(സലിം – ഫോമാ ന്യൂസ് ടീം )
അന്തർദ്ദേശീയ വനിതാ ദിനത്തോടനുബന്ധിച്ച് ഫോമാ വനിതാ ഘടകം വിവിധ രംഗങ്ങളിൽ പ്രാഗൽഭ്യം തെളിയിച്ച വനിതാ രത്‌നങ്ങളെ ആദരിക്കുന്നു. മുഖ്യധാരാ രാഷ്ട്രീയം, സാമൂഹ്യ സേവനം, സാംസ്കാരിക വിനോദം, ആതുര സേവനം (ഡോക്ടർസ് & നഴ്സ്), വിദ്യാഭ്യാസം, വാണിജ്യ-വ്യവസായം തുടങ്ങിയ രംഗങ്ങളിൽ മികവ് തെളിയിച്ചവരെയാണ് ആദരിക്കുന്നത്.
ആദരിക്കപ്പെടേണ്ടവർ എന്ന് നിങ്ങൾക്ക് ഉത്തമ ബോധ്യമുള്ള പ്രതിഭകളുടെ വിവരങ്ങൾ അവർ പ്രതിഭ തെളിയിച്ച മേഖല, എന്തുകൊണ്ട് ആദരിക്കപ്പെടണം എന്ന് വിശദമാക്കുന്ന കുറിപ്പ്, അവർ നേടിയിട്ടുള്ള അംഗീകാരങ്ങളുടെ വിശദവിവരങ്ങൾ ഫോട്ടോ സഹിതം fomaa.nationalwomensforum@gmail.com എന്ന ഈ മെയിലിൽ മാർച്ചു 5 ആം തീയതിക്ക് മുൻപായി അയച്ചു തരിക.
