17.1 C
New York
Monday, September 20, 2021
Home US News ഫോമയും, അംഗ സംഘടനകളും,കോവിഡ് ബാധിതരെ സഹായിക്കാൻ കൈകോർക്കുന്നു

ഫോമയും, അംഗ സംഘടനകളും,കോവിഡ് ബാധിതരെ സഹായിക്കാൻ കൈകോർക്കുന്നു

സലിം അയിഷ ( ഫോമാ ന്യൂസ് ടീം)

കോവിഡ് മഹാമാരിയുടെ അനന്തര ഫലമെന്നോണം ഇന്ത്യയിൽ കേരളമുൾപ്പെടെയുള്ള സംസ്ഥാനങ്ങളിൽ കോവിഡ് ബാധിതതരായവർ, ഓക്സിജനും, മരുന്നുകളും, ക്ര്യത്യമായി ലഭിക്കാത്തതുമൂലം, അതിജീവനത്തിനായുള്ള പോരാട്ടത്തിലാണ്. കേരളത്തിൽ കോവിഡ് മൂലം രോഗികളുടെ എണ്ണം ദിനം പ്രതി വർധിച്ചുകൊണ്ടിരിക്കുന്ന കാഴ്ച വളരെ ആശങ്കയുളവാക്കുന്നു. അവശ്യമരുന്നുകളുടെ ദൗർലഭ്യവും, രോഗ പ്രതിരോധ കുത്തി വെയ്പ്പുകൾ കൃത്യമായി കിട്ടാത്തതും രോഗികളുടെ എണ്ണം വളരെയധികം വർധിപ്പിക്കാൻ ഇടയായിട്ടുണ്ട്. ആതുരാലയങ്ങളിൽ , ആവശ്യമായ കിടക്കകളും, ശ്വസന സഹായോപകരണങ്ങളും, മരുന്നുകളും ലഭ്യമല്ലാതെ കോവിഡ് ബാധിതർ മരണത്തിനു കീഴ്‌പ്പെടുന്നു.

ഈ സാഹചര്യത്തിൽ കേരളത്തിലെ രോഗികൾക്ക് ആവശ്യമായ , ഓക്‌സിജൻ കോൺസൺട്രേറ്ററുകൾ, സിലിണ്ടറുകൾ, ടാങ്കുകൾ, ബിപാപുകൾ,തുടങ്ങിയവ ലഭ്യമാക്കുന്നതിന് ഫോമാ എല്ലാ സംഘടനകളുമായി ഒരുമിച്ച് കൈകോർത്ത് പ്രവർത്തിക്കാൻ തീരുമാനമായി. കോഴിക്കോട്, തൃശൂർ ജില്ലാ കലക്ടറുമാരുമായി കൂടിയാലോചനകൾ നടത്തിയതിന്റെ അടിസ്ഥാനത്തിൽ താലൂക്ക് -ജില്ലാ ആശുപത്രികൾ വഴി ആവശ്യമായ രോഗികൾക്ക് സഹായമെത്തിക്കുക എന്ന ഉദ്ദേശത്തോടെയാണ് പ്രവർത്തനങ്ങൾ ഏകോപിപ്പിക്കാൻ തീരുമാനിച്ചത്.

ഏറ്റവും കുറഞ്ഞത് അഞ്ഞൂറു ഓക്‌സിജൻ കോൺസെൻട്രേറ്ററുകളും, സിലിണ്ടറുകൾ, ടാങ്കുകൾ, ബിപാപുകൾ എന്നിവയും, കേരളത്തിലെ ജില്ലാ താലൂക്ക് ആശുപത്രികളിൽ എത്തിക്കുക എന്ന ശ്രമകരമായ ദൗത്യം സാക്ഷാൽക്കരിക്കാനാണ് ഫോമാ ലക്ഷ്യമിടുന്നത്

ഫോമ നേരിട്ടും, ഫോമയുടെ അംഗ സംഘടനകൾ വഴിയും, സമാഹരിക്കുന്ന തുക ഉപയോഗിച്ച് ഉപകരണങ്ങൾ വാങ്ങി ആവശ്യമായവർക്ക് നേരിട്ട് എത്തിക്കുന്നത് വഴി രോഗികളായവർക്ക് പരമാവധി പ്രയോജനപ്പെടും എന്ന് ഫോമാ വിശ്വസിക്കുന്നു.

നിരവധി അംഗ സംഘടനകളും , വിവിധ ചാരിറ്റി സംഘടനകളും അവർ സമാഹരിച്ച തുക ഫോമയെ ഏൽപ്പിക്കുവാൻ സന്നദ്ധരായി മുന്നോട്ടു വന്നിട്ടുണ്ട് . കൂടുതൽ സംഘടനകൾ ഫോമായുമായി ബന്ധപ്പെട്ടുകൊണ്ടിരിക്കുന്നു.

രോഗ ബാധിതരായവർക്കും, ചികിത്സ സഹായം ആവശ്യമുള്ളവർക്കും ,രോഗ പ്രതിരോധ കുത്തി വെയ്പുകൾ ആവശ്യമായവർക്ക് വാക്സിൻ ലഭിക്കുന്നതിനുമുള്ള സഹായമെത്തിക്കുകയും, കിടത്തി ചികിൽസിക്കാനുള്ള സംവിധാനമൊരുക്കുകയെന്നതും കോവിഡ് മഹാമാരിയെ ചെറുക്കുന്നതിനും രോഗ വ്യപനം തടയുന്നതിനും അത്യന്താപേക്ഷിതമാണ്. രോഗത്തിലുണ്ടായികൊണ്ടിരിക്കുന്ന വർധന ആവശ്യ മരുന്നുകളുടെയും, ഓക്സിജന്റെയും ക്ഷാമത്തിന് കാരണമായിരിക്കുന്ന ഗുരുതരമായ സ്ഥിതി വിശേഷത്തിൽ നിന്ന് കേരളത്തെ രക്ഷിക്കുക എന്ന ദൗത്യം എല്ലാ കാരുണ്യ മനസ്കരായ മലയാളികളുടെ സഹകരണത്തോടെ മാത്രമേ സാക്ഷാൽക്കരിക്കാനാവൂ.

നിങ്ങളുടെ സുഹൃത്തുക്കൾക്കും ബന്ധുക്കൾക്കും ഫോമാ ലിങ്ക് ദയവായി ഫോർവേഡ് ചെയ്യുക

https://gofund.me/c668fdc8

COMMENTS

LEAVE A REPLY

Please enter your comment!
Please enter your name here

- Advertisment -

Most Popular

ഫിലാഡൽഫിയയിലുടനീളമുള്ള വാരാന്ത്യ വെടിവെപ്പിൽ 6 പേർ കൊല്ലപ്പെട്ടു.

ഫിലാഡൽഫിയ: ഫിലാഡെൽഫിയയിൽ നടന്ന മാരകമായ വാരാന്ത്യ വെടിവെയ്‌പ്പിൽ ആറ് പേരുടെ ജീവൻ അപഹരിക്കുകയും കൗമാരക്കാർ ഉൾപ്പെടെയുള്ളവർക്ക് ഗുരുതരമായി പരിക്കേൽക്കുകയും ചെയ്തു. നോർത്ത് ഫിലാഡൽഫിയയിലെ ഒരേ സ്ട്രീറ്റിലാണ് രണ്ട് മാരകമായ വെടിവെപ്പുകൾ നടന്നതെന്ന് ഫിലാഡൽഫിയ പോലീസ്...

5 മുതൽ 11 വയസ്സുവരെയുള്ള കുട്ടികളിൽ കോവിഡ് -19 വാക്സിൻ കൊടുക്കുവാനുള്ള അനുമതി തേടി ഫൈസർ.

പെൻസിൽവാനിയ: ഫൈസർ കോവിഡ് -19 വാക്സിൻ 5 മുതൽ 11 വയസ്സുവരെ പ്രായമുള്ള കുട്ടികൾക്കായി നൽകുന്നതിനുള്ള യുഎസ് അംഗീകാരം ഉടൻ തേടുമെന്ന് ഫൈസർ അധികൃതർ തിങ്കളാഴ്ച പറഞ്ഞു- ഫൈസറും അതിന്റെ ജർമ്മൻ പങ്കാളിയായ ബയോഎൻടെക്കും...

കള്ളപ്പണം വെളുപ്പിക്കല്‍; ബിനീഷ് കോടിയേരിയുടെ ജാമ്യാപേക്ഷയെ എതിര്‍ത്ത് വീണ്ടും എൻഫോഴ്സ്മെന്റ് ഡയറക്ടേറ്റ്.

കള്ളപ്പണം വെളുപ്പിക്കല്‍ കേസില്‍ കോടിയേരി ബാലകൃഷ്ണന്റെ മകൻ ബിനീഷ് കോടിയേരിയുടെ ജാമ്യാപേക്ഷയെ എതിര്‍ത്ത് വീണ്ടും എൻഫോഴ്സ്മെന്റ് ഡയറക്ടേറ്റ്. ബിസിനസിന്റെ മറവിൽ ബിനീഷ് കോടിയേരി ലഹരി കടത്തിനായി സാമ്പത്തിക ഇടപാടുകൾ നടത്തിയെന്നും ലഹരിയിടപാടിലെ ലാഭത്തുകയാണ്...

തന്റെതായ കാരണത്താൽ (കഥ)

വൈകിട്ടത്തേക്കുള്ള ചപ്പാത്തിയും കറിയും പാത്രത്തിലാക്കി അടച്ചു വച്ചു. രാവിലെ ദോശക്കു കറി എന്താണാവോ ഫ്രിഡ്ജ് തുറന്നു നോക്കി. കുറച്ചു പച്ചക്കറി ഇരിപ്പുണ്ട്. സാമ്പാറിനുള്ള കഷണങ്ങൾ മനസ്സിൽ തിളച്ചു മറിഞ്ഞു.. ഷീനയും എബിയും വരും...
WP2Social Auto Publish Powered By : XYZScripts.com
error: