17.1 C
New York
Saturday, August 13, 2022
Home US News ഫോമാ മലപ്പുറം-നിലമ്പൂർ-കക്കാടംപൊയിൽ പാർപ്പിട പദ്ധതി: ജനുവരി 19 നു ശ്രീ കുഞ്ഞാലിക്കുട്ടി.എം.പി,...

ഫോമാ മലപ്പുറം-നിലമ്പൂർ-കക്കാടംപൊയിൽ പാർപ്പിട പദ്ധതി: ജനുവരി 19 നു ശ്രീ കുഞ്ഞാലിക്കുട്ടി.എം.പി, സമർപ്പിക്കും

(ഫോമാ ന്യൂസ് ടീം)

പ്രളയദുരിതങ്ങളിൽ പെട്ട് ഉലഞ്ഞുപോയ കേരളത്തിന്റെ പുനർജീവന പ്രക്രിയയിൽ പങ്കാളിയായി കൊണ്ട്, അമേരിക്കൻ മലയാളികളുടെ കേന്ദ്ര സംഘടനയായ ഫോമാ ഏറ്റെടുത്ത  നിലമ്പൂർ-കക്കാടംപൊയിൽ പാർപ്പിട പദ്ധതി  മുൻ മന്ത്രിയും ,ഇന്ത്യൻ യൂണിയൻ മുസ്‌ലിം ലീഗ് ജനറൽ സെക്രട്ടറിയും, എംപി.യുമായ ശ്രീ.കുഞ്ഞാലിക്കുട്ടി ജനുവരി 19നു ഈസ്റ്റേൺ സ്റ്റാൻഡേർഡ് സമയം വൈകിട്ട് 8 30 നു സമർപ്പിക്കും.

കേരളത്തിന്റെ നവനിർമ്മിതിയുടെ ഭാഗമായി 40 വീടുകളാണ് 2018-2020  ലെ ഫോമാ ദേശീയ നിർവ്വാഹക സമിതി കേരളത്തിൽ നിർമ്മിച്ചത്. ഫോമയിലെ അംഗങ്ങളായ വിവിധ അസോസിയേഷനുകളുടെ പിന്തുണയോടെയും സാമ്പത്തിക സഹായത്തോടെയുമാണ് പാർപ്പിട പദ്ധതികൾ പൂർത്തീകരിച്ചിട്ടുള്ളത്. നിലമ്പൂരിലെ പദ്ധതിക്കാവശ്യമായ സ്ഥലം സൗജന്യമായി വിട്ടുനൽകിയത് ഫ്‌ലോറിഡയിൽ നിന്നുള്ള നോയൽ മാത്യുവാണ്. നിലമ്പൂർ-കക്കാടംപൊയിൽ പാർപ്പിട പദ്ധതികൾക്കാവശ്യമായ സാമ്പത്തിക സഹായവും, ഊർജ്ജവും നൽകി അതിന്റെ പ്രായോജകരായത്   മയാമി മലയാളി അസോസിയേഷൻ, മലായാളി അസോസിയേഷൻ ഓഫ് നോർത്ത് ഫ്ലോറിഡ, 2016- 2018 കാലത്തെ ഫോമയുടെ ദേശീയ സമിതി എന്നിവരാണ്. ഫോമാ എക്സിക്യൂട്ടീവിനോടൊപ്പം അനിയൻ ജോർജ് ചെയർമാനായും ടി ഉണ്ണികൃഷ്ണൻ കോ ഓർഡിനേറ്ററായും ജോസഫ് ഔസോ , നോയൽ മാത്യു , ബിജു തോണിക്കടവിൽ തുടങ്ങിയവർ അംഗങ്ങളായുമുള്ള കമ്മിറ്റയാണ് വില്ലജ് പ്രോജക്ടിന്റെ മേൽനോട്ടം വഹിച്ചത്.

സുരക്ഷിതവും,വാസയോഗ്യവുമായ പാര്‍പ്പിടങ്ങള്‍ ഒരു സാമൂഹ്യജീവിയായ മനുഷ്യന് അത്യന്താപേക്ഷിതമാണ്. പ്രളയം കേരളത്തിലെ ജനതയുടെ പാർപ്പിട സൗകര്യങ്ങളെയും, സുരക്ഷിത ജീവിതത്തെയുമാണ് തകർത്തുകളഞ്ഞത്. സാമ്പത്തിക-ആരോഗ്യമേഖലകളെയുൾപ്പടെ ബാധിച്ച പ്രളയത്തെ അതിജീവിക്കാനും, ആത്മവിശ്വാസത്തോടെ ജീവിക്കാനും ജീവിതം കെട്ടിപ്പെടുക്കാനുമുള്ള പ്രയത്‌നങ്ങളുടെ നാന്ദികുറിച്ച നവ കേരള നിർമ്മിതിയിൽ സജീവ പങ്കാളികളാകാൻ ഫോമക്ക് കഴിഞ്ഞതിന്റെ ഫലമാണ് നിലമ്പൂർ-കക്കാടംപൊയിൽ പാർപ്പിട പദ്ധതിയും, കടപ്ര ഫോമാ വില്ലേജ് പദ്ധതിയും. നിലമ്പൂർ പാർപ്പിട പദ്ധതിയും സമർപ്പിക്കുന്നതോടെ ഫോമയുടെ ഒരു വലിയ പദ്ധതിയുടെ സാക്ഷാൽക്കാരമാകും.

