ഫിലഡൽഫിയാ: ഫിലാഡൽഫിയയിൽ തിങ്കളാഴ്ച വിവിധയിടങ്ങളിൽ നടന്ന വ്യത്യസ്ത അക്രമങ്ങളിലെ വെടിവയ്പുകളിൽ ഒരു കൗമാരക്കാരൻ ഉൾപ്പെടെ 7 പേർ കൊല്ലപ്പെടുകയും, ഒരാൾക്ക് പരുക്കേൽക്കുകയും ചെയ്തതായി റിപ്പോർട്ട്.
തിങ്കളാഴ്ച പുലർച്ചെ 12: 45 ഓടെ ഹിൽ ക്രീക്ക് ഡ്രൈവിലെ ഒരു വീട്ടിലെത്തിയ പോലീസ്, രണ്ടാം നിലയിലെ കട്ടിലിൽ 24 വയസുള്ള ഒരു പുരുഷനെയും സ്ത്രീയെയും വെടിയേറ്റതായി കണ്ടെത്തി. പുലർച്ചെ ഒരു മണിയോടെ ഇരുവരെയും മരിച്ചതായി ഡോക്ടർമാർ സ്ഥിരീകരിച്ചു. ദമ്പതികൾക്കൊപ്പം ഉണ്ടായിരുന്ന 5 വയസ്സുള്ള കുട്ടിക്ക് പരിക്കില്ല. കുട്ടി ദമ്പതികളുടെതാണെന്ന് അന്വേഷണ ഉദ്യോഗസ്ഥർ വിശ്വസിക്കുന്നു.
തിങ്കളാഴ്ച രാവിലെ എട്ടരയോടെ റിഡ്ജ് അവന്യൂവിലെ 4200 ബ്ലോക്കിൽ ഒരു സ്ത്രീയെ വെടിവച്ച് കൊന്നു.
തിങ്കളാഴ്ച ഉച്ചകഴിഞ്ഞ് 2:16 ന് റുബിക്കം സ്ട്രീറ്റിലെ 200 ബ്ലോക്കിൽ അജ്ഞാതനായ ഒരു തോക്കുധാരി 25 വയസുകാരിയെയും 29 കാരനെയും വെടിയുതിർത്തു. യുവതിയുടെ തലയിൽ രണ്ടുതവണയും കാലിൽ ഒരു തവണയും വെടിയേറ്റു. പുരുഷനെ ഇടത് തോളിൽ ഒരു തവണ വെടിവച്ചു. ഇവർ ഇരുവരെയും ഐൻ‌സ്റ്റൈൻ ഹോസ്പിറ്റലിലേക്ക് മാറ്റി.
അന്നുതന്നെ ഒരു മണിക്കൂറിനുശേഷം, ഉച്ചകഴിഞ്ഞ് 3:21 ന് റോസ്ഹിൽ സ്ട്രീറ്റിലെ 2900 ബ്ലോക്കിലെ ഒരു വീട്ടിലേ രണ്ടാം നിലയിലെ കിടപ്പുമുറിയിൽ നെഞ്ചിലേക്ക് ഒന്നിലധികം വെടിയേറ്റ മുറിവുകളുള്ള 42 കാരനെയും, നെഞ്ചിലും തലയിലും വെടിയേറ്റ മറ്റൊരാളെയും കണ്ടെത്തി. ഇവർ രണ്ടുപേരെയും ഉച്ചകഴിഞ്ഞ് 3:33ഓടുകൂടി മരിച്ചു.
ഒടുവിൽ, തിങ്കളാഴ്ച വൈകുന്നേരം 7:52 ന്, 2900 മോറിസ് സ്ട്രീറ്റിൽ ഒരു 15 വയസുകാരനെ തോക്കുധാരി വെടിയുതിർക്കുകയായിരുന്നു. കൗമാരക്കാരനെ ഒരു തവണ നെഞ്ചിലും ഒരു തവണ ഇടത് കാൽമുട്ടിലും ഒരു തവണ ഇടതുകൈയിലും വെടിവച്ചു. ഹോളിവുഡ് സ്ട്രീറ്റിലെ 1700 ബ്ലോക്കിലെ ഒരു വീടിനുള്ളിൽ അദ്ദേഹം കിടന്നു. പ്രസ്ബിറ്റീരിയൻ ആശുപത്രിയിലേക്ക് കൊണ്ടുപോയ അദ്ദേഹത്തെ രാത്രി 8:20 ന് മരിച്ചതായി അറിയിച്ചു .
ഈ വർഷം ഇതുവരെയായി ഫിലാഡൽഫിയയിൽ 61 നരഹത്യകൾ റിപ്പോർട്ട് ചെയ്യപ്പെട്ടിട്ടുണ്ട്, കഴിഞ്ഞ വർഷത്തെ അപേക്ഷിച്ച് 35% വർധന. ഇതിനെ വളരെ ഗൗരവമായി കാണേണ്ടിയിരിക്കുന്നു.
