17.1 C
New York
Saturday, April 1, 2023
Home US News *ഫോമാ 'ഹെല്പിങ് ഹാൻഡ്‌സ് ' സാമ്പത്തിക സഹായ പദ്ധതി ഉദ്ഘാടനം: ഫെബ്രുവരി 5...

*ഫോമാ ‘ഹെല്പിങ് ഹാൻഡ്‌സ് ‘ സാമ്പത്തിക സഹായ പദ്ധതി ഉദ്ഘാടനം: ഫെബ്രുവരി 5 ന് *

(ഫോമാ ന്യൂസ് ടീം)

നിർദ്ധനരും, അശരണരുമായവരെ സഹായിക്കുന്നതിനും, അവരുടെ അതിജീവന പ്രക്രിയയിൽ ഭാഗമാകുന്നതിനും , ഫോമാ 2020-2022 കാലത്തെ ഭരണ സമിതി നടപ്പിലാക്കുന്ന സാമ്പത്തിക സഹായ പദ്ധതിയായ ഹെല്പിങ് ഹാൻഡിന്റെ ഉദ്ഘാടനം ഫെബ്രുവരി അഞ്ചിന് വെള്ളിയാഴ്ച വൈകിട്ട് ഈസ്റ്റേൺ ടൈം 8.30 ന്, ആരാധ്യനായ മുൻ പത്തനം തിട്ട കളക്ടറും, ഇപ്പോഴത്തെ കോപ്പറേറ്റിവ് രജിസ്ട്രാറുമായ ഡോക്ടർ. പി.ബി.നൂഹ് ഐ.എ.എസ് നിർവ്വഹിക്കും.

തദവസരത്തിൽ സമാനതകളില്ലാത്ത നിരവധി ജീവകാരുണ്യ പ്രവർത്തനങ്ങളിലൂടെ, ജനസേവന രംഗത്ത് കയ്യൊപ്പ് ചാർത്തിയ ദയാബായി, കൊച്ചൗസേഫ് ചിറ്റിലപ്പള്ളി, ഫാദർ ഡേവിസ് ചിറമേൽ, സ്വാമി ഗുരുരത്നം ജ്ഞാന തപസ്വി (ശാന്തിഗിരി), എന്നിവർ അനുഗ്രഹ പ്രഭാഷണങ്ങൾ കൊണ്ട് ചടങ്ങിനെ സമ്പന്നമാക്കും.

ലോകത്താകമാനമുള്ള സംഘടനകൾക്ക് ജനസേവനത്തിന്റെയും , കാരുണ്യ പ്രവർത്തനങ്ങളുടെയും പാതയിൽ, ഹെല്പിങ് ഹാൻഡിലൂടെ ഒരു പുതിയ മാതൃക തീർക്കുകയാണ് ഫോമാ. അമേരിക്കയിലും, കേരളത്തിലും, അത്യാഹിതങ്ങളിൽ പെടുന്നവർക്കും, സാമ്പത്തിക ക്ലേശമനുഭവിക്കുന്നവർക്കും ഉപകാരപ്പെടുന്ന വിധമാണ്ഫോമയുടെ ഹെല്പിങ് ഹാൻഡ് സാമ്പത്തിക ,സഹായ പദ്ധതി രൂപം കൊടുത്തിട്ടുള്ളത്. സേവനമനസ്കരായ അയ്യായിരത്തോളം പ്രവാസി മലയാളികൽ പദ്ധതിയിൽ പങ്കാളികളാകും. പ്രതിമാസം അഞ്ചോളം കേസുകൾ ഫോമയുടെ വെബ്‌സൈറ്റിൽ എത്തുകയും, രജിസ്റ്റർ ചെയ്യപ്പെടുന്ന കേസുകൾക്ക് അവയുടെ ഗൗരവമനുസരിച്ചും, അംഗങ്ങളുടെ താത്പര്യപ്രകാരവും തുക നൽകാവുന്ന വിധത്തിലാണ് വെബ്സൈറ്റ് ക്രമീകരിക്കപ്പെട്ടിട്ടുള്ളത്.

ഹെല്പിങ് ഹാൻഡിന്റെ വിജയത്തിനായി അമേരിക്കയുടെ വിവിധ ഭാഗങ്ങളിലായുള്ള സേവന സന്നദ്ധരായ നൂറിൽ പരം അംഗങ്ങൾ പ്രദീപ് നായർ, സാബു ലൂക്കോസ്, ഗിരീഷ് പോറ്റി, ബിജു ചാക്കോ , ജെയ്ൻ കണ്ണച്ചാൻപറമ്പിൽ, ഡോക്ടർ ജഗതി നായർ, നിഷ എറിക്, മാത്യു ചാക്കോ, ജയാ അരവിന്ദ് എന്നിവരുടെ നേതൃത്വത്തിൽ കർമ്മ നിരതരായി കഴിഞ്ഞിട്ടുണ്ട്.

ഫോമയുടെ 2020-2022 സമിതിയുടെ സ്വപ്ന സേവന പദ്ധതിയായ ഹെല്പിങ് ഹാൻഡിന്റെ സഹായ പദ്ധതിയിൽ പങ്കാളികളാകാനും, അനുഗ്രഹിക്കാനും, സേവന മനസ്കരും, ഫോമയുടെ പ്രവർത്തനങ്ങളെ എല്ലായ്‌പ്പോഴും പിന്തുണക്കുന്ന എല്ലാ മലയാളികളും ഫെബുവരി 5 നു സൂം വെബിനാറിൽ നടക്കുന്ന ഉദ്ഘാടന ചടങ്ങിൽ പങ്കെടുത്ത് വിജയിപ്പിക്കണമെന്ന് ഫോമാ പ്രസിഡന്റ് അനിയൻ ജോർജ്ജ്, ജനറൽ സെക്രട്ടറി ടി.ഉണ്ണികൃഷ്‌ണൻ,ട്രഷറർ തോമസ് ടി ഉമ്മൻ, വൈസ് പ്രസിഡന്റ് പ്രദീപ് നായർ , ജോയിന്റ് സെക്രട്ടറി ജോസ് മണക്കാട്ട്, ജോയിൻറ് ട്രഷറർ ബിജു തോണിക്കടവിൽ എന്നിവർ അഭ്യർത്ഥിക്കുന്നു

FACEBOOK - COMMENTS

WEBSITE - COMMENTS

LEAVE A REPLY

Please enter your comment!
Please enter your name here

- Advertisment -

Most Popular

‘Autism’ – ✍George Joseph

April 2 is observed as World Autism Awareness Day in order to emphasise the significance of supporting people with autism and to improve the...

വാർത്തകൾ വിരൽത്തുമ്പിൽ | 2023 | ഏപ്രിൽ 01 | ശനി

◾സംസ്ഥാന സ്‌കൂള്‍ കലോത്സവത്തിലെ സ്വാഗതഗാന ദൃശ്യാവിഷ്‌കാര വിവാദത്തില്‍ പൊലീസ് കേസെടുത്തു. മാതാ പേരാമ്പ്രയുടെ ഡയറക്ടറടക്കം 11 പേര്‍ക്കെതിരെയാണ് കേസ്. മതസ്പര്‍ധ വളര്‍ത്താന്‍ ശ്രമിച്ചെന്ന കുറ്റം ചുമത്തി കോഴിക്കോട് നടക്കാവ് പൊലീസാണു കേസെടുത്തത്. രാജീവ്...

ബ്രഹ്മപുരം തീപിടുത്തം; മാലിന്യ കൂമ്പാരത്തിന് സ്വയം തീ പിടിച്ചത് ആവാമെന്ന് ഫോറന്‍സിക് റിപ്പോര്‍ട്ട്.

കൊച്ചി: ബ്രഹ്മപുരത്ത് മാലിന്യ കൂമ്പാരത്തിന് സ്വയം തീ പിടിച്ചത് ആവാമെന്ന് ഫോറന്‍സിക് റിപ്പോര്‍ട്ട്. മാലിന്യ നിക്ഷേപത്തിലെ രാസ വസ്തുക്കള്‍ തീ പിടിക്കാന്‍ കാരണമായെന്നാണ് ഫോറന്‍സിക് റിപ്പോര്‍ട്ടിലെ വിശദീകരണം. കാലങ്ങളായി കെട്ടിക്കിടക്കുന്ന മാലിന്യങ്ങളില്‍ വലിയ...

കോവിഡ് പ്രതിരോധം എല്ലാ ജില്ലകളും സര്‍ജ് പ്ലാന്‍ തയ്യാറാക്കി: ഗര്‍ഭിണികള്‍, പ്രായമായവര്‍, ജീവിതശൈലി രോഗമുള്ളവര്‍ എന്നിവര്‍ക്ക് മാസ്‌ക് നിര്‍ബന്ധം:മന്ത്രി വീണാ ജോര്‍ജ്.

തിരുവനന്തപുരം: സംസ്ഥാനത്ത് കോവിഡ് കേസുകള്‍ ചെറുതായി കൂടി വരുന്ന സാഹചര്യത്തില്‍ പ്രതിരോധ പ്രവര്‍ത്തനങ്ങള്‍ ശക്തിപ്പെടുത്താന്‍ എല്ലാ ജില്ലകള്‍ക്കും നിര്‍ദേശം നല്‍കിയതായി ആരോഗ്യ വകുപ്പ് മന്ത്രി വീണാ ജോര്‍ജ്. കോവിഡ് കേസുകള്‍ വര്‍ധിക്കുന്നത് മുന്നില്‍...
WP2Social Auto Publish Powered By : XYZScripts.com
error: