പാംബീച്ച് ഗാർഡൻസ്(ഫ്ളോറിഡ): സൈക്കിളിൽ യാത്ര ചെയ്തിരുന്ന പതിനാലുവയസ്സുക്കാരനെ യാതൊരു പ്രകോപനവുമില്ലാതെ അതിക്രൂരമായി കുത്തികൊലപ്പെടുത്തിയ സിമ്മിലി വില്യംസ്(39) എന്ന ഭവനരഹിതനെ അറസ്റ്റു ചെയ്തതായി ഫ്ളോറിഡാ പോലീസ് ചീഫ് വ്യാഴാഴ്ച വാർത്താ സമ്മേളനത്തിൽ അറിയിച്ചു. റയൻ റോജേഴ്സ് എന്ന ഹൈസ്ക്കൂൾ ഫ്രഷ്‌മാനെയാണ്‌ ലീ വില്യംസ് നിരവധി തവണ തലയിലും ദേഹത്തും കുത്തി കൊലപ്പെടുത്തിയത്.
ബുധനാഴ്ച അതിരാവിലെ സൈക്കിളിൽ പോയതാണ്. പിന്നെ വീട്ടിലേക്ക് തിരികെ വന്നില്ലായെന്ന് മാതാപിതാക്കൾ പറഞ്ഞു. പിറ്റേ ദിവസം ഇന്റർസ്റ്റേറ്റ് 95 ഓവർ പാസ്സിനു സമീപം കണ്ടെത്തുകയായിരുന്നു.
സെക്യൂരിറ്റി ക്യാമറിയിൽ നിന്നും സംശയകരമായ രീതിയിൽ സിമ്മിയെ കണ്ടെത്തുകയും, തുടർന്നുള്ള അന്വേഷണത്തിൽ സിമ്മിയുടെ ബാക്ക് പാക്കിൽ കണ്ടെത്തിയ ചോരകറയുടെ ഡി.എൻ.എ.യേതാണെന്ന് സ്ഥിരീകരിക്കുകയുമായിരുന്നു.
വ്യാഴാഴ്ച കോടതിയിൽ ഹാജരാക്കിയ പ്രതിയെ ജാമ്യം നൽകാതെ ജയിലിലേക്കയച്ചു. നിരവധി അക്രമസംഭവങ്ങളിലും, മോഷണത്തിലും പ്രതിയായ ഇയാളെ ഭീകരനെന്നാണ് പോലീസ് വിശേഷിപ്പിച്ചത്. വില്യമിന്റെ അക്രമണത്തിന് ഇരയായ പലരും മുന്നോട്ടു വന്ന് തങ്ങളുടെ അനുഭവങ്ങൾ പോലീസിനെ അറിയിക്കുന്നുണ്ട്.
വില്യംസിന്റെ അടുത്ത കോർട്ട് തീയ്യതി 2022 ജനുവരി 3ന് തീരുമാനിച്ചു.
റിപ്പോർട്ട്: പി. പി. ചെറിയാൻ
