17.1 C
New York
Friday, October 15, 2021
Home US News ന്യൂജഴ്‌സിയില്‍ പുതുവര്‍ഷദിനത്തില്‍ കോവിഡ് മരണം 119, 5541 പേര്‍ക്ക് രോഗം സ്ഥിരീകരിച്ചു

ന്യൂജഴ്‌സിയില്‍ പുതുവര്‍ഷദിനത്തില്‍ കോവിഡ് മരണം 119, 5541 പേര്‍ക്ക് രോഗം സ്ഥിരീകരിച്ചു

വാർത്ത: പി.പി. ചെറിയാന്‍

ന്യൂജഴ്‌സി: 2021-ന്റെ ആദ്യദിനം ന്യൂജഴ്‌സിയില്‍ 5541 പേര്‍ക്ക് കോവിഡ് 19 രോഗബാധ സ്ഥിരീകരിക്കുകയും, 119 പേരുടെ ജീവന്‍ നഷ്ടപ്പെടുകയും ചെയ്തതായി ജനുവരി ഒന്നാംതീയതി വെള്ളിയാഴ്ച വൈകിട്ട് ന്യൂജഴ്‌സി ഗവര്‍ണര്‍ ഫില്‍ മര്‍ഫി സോഷ്യല്‍ മീഡിയയിലൂടെ അറിയിച്ചു. തലേദിവസം ലഭിച്ച റിപ്പോര്‍ട്ട് അനുസരിച്ച് ന്യൂജഴ്‌സിയില്‍ കോവിഡ് ബാധിച്ച് മരിച്ചവരുടെ എണ്ണം 19,000 പിന്നിട്ടിരുന്നു.

സംസ്ഥാനാടിസ്ഥാനത്തില്‍ രോഗവ്യാപന ശരാശരിയും, ആശുപത്രി പ്രവേശനവും തുടര്‍ച്ചയായ അഞ്ചാം ദിവസവും കുറഞ്ഞുവരുന്നുവെന്നുള്ളതില്‍ അല്‍പം പ്രതീക്ഷ നല്‍കുന്നുണ്ടെങ്കിലും മാസ്ക് ധരിക്കുന്നതും, കോവിഡ് പ്രതിരോധ മാനദണ്ഡങ്ങള്‍ പാലിക്കുന്നതിലും ഇനിയും ശ്രദ്ധിക്കേണ്ടതാണെന്ന് ഗവര്‍ണര്‍ പറഞ്ഞു.

2020-ല്‍ പാന്‍ഡമിക്കിനെതിരേ പോരാടിയ സംസ്ഥാനത്തെ ജനങ്ങള്‍ക്കും, ഫസ്റ്റ് റസ്‌പോണ്ടേഴ്‌സിനും പ്രത്യേകം നന്ദി അറിയിക്കുന്നതായും ഗവര്‍ണര്‍ അറിയിച്ചു. ഡിസംബര്‍ 5,6 തീയതികളില്‍ തുടര്‍ച്ചയായി കൊറോണ വൈറസ് പോസിറ്റീവായവരുടെ എണ്ണം അയ്യായിരത്തിലