17.1 C
New York
Wednesday, October 27, 2021
Home Obituary മറിയാമ്മ മാത്യൂസ് (77) ന്യൂയോര്‍ക്കില്‍ നിര്യാതയായി

മറിയാമ്മ മാത്യൂസ് (77) ന്യൂയോര്‍ക്കില്‍ നിര്യാതയായി


ബിജു ചെറിയാന്‍ (ന്യൂയോര്‍ക്ക്)

ന്യൂയോര്‍ക്ക്: മൈലപ്ര പീടികപ്പറമ്പില്‍ പരേതനായ മാത്യു പി. കോശിയുടെ ഭാര്യ മറിയാമ്മ മാത്യൂസ് (77) ന്യൂയോര്‍ക്കിലെ സ്റ്റാറ്റന്‍ഐലന്റില്‍ ജനുവരി 12-ന് ചൊവ്വാഴ്ച നിര്യാതയായി. സംസ്കാരം ശനിയാഴ്ച നടത്തും. രജിസ്‌ട്രേഡ് നഴ്‌സായി ദീര്‍ഘകാലം ന്യൂയോര്‍ക്കിലെ കോണി ഐലന്റ് മെട്രോപ്പോളിറ്റന്‍ ജ്യൂവിഷ് ജീഡിയ്രട്രിക് സെന്ററില്‍ സേവനം അനുഷ്ഠിച്ചശേഷം സ്വവസതിയില്‍ വിശ്രമജീവിതം നയിച്ചുവരികയായിരുന്നു.


ഷീല മാര്‍ട്ടിന്‍ (ടാമ്പ, ഫ്‌ളോറിഡ), ഷിബു മാത്യൂസ് (റിഡ്ജ് വുഡ്, ന്യൂജേഴ്‌സി) എന്നിവരാണ് മക്കള്‍. രാകേഷ് മാര്‍ട്ടിന്‍ (ഫ്‌ളോറിഡ), നീന ഷിബു (ന്യൂജേഴ്‌സി) എന്നിവര്‍ ജാമാതാക്കളും, ഫെയിത്ത്, ഹാനാ, മാത്യു, ജയിലിന്‍, സോണിയ എന്നിവര്‍ പേരക്കുട്ടികളുമാണ്. ന്യൂയോര്‍ക്കിലെ ആദ്യകാല മലയാളി കുടിയേറ്റക്കാരിലൊരാളാണ്.


മല്ലപ്പള്ളില്‍ കരുവേലില്‍ ചാമക്കാലായില്‍ കുടുംബാംഗമാണ് പരേത. പരേതരായ സി.സി വര്‍ഗീസ്, ഏലിയാമ്മ വര്‍ഗീസ് ദമ്പതികളുടെ പുത്രിയായ മറിയാമ്മ മാത്യൂസ് അഹമ്മദാബാദിലെ നഴ്‌സിംഗ് പഠനത്തിനുശേഷം 1974-ലാണ് അമേരിക്കയിലെത്തുന്നത്. ദീര്‍ഘകാലം ബ്രൂക്കിനിലെ കോണി ഐലന്റിലായിരുന്നു താമസം. തുടര്‍ന്ന് സ്റ്റാറ്റന്‍ഐലന്റില്‍ വിശ്രമജീവിതം നയിച്ചുവരികയായിരുന്നു. ജാക്‌സണ്‍ഹൈറ്റ്‌സ് സെന്റ് മേരീസ് മലങ്കര ഓര്‍ത്തഡോക്‌സ് ദേവാലയത്തിന്റെ സ്ഥാപകാംഗവും സജീവ പ്രവര്‍ത്തകയുമായിരുന്നു.


കുഞ്ഞമ്മ ജോര്‍ജ് (മല്ലപ്പള്ളി), സ്കറിയ ചാമക്കാലായില്‍ (കുഞ്ഞുമോന്‍, ന്യൂയോര്‍ക്ക്), ചെറിയാന്‍ വര്‍ഗീസ് (ബേബി, മല്ലപ്പള്ളി), അമ്മുക്കുട്ടി ഇടിക്കുള (കടപ്ര, നിരണം), വര്‍ഗീസ് വര്‍ഗീസ് (ബാബുക്കുട്ടി, ന്യൂയോര്‍ക്ക്) എന്നിവര്‍ പരേതയുടെ സഹോദരങ്ങളാണ്.


മലങ്കര ഓര്‍ത്തഡോക്‌സ് സഭ നോര്‍ത്ത് ഈസ്റ്റ് ഭദ്രാസനത്തിലെ വൈദീകനും സ്റ്റാറ്റന്‍ഐലന്റ് സെന്റ് മേരീസ് ഓര്‍ത്തഡോക്‌സ് പള്ളി വികാരിയുമായ റവ.ഫാ. ഗീവര്‍ഗീസ് വര്‍ഗീസ് (ബോബി അച്ചന്‍)സഹോദര പുത്രനാണ്. എം.എസ് ജോര്‍ജ് (മല്ലപ്പള്ളി), അന്നമ്മ സ്കറിയ (ന്യൂയോര്‍ക്ക്), പരേതയായ മറിയാമ്മ ചെറിയാന്‍, കെ.എ. ഇടിക്കുള (കടപ്ര), ലിസാമ്മ വര്‍ഗീസ് (ന്യൂയോര്‍ക്ക്) എന്നിവര്‍ സഹോദര ഭാര്യമാരും ഭര്‍ത്താക്കന്മാരുമാണ്.


ജനുവരി 16-ന് ശനിയാഴ്ച രാവിലെ 8 മുതല്‍ 11 വരെ സ്റ്റാറ്റന്‍ഐലന്റിലെ മാത്യൂസ് ഫ്യൂണറല്‍ ഹോമില്‍ വച്ച് വേയ്ക്കും, സംസ്കാര ശുശ്രൂഷകളും നടക്കും. തുടര്‍ന്ന് ന്യൂജേഴ്‌സിയിലെ പരാമസിലുള്ള വാഷിംഗ്ടണ്‍ മെമ്മോറിയല്‍ സെമിത്തേരിയില്‍ സംസ്കരിക്കും. ജാക്‌സണ്‍ ഹൈറ്റ്‌സ് സെന്റ് മേരീസ് പള്ളി വികാരി റവ.ഫാ. ജോണ്‍ തോമസ്, റവ.ഫാ. ഗീവര്‍ഗീസ് വര്‍ഗീസ് എന്നിവര്‍ ശുശ്രൂഷകള്‍ക്ക് കാര്‍മികത്വം വഹിക്കും. കോവിഡ് മാനദണ്ഡങ്ങള്‍ പാലിച്ചുകൊണ്ട് നടത്തുന്ന സംസ്കാര ശുശ്രൂഷകളില്‍ കുടുംബാംഗങ്ങള്‍ക്ക് മാത്രമായി പങ്കെടുക്കുവാനുള്ള ക്രമീകരണങ്ങള്‍ ചെയ്തിട്ടുണ്ട്. തത്സമയ സംപ്രേഷണം ഉണ്ടായിരിക്കും.

ബിജു ചെറിയാന്‍ (ന്യൂയോര്‍ക്ക്) അറിയിച്ചതാണിത്.

COMMENTS

LEAVE A REPLY

Please enter your comment!
Please enter your name here

- Advertisment -

Most Popular

പന്തളത്ത് കാറും കെഎസ്ആർടിസി സൂപ്പർഫാസ്റ്റും കൂട്ടിയിടിച്ച് 8 പേർക്ക് പരിക്ക്.

പന്തളത്ത് കാറും കെഎസ്ആർടിസി സൂപ്പർഫാസ്റ്റും കൂട്ടിയിടിച്ച് ചൊവ്വാഴ്ച്ച 8 പേർക്ക് പരിക്കേറ്റു. കുരമ്പാല ഇടയാടിയിൽ എംസി റോഡിൽ ചൊവ്വ രാത്രി എട്ടു മണിയോടെയാണ് അപകടമുണ്ടായത്. കോട്ടയത്തു നിന്നു കൊട്ടരക്കരയിലേക്കു പോയ ബസും,...

പത്തനംതിട്ട ജില്ലയില്‍ നിരവധി തൊഴില്‍ അവസരം; അടൂര്‍ ജനറല്‍ ആശുപത്രിയിലേക്ക് വിവിധ തസ്തികകളില്‍ അപേക്ഷ ക്ഷണിച്ചു

അടൂര്‍ ജനറല്‍ ആശുപത്രിയില്‍ ആശുപത്രി വികസന സമിതിയുടെ കീഴില്‍ വിവിധ തസ്തികകളിലേക്ക് കോണ്‍ട്രാക്ട് അടിസ്ഥാനത്തില്‍ സ്റ്റാഫിനെ നിയമിക്കുന്നതിന് ഗവ.അംഗീകൃത യോഗ്യതയുള്ളവരില്‍ നിന്നും അപേക്ഷ ക്ഷണിച്ചു. പ്രായപരിധി 40 വയസ്. അപേക്ഷ സ്വീകരിക്കുന്ന അവസാന തീയതി...

ആതുര മേഖലയ്ക്ക് ആദരവോടെ; പത്തനംതിട്ടയ്ക്ക് 14 ആംബുലന്‍സുകള്‍ കൈമാറി ആന്റോ ആന്റണി എം.പി

ആരോഗ്യരംഗത്തെ പ്രവര്‍ത്തകര്‍ക്കുള്ള ആദരവാണ് പത്തനംതിട്ട ജില്ലയില്‍ വിതരണം ചെയ്ത 14 ആബുലന്‍സുകളെന്ന് ആന്റോ ആന്റണി എം.പി പറഞ്ഞു. പത്തനംതിട്ട ജില്ലാ സ്റ്റേഡിയത്തില്‍ നടന്ന ചടങ്ങില്‍ എം.പി വികസന ഫണ്ടില്‍ നിന്ന് ജില്ലയ്ക്ക് അനുവദിച്ച...

ഗര്‍ഭിണികള്‍ക്കുളള കോവിഡ് വാക്സിനേഷന്‍ ആശങ്ക വേണ്ട: ഡി.എം.ഒ

സംസ്ഥാനതലത്തില്‍ കോവിഡ് വാക്സിനേഷനില്‍ പത്തനംതിട്ട ജില്ല ഒന്നാം സ്ഥാനത്താണെങ്കിലും ഗര്‍ഭിണികള്‍ക്കായുളള വാക്സിനേഷനില്‍ ഇനിയും മുന്നോട്ട് പോകാനുണ്ടെന്ന് ജില്ലാ മെഡിക്കല്‍ ഒഫീസര്‍ (ആരോഗ്യം) ഡോ.എ.എല്‍ ഷീജ പറഞ്ഞു. വാക്സിനെടുത്താല്‍ എന്തെങ്കിലും ബുദ്ധിമുട്ടുകളോ അപകടമോ ഉണ്ടാകുമോയെന്ന്...
WP2Social Auto Publish Powered By : XYZScripts.com
error: