ന്യൂയോർക്ക്: ദക്ഷിണാഫ്രിക്കയിൽ കണ്ടെത്തിയ ഒമിക്രോൺ വൈറസ് അമേരിക്കയിലും വ്യാപിക്കുന്നു. ഇന്നലെ അമേരിക്കയിൽ ആദ്യമായി കാലിഫോർണിയയിലാണ് വൈറസ് കണ്ടെത്തിയതെങ്കിൽ, ഡിസംബർ 2 ന് ന്യൂയോർക്ക് ഗവർണർ കാത്തി ഹോച്ചൽ നടത്തിയ വാർത്താസമ്മേളനത്തിൽ ന്യൂയോർക്ക് സിറ്റി മെട്രോപൊളിറ്റൻ ഏരിയായിൽ കോവിഡ്19 വേരിയന്റ് ഒമിക്രോൺ 5 കേസുകൾ സ്ഥിരീകരിച്ചതായി വെളിപ്പെടുത്തി. ഈ വാർത്താസമ്മേളനത്തിന് തൊട്ടുപുറകിൽ മിനിസോട്ട, കൊളറാഡോ തുടങ്ങിയ സംസ്ഥാനങ്ങളിലും ഇതിന്റെ സാന്നിധ്യം കണ്ടെത്തിയതായി സ്ഥിരീകരിക്കപ്പെട്ടിട്ടുണ്ട്.
ന്യൂയോർക്ക് സഫോർക്ക് കൗണ്ടിയിൽ ഒന്നും ന്യൂയോർക്ക് സിറ്റിയുടെ വിവിധ ഭാഗങ്ങളിൽ നാലും, ക്യൂൻസ് (2), ബ്രൂക്ക്ലിൻ (1), മൻഹട്ടൻ (1) ഒമിക്രോൺ കേസുകൾ കണ്ടെത്തിയതായി ഗവർണർ അറിയിച്ചു.
അമേരിക്കയിൽ വ്യാഴാഴ്ച വൈകീട്ടുവരെ ആകെ 8 കേസുകളാണ് സ്ഥിരീകരിക്കപ്പെട്ടതായി ഔദ്യോഗിക കണക്കുകൾ സൂചിപ്പിക്കുന്നത്.
ഇത് ആഫ്രിക്കയിൽ യാത്രചെയ്തുവന്നവരിൽ മാത്രമല്ല, ലോകത്തിന്റെ വിവിധ രാജ്യങ്ങളിൽ ഒമിക്രോൺ കണ്ടെത്തിയവയിൽ നിന്നും യാത്ര ചെയ്ത് വന്നവരാണെന്നാണ് തിരിച്ചറിഞ്ഞിട്ടുണ്ട്.
ന്യൂയോർക്കിൽ ഒമിക്രോൺ കണ്ടെത്തിയെങ്കിലും വ്യാപകമായ ലോക്ഡൗണിന് സാധ്യതയില്ലെന്നും ഗവർണർ ചൂണ്ടിക്കാട്ടി.
ഇതുവരെ 23 രാജ്യങ്ങളിൽ ഒമിക്രോൺ കണ്ടെത്തിയതായി വേൾഡ് ഹെൽത്ത് ഓർഗനൈസേഷൻ അറിയിച്ചു.
റിപ്പോർട്ട്: പി. പി. ചെറിയാൻ
