17.1 C
New York
Thursday, June 24, 2021
Home US News പൗരത്വ ഭേദഗതി ബില്ലിനെതിരെയുള്ള പ്രമേയം ചിക്കാഗൊ സിറ്റി കൗണ്‍സില്‍ തള്ളി

പൗരത്വ ഭേദഗതി ബില്ലിനെതിരെയുള്ള പ്രമേയം ചിക്കാഗൊ സിറ്റി കൗണ്‍സില്‍ തള്ളി

റിപ്പോർട്ട്: പി.പി. ചെറിയാൻ

ചിക്കാഗൊ: ഇന്ത്യയില്‍ ഈയിടെ കൊണ്ടുവന്ന പൗരത്വഭേദഗതി ബില്ലിനേയും, ന്യൂനപക്ഷ സമുദായങ്ങള്‍ക്കെതിരെ നടക്കുന്ന അക്രമ പ്രവര്‍ത്തനങ്ങളേയും അപലപിക്കുന്നതിന് ചിക്കാഗൊ സിറ്റി കൗണ്‍സിലില്‍ അവതരിപ്പിച്ച പ്രമേയം തള്ളി. മാര്‍ച്ച് 24 നായിരുന്നു പ്രമേയം തള്ളിയത്.

സൗത്ത് ഏഷ്യന്‍ കമ്മ്യൂണിറ്റിയിലെ സൗഹൃദം തകര്‍ക്കുമെന്നതിനാലും, ഇന്ത്യന്‍ അമേരിക്കന്‍ കമ്മ്യൂണിറ്റിയുടെ ശക്തമായ പ്രതിഷേധവുമാണ് പ്രമേയം തള്ളാന്‍ കൗണ്‍സിലിനെ പ്രേരിപ്പിച്ചത്.

ഇന്ത്യയുടെ ആഭ്യന്ത വിഷയങ്ങളെകുറിച്ചും, വാസ്തവ വിരുദ്ധമായ പരാമര്‍ശങ്ങളും ഉള്‍കൊള്ളുന്ന പ്രമേയം ചിക്കാഗൊ 49-ാം വാര്‍ഡില്‍ നിന്നുള്ള വനിതാ കൗണ്‍സില്‍ അംഗം മറിയ ഹാഡനാണ് കൗണ്‍സിലില്‍ അവതരിപ്പിച്ചത്.

ഇന്ത്യയുടെ ജനാധിപത്യത്തേയും, സ്വാതന്ത്ര്യത്തേയും ബഹുമാനിക്കുന്നു എന്നു തുടങ്ങുന്ന പ്രമേയം ചര്‍ച്ച കൂടാതെ പാസ്സാക്കുമെന്നായിരുന്നു ഇവരുടെ താല്‍പര്യമെന്ന് യു.എസ്. ഇന്ത്യ ഫ്രൗണ്ട്ഷിപ്പ് കൗണ്‍സില്‍ ഒരു പ്രസ്താവനയില്‍ പറയുന്നു.

പൗരത്വഭേദഗതി ബില്‍ ഭരണഘടനാ വിരുദ്ധവും, പ്രധാനമന്ത്രി നരേന്ദ്രമോഡിയും, ബി.ജെ.പി. ഗവണ്‍മെന്റും ഹിന്ദുത്വ തീവ്രവാദം നടപ്പാക്കാന്‍ ശ്രമിക്കുന്നുവെന്ന് ഗുരുതര ആരോപണവും പ്രമേയത്തില്‍ ഉള്‍പ്പെടുത്തിയിരുന്നു.

പ്രമേയത്തെ എതിർത്ത് 26 കൗണ്‍സില്‍ അംഗങ്ങള്‍ വോട്ടു ചെയ്തപ്പോള്‍ 18 പേര്‍ എതിര്‍ത്തു. പ്രമേയ ചര്‍ച്ചക്കിടെ ചില അംഗങ്ങള്‍ ചിക്കാഗൊ ഇന്ത്യന്‍ കമ്മ്യൂണിറ്റിയില്‍ വിഭാഗീയത വളര്‍ത്തുവാനേ ഇതു ഉപകരിക്കൂ എന്നും ചൂണ്ടികാട്ടി. ചിക്കാഗോയിലെ നിരവധി പേര്‍ പ്രമേയത്തെ അനുകൂലിച്ചും, എതിര്‍ത്തും രംഗത്തെത്തിയിരുന്നു. കോവിഡ് മഹാമാരിയുടെ വ്യാപനത്തിനിടയില്‍ അടച്ചിട്ട മുറികള്‍ക്കുള്ളിലിരുന്നു പ്രമേയം അവതരിപ്പിച്ചത്. ഇതേ പ്രമേയം മറ്റു ഏഴു സിറ്റികള്‍ പാസ്സാക്കിയിരുന്നു.

COMMENTS

LEAVE A REPLY

Please enter your comment!
Please enter your name here

- Advertisment -

Most Popular

ജനുവരി ആറിലെ ക്യാപ്പിറ്റോള്‍ കലാപം – ആദ്യ ഫെഡറല്‍ കോടതി വിധി പ്രഖ്യാപിച്ചു

വാഷിംഗ്ടണ്‍ ഡി.സി: ജനുവരി 6 ന് അമേരിക്കന്‍ ജനാധിപത്യത്തിന് നേരെ ഭീഷണിയുയര്‍ത്തി ക്യാപ്പിറ്റോളില്‍ അരങ്ങേറിയ കലാപത്തില്‍ പങ്കെടുത്തവർക്കെതിരെ ചാര്‍ജ് ചെയ്ത കേസ്സുകളില്‍ ആദ്യ വിധി പ്രഖ്യാപിച്ചു. ജൂണ്‍ 23 ബുധനാഴ്ച അന്ന മോര്‍ഗന്‍ ലോയ്ഡ്...

കിരണ്‍ അഹൂജയുടെ നിയമനം സെനറ്റ് അംഗീകരിച്ചു

വാഷിംഗ്ടണ്‍ ഡി.സി: ഇന്ത്യന്‍ അമേരിക്കന്‍ ലോയര്‍ കിരണ്‍ അഹൂജയെ തന്ത്രപ്രധാനമായ യു.എസ്. ഓഫീസ് ഓഫ് പേഴ്‌സണല്‍ മാനേജ്‌മെന്റ് അദ്ധ്യക്ഷയായി നിയമിച്ചു. യു.എസ്. സെനറ്റില്‍ ചൂടേറിയ ചര്‍ച്ചകള്‍ക്കു ശേഷം നേരിയ ഭൂരിപക്ഷത്തിനാണ് നിയമനം ജൂണ്‍...

വാഷിംഗ്ടണില്‍ പാലം തകര്‍ന്ന് വീണ് അഞ്ച് പേര്‍ക്ക് പരിക്ക്

വാഷിംഗ്ടണ്‍: നോര്‍ത്ത് ഈസ്റ്റ് വാഷിംഗ്ടണ്‍ ഡി.സി റൂട്ട് 295 ല്‍ ജൂണ്‍ 23 ബുധനാഴ്ച പെഡസ്ട്രയന്‍ പാലം തകര്‍ന്ന് വീണ് അഞ്ച് പേര്‍ക്ക് പരിക്കേറ്റതായി അധികൃതര്‍ പറഞ്ഞു . പാലത്തിന്റെ തൂണില്‍ ട്രക്ക് വന്ന്...

അമേരിക്ക റീജിയൺ പ്രവാസി മലയാളീ ഫെഡറേഷൻ നവജീവൻ സെന്ററിന് സഹായധനം കൈമാറി.

ഡാളസ്: പ്രവാസി മലയാളീ ഫെഡറേഷൻ അമേരിക്ക റീജിയൺ എക്സിക്യൂട്ടീവ് അംഗങ്ങളിൽ നിന്ന് മാത്രം  സമാഹരിച്ച സഹായധനം കോട്ടയം മെഡിക്കൽ കോളേജിലും പരിസര പ്രദേശങ്ങളിലും ഉള്ള നിരാലംബരായവർക്ക് ഭക്ഷണം നൽകുന്ന നവജീവൻ സെന്റർ സ്ഥാപകൻ...
WP2Social Auto Publish Powered By : XYZScripts.com