17.1 C
New York
Wednesday, August 10, 2022
Home US News *ഫോമാ ബിസിനസ്സ് ഫോറം ഉദ്ഘാടന ചടങ്ങിൽ ശ്രീ.ജോയ് ആലുക്കാസ് പങ്കെടുക്കും*

*ഫോമാ ബിസിനസ്സ് ഫോറം ഉദ്ഘാടന ചടങ്ങിൽ ശ്രീ.ജോയ് ആലുക്കാസ് പങ്കെടുക്കും*

2021 ജനുവരി 2 ആം തിയ്യതി അമേരിക്കൻ ഈസ്റ്റേൺ സ്റ്റാൻഡേർഡ്‌ സമയം രാവലെ 10 മണിക്ക് നടക്കുന്ന .     അമേരിക്കൻ മലയാളികളുടെ സംഘടനയായ ഫോമയുടെ നേതൃത്വത്തിൽ രൂപം കൊള്ളുന്ന   ഫോമാ ബിസിനസ്സ് ഫോറത്തിന്റെ ഔപചാരിക ഉദ്ഘാടന ചടങ്ങിൽ ശ്രീ ജോയ് ആലുക്കാസ്  ആശംസകൾ അർപ്പിക്കും.
 തുടർച്ചയായി എട്ട് വർഷം  സൂപ്പർ ബ്രാൻഡ് സ്ഥാനത്തിന് അർഹനായ വ്യക്തിയാണ് ശ്രീ ജോയ് ആലുക്കാസ്.  ബിസിനസ് എക്സലൻസ് അവാർഡ്, ബെസ്റ്  റീട്ടെയിലർ അവാർഡ്, എന്നിങ്ങനെ നിരവധി അവാർഡുകൾക്ക് അർഹനായ അദ്ദേഹം യൂറോപ്പിലും ,അമേരിക്കയിലും, ഏഷ്യയിലുമായി പടർന്നു കിടക്കുന്ന സ്വർണ്ണ വ്യാപാര രംഗത്തെ പ്രശസ്ത സ്ഥാപനമായ ജോയ്ആലുക്കാസ് ജ്വല്ലറിയുടെ  ചെയർമാനും, മാനേജിംഗ് ഡയറക്ടറു ആണ്. ലിംക ബുക്ക് ഓഫ് വേൾഡ് റിക്കോർഡിൽ ഇടം നേടിയ   പ്രശസ്ത സ്ഥാപനമായ     ജോയ്ആലുക്കാസ് ജ്വല്ലറി പതിനൊന്നോളം രാജ്യങ്ങളിലായി സാന്നിദ്ധ്യമറിയിച്ച മലയാളികളുടെ ഒരു അഭിമാന സംരംഭമാണ്. ലോകത്തിലെ ഏറ്റവും വലിയ സ്വർണ്ണ-ഡയമണ്ട് ജ്വല്ലറിയും ജോയ് ആലൂക്കാസിന്റെതാണ്. മാത്രമല്ല അദ്ദേഹത്തിന്റേതായി ധനവിനിമയ സ്ഥാപനങ്ങൾപ്പടെ നിരവധി മറ്റു വ്യവസായ സ്ഥാപനങ്ങളും ഉണ്ട്. അദ്ദേഹത്തിന്റെ അനുഭവ പരിജ്ഞാനം ഫോമ ബിസിനസ് ഫോറത്തിന്റെ ഉദ്ഘാടന ചടങ്ങിൽ പങ്കുവെക്കാനും, അറിയാനും അമേരിക്കൻ മലയാളികൾക്ക് കഴിയുമെന്നത് വലിയ അനുഗ്രഹമായിരിക്കും. 

     വടക്കേ അമേരിക്കയിൽ  നിരവധി മലയാളികൾക്ക് സ്വന്തമായി വ്യവസായ സ്ഥാപനങ്ങളുണ്ട്. അത് പോലെ തന്നെ പ്രഗത്ഭരായ നിരവധി പ്രൊഫഷണലുകളും മലയാളി സമൂഹത്തിൽ സജീവമായുണ്ട്. എന്നാൽ വ്യവസായ  മേഖലയിൽ പ്രവർത്തിക്കുന്നവർക്കും, പ്രൊഫഷനലുകൾക്കും, പരസ്പരം സംവദിക്കുന്നതിനുതകുന്ന പൊതുവായ ഒരു ഇടമില്ല. വ്യവസായികൾക്ക്  വാണിജ്യമേഖലയുമായി ബന്ധപ്പെട്ടു പ്രവർത്തിക്കുന്ന പ്രൊഫഷണലുകളുടെ സേവനം അത്യന്താപേക്ഷിതമാണ്. നികുതി സംബന്ധമായ സംശയങ്ങൾ ദുരീകരിക്കുന്നതിനോ, തെറ്റുകൾ കൂടാതെ സാമ്പത്തിക സ്ഥിതിവിവരക്കണക്കുകൾ ബോധിപ്പിക്കുന്നതിനോ  ടാക്സ് കൺസൾട്ടന്റിന്റെ സേവനം അനിവാര്യമാണ്. അതുപോലെ തന്നെ പ്രധാനമാണ് മറ്റു നിയമപരമായ സഹായങ്ങളും. വ്യവസായവുമായി  ബന്ധപ്പെട്ട നിരവിധി വിഷയങ്ങൾ സങ്കീർണ്ണവും, കുഴപ്പം പിടിച്ചതുമാണ്. കൃത്യമായ നടപടിക്രമങ്ങൾ പാലിക്കാതെ വന്നാൽ വ്യവസായിയെ ഗുരുതരമായ പ്രശ്നങ്ങളിലേക്ക് അത് കൊണ്ടെത്തിക്കുകയും ചെയ്യും. അതുകൊണ്ടു ഒരു ബിസിനസ് ഫോറത്തിന്റെ ആവശ്യകത വളരെ പ്രധാനമർഹിക്കുന്നു.  നികുതി  സംബന്ധമായ നിയമ വശങ്ങൾ, വ്യാപാര രൂപീകരണത്തിന്റെ നടപടി ക്രമങ്ങൾ, ഇന്ത്യയിൽ നിക്ഷേപം നടത്താൻ പ്രവാസികൾക്കുള്ള നിയമ നടപടിക്രമങ്ങളും, അനുബന്ധ വിഷയങ്ങളും,ബാങ്കുകളിൽ നിന്ന് ധനസാഹയം ലഭ്യമാക്കുന്നതിനും, വ്യാപാര പദ്ധതികൾക്കു സമർപ്പിക്കുന്നതിനും ഉള്ള നടപടിക്രമങ്ങൾ  തുടങ്ങി നിരവധി മേഖലകളിൽ വ്യാപാര വാണിജ്യത്തിൽ ഏർപ്പെട്ടിരിക്കുന്ന മലയാളികളെ സഹായിക്കുക, വ്യവസായ-വാണിജ്യ മേഖലകളിൽ പ്രവർത്തിക്കുന്നവരുടെ ഒരു അന്തർദ്ദേശീയ കൂട്ടായ്മക്ക് രൂപം നൽകുക , വിവിധ മേഖലകളിൽ വ്യാപരിക്കുന്ന വ്യവസായികളെയും പ്രൊഫഷണലുകളെയും  ഒരേവേദിയിൽ എത്തിക്കുന്നതിനും പരസ്പര സഹായത്തോടെ യോചിച്ചു പ്രവർത്തിക്കാനും  മലയാളികളുടെ ഒരു വ്യാപാര സമൂഹം കെട്ടിപ്പെടുക്കുക, പരസ്പരം അറിയേണ്ട വ്യാപാര-വാണിജ്യ സംബന്ധ വിഷയങ്ങളിൽ ഉപദേശങ്ങൾ നൽകുക, സർവോപരി മലയാളി വ്യവസായികളെ പ്രോത്സാഹിപ്പിക്കുക തുടങ്ങിയ ആവശ്യങ്ങൾക്ക്  പ്രാമുഖ്യം നൽകിക്കൊണ്ടാണ് മലയാളികളുടെ സംഘടനയായ ഫോമാ ഒരു  ബിസിനസ് ഫോറത്തിനു രൂപം നൽകുന്നത്. പുതിയ വ്യവസായം തുടങ്ങാൻ ആഗ്രഹിക്കുന്നവർക്കും, നിലവിൽ വ്യവസായത്തിൽ ഏർപ്പെട്ടിരിക്കുന്നവർക്കും, വാണിജ്യ വ്യാപാര മേഖലയുമായി ബന്ധപ്പെട്ടു പ്രവർത്തിക്കുന്ന നിരവധി പ്രൊഫഷണലുകൾക്കും ,  ബിസിനസ് ഫോറം ഒരു വലിയ അനുഗ്രഹമായിരിക്കും എന്നത് അവിതർക്കിതമാണ്. ഫോമയുടെ ബിസിനസ് ഫോറം മലയാളി സമൂഹത്തിലെ കച്ചവടക്കാരെയും പ്രൊഫഷണലുകളെയും ഒത്തൊരുമിപ്പിക്കാനും, മാർഗ്ഗ നിർദ്ദേശങ്ങൾ നൽകാനും അതുവഴി വ്യവസായ സമൂഹത്തിന്റെ ഒരു അവിഭാജ്യ ഘടകമാകാൻ ഫോമാ ബിസിനസ് ഫോറത്തിന് കഴിയും.
 2021 ജനുവരി 2 ആം തിയ്യതി അമേരിക്കൻ ഈസ്റ്റേൺ സ്റ്റാൻഡേർഡ്‌ സമയം രാവലെ 10 മണിക്ക് സൂം മീറ്റിംഗിൽ നടക്കുന്ന ഉൽഘട്ടന ചടങ്ങിൽ  എല്ലാ മലയാളികളും, വ്യവസായികളും, വ്യവസായ തല്പരരായവരും, സൂം മീറ്റിംഗ്‌ : 963 0120 7650 എന്ന ലിങ്കിലൂടെ പങ്കെടുത്ത് ഈ സംരംഭം വിജയിപ്പിക്കണമെന്ന് ഫോമ പ്രസിഡന്റ്  അനിയൻ ജോർജ്ജ്, സെക്രട്ടറി ടി.ഉണ്ണികൃഷ്‌ണൻ,ട്രഷറർ തോമസ് ടി ഉമ്മൻ, വൈസ് പ്രസിഡന്റ് പ്രദീപ് നായർ,ജോയിന്റ് സെക്രട്ടറി ജോസ് മണക്കാട്ട്, ജോയിൻറ് ട്രഷറർ ബിജു തോണിക്കടവിൽ  എന്നിവർ അഭ്യർത്‌ഥിച്ചു.