ജനുവരി 19 നു ഈസ്റ്റേൺ സ്റ്റാൻഡേർഡ് സമയം വൈകിട്ട് 8 30 നു സൂം മീറ്റിംഗിലൂടെ ശ്രീ കുഞ്ഞാലിക്കുട്ടി സമർപ്പിക്കുന്ന പരിപാടിയിൽ എല്ലാ നല്ലവരായ മലയാളികളും, ഭാഗഭാക്കാകണമെന്നുഫോമാ ദേശീയ നിർവ്വാഹക കമ്മറ്റി ഭാരവാഹികളായ പ്രസിഡന്റ്  അനിയൻ ജോർജ്ജ്, സെക്രട്ടറി ടി.ഉണ്ണികൃഷ്‌ണൻ,ട്രഷറർ തോമസ് ടി ഉമ്മൻ, വൈസ് പ്രസിഡന്റ് പ്രദീപ് നായർ  , ജോയിന്റ് സെക്രട്ടറി ജോസ് മണക്കാട്ട്, ജോയിൻറ് ട്രഷറർ ബിജു തോണിക്കടവിൽ  എന്നിവർ അഭ്യർത്ഥിച്ചു.

Facebook Comments

COMMENTS

- Advertisment -

Most Popular

“ചെറുപ്പക്കാരായാൽ ഇങ്ങനെ വേണം ഇങ്ങനെ തന്നെ വേണം”:- ഡോക്ടർ ഗോപിനാഥ് മുതുകാട്

"ചെറുപ്പക്കാരായാൽ ഇങ്ങനെ വേണം ഇങ്ങനെ തന്നെ വേണം":- ബഡി ബോയ്സ് ഫിലാഡൽഫിയ എന്ന ശക്തമായ യുവജന കൂട്ടായ്മയുടെ മികച്ച ജീവകാരുണ്യ പ്രവർത്തനങ്ങളുടെ ചരിത്രമറിഞ്ഞ ഡോക്ടർ ഗോപിനാഥ് മുതുകാടിന്റെ വാക്കുകളാണ് ഇത്. 'ബഡി ബോയ്സ്': ക്ലാസിൽ പിൻ...

എഴുത്തുകാരൻ സൽമാൻ റുഷ്ദി വെന്റിലേറ്ററില്‍; നില ഗുരുതരം

  ന്യൂയോർക്ക് -- യു.എസിൽവച്ച് ആക്രമണത്തിനിരയായ എഴുത്തുകാരൻ സൽമാൻ റുഷ്ദിയുടെ നില ഗുരുതരം. അദ്ദേഹം വെന്റിലേറ്ററിലാണെന്നും ഒരു കണ്ണിന്റെ കാഴ്ചശക്തി നഷ്ടപ്പെട്ടേക്കുമെന്നും അദ്ദേഹത്തോട് അടുപ്പമുള്ളവരെ ഉദ്ധരിച്ച് എ.എഫ്.പി വാർത്താ ഏജൻസി റിപ്പോർട്ടുചെയ്തു. അക്രമിക്ക് ഇറാൻ...

ലിംഗസമത്വ യൂണിഫോം അടിച്ചേല്പിക്കില്ലെന്നാവര്‍ത്തിച്ച് വിദ്യാഭ്യാസ മന്ത്രി വി ശിവന്‍കുട്ടി.

ലിംഗസമത്വ യൂണിഫോം അടിച്ചേല്പിക്കില്ലെന്നാവര്‍ത്തിച്ച് വിദ്യാഭ്യാസ മന്ത്രി വി ശിവന്‍കുട്ടി. ഇതു സംബന്ധിച്ച സമരത്തിൽ നിന്ന് പിന്തിരിയണം. സർക്കാർ നിലപാട് സംശയങ്ങള്‍ക്ക് ഇടയില്ലാത്തത് ആണ്. എന്നിട്ടും ഈ വിഷയത്തില്‍ തെറ്റിദ്ധാരണ ഉണ്ടായി എന്നും മന്ത്രി അഭിപ്രായപ്പെട്ടു. ലിംഗസമത്വ...

ജിദ്ദ നവോദയ യൂണിറ്റ് കൺവൻഷനുകൾ പുരോഗമിക്കുന്നു

ജിദ്ദ നവോദയ ഖാലിദ് ബിൽ വലീദ് ഏരിയ കമ്മിറ്റിക്ക് കീഴിലെ അൽ വഹ സഹ്റാൻ യൂണിറ്റ് കൺവൻഷൻ സഖാവ് ധീരജ് നഗറിൽ സെൻട്രൽ കമ്മിറ്റി അംഗം സഖാവ് യൂസുഫ് മേലാറ്റൂർ ഉത്ഘാടനം ചെയ്തു....
Facebook Comments
WP2Social Auto Publish Powered By : XYZScripts.com
error: