ്യ രാജേഷ് കവിതാ ലോകത്തേക്ക് ..

കോട്ടയം പങ്ങട എസ് എച്ച് ഹൈസ്‌കൂളിൽ ആറാം ക്ലാസ് വിദ്യാർത്ഥിനിയായ ഭാഗ്യ രാജേഷ് എന്ന ഭാഗ്യകുഞ്ഞാറ്റ കോട്ടയം പങ്ങട പാമ്പാടി സ്വദേശികളായ രാജേഷ് – ബീനാ ദമ്പതികളുടെ ഏക മകളാണ്. അച്ഛൻ രാജേഷ് അറിയപ്പെടുന്ന ഒരു മിമിക്രി ആർട്ടിസ്റ്റാണ്. . കുവൈറ്റിൽ ഹോസ്‌പിറ്റലിൽ ജോലി ചെയ്യുന്ന അമ്മ ബീനാ രാജേഷും അത്യാവശ്യം കവിതകൾ എഴുതാറുണ്ട്.

ഭാഗ്യകുഞ്ഞാറ്റയുടെ ചെറുതൂലികയിൽ വിരിഞ്ഞ മഴ എന്ന കവിത ഇതാ നിങ്ങൾക്കായ്‌…

⛈⛈മഴ..⛈⛈

കാത്തിരുന്നു ഞാൻ
വേനലിലൊരു കുളിർ
മഴപെയ്ത്തിനായി,

തണുപ്പാർന്നനേരത്ത് 
കുളിരേകിയ
മഴയോടെനിക്ക് പരിഭവം,
വേനലിൽ തീവ്രഉഷ്ണത്തിലതിലേറെ പരിഭവം,

കാത്തുകാത്തിരുന്നു
നിന്റെ വരവിനായി,
മറഞ്ഞിരുന്നെന്നോട്
കുറുമ്പ് കാട്ടും,

ഞാനോർക്കാത്ത
നേരത്തെന്നരികിൽ,
തണുത്ത കുളിർക്കാറ്റ്
വീശിടുന്നു,

ഇളംതെന്നലായി
തഴുകി തലോടി
മഴയായി പെയ്തിറങ്ങി.

✍️ഭാഗ്യകുഞ്ഞാറ്റ