Facebook Comments

COMMENTS

- Advertisment -

Most Popular

139.15 അടി ജലനിരപ്പ്; മുല്ലപ്പെരിയാര്‍ ഡാമിലെ ജലനിരപ്പ് കുറയുന്നു.

മുല്ലപ്പെരിയാർ അണക്കെട്ടിലെ ജലനിരപ്പ് കുറഞ്ഞുതുടങ്ങി.139.15 അടിയാണ് ഇപ്പോഴത്തെ ജലനിരപ്പ്. അണക്കെട്ടിന്‍റെ വൃഷ്ടി പ്രദേശത്ത് മഴ കുറഞ്ഞതാണ് ജലനിരപ്പ് കുറയാൻ കാരണം. പെരിയാർ തീരത്തെ 45 കുടുംബങ്ങളിൽ ഉള്ളവർ ഇപ്പോഴും ദുരിതാശ്വാസ ക്യാമ്പിലാണ്. അതേസമയം...

ദുരിതാശ്വാസ പ്രവർത്തനം; 5 ജില്ലകളിലെ നിശ്ചിത വിദ്യാഭ്യാസ സ്ഥാപനങ്ങൾക്ക് അവധി.

സംസ്ഥാനത്ത് കനത്ത മഴയ്ക്ക് ശമനമായെങ്കിലും ദുരിതാശ്വാസ പ്രവർത്തനങ്ങൾ തുടരുകയാണ്. ദുരിതാശ്വാസ പ്രവ‍ർത്തനങ്ങളുടെ പശ്ചാത്തലത്തിൽ സംസ്ഥാനത്തെ അഞ്ച് ജില്ലകളിലെ സ്കൂളുകൾക്ക് ഇതിനകം അവധി പ്രഖ്യാപിച്ചിട്ടുണ്ട്. ദുരിതാശ്വാസ ക്യാമ്പുകൾ പ്രവ‍ർത്തിക്കുന്ന സ്കൂളുകൾക്കാണ് പല ജില്ലകളിലും അവധി...

നെഹ്റുട്രോഫി ടിക്കറ്റ് വിതരണം ഇന്ന് ആരംഭിക്കും.

പുന്നമടയാറ്റി​ൽ സെപ്തംബർ നാലി​ന് നടക്കുന്ന 68-ാമത് നെഹ്റുട്രോഫി ജലോത്സവത്തിന്റെ ടിക്കറ്റ് വിതരണം ഇന്ന് ആരംഭിക്കും. വൈകിട്ട് സൗത്ത് ഇൻഡ്യൻ ബാങ്ക് ഓൺലൈൻ വഴിയാണ് ടിക്കറ്റ് വില്പനയ്ക്ക് തുടക്കമാവുന്നത്. നാളെ മുതൽ പത്ത് ജില്ലകളിലെ സർക്കാർ...

കോമൺവെൽത്ത് ഗെയിംസിന് കൊടിയിറങ്ങി;ഭാരതം നാലാമത്.

22-ാമത് കോമൺവെൽത്ത് ഗെയിംസിന് തിരശീല വീണു. ടേബിൾ ടെന്നീസ് താരം അചന്ത ശരത് കമാലും ബോക്‌സിങ് താരം നിഖാത്ത് സരിനും കോമൺവെൽത്ത് ഗെയിംസ് സമാപന ചടങ്ങിൽ ത്രിവർണ്ണ പതാകയേന്തി. 22 സ്വർണ്ണവും 16...
Facebook Comments
WP2Social Auto Publish Powered By : XYZScripts.com
error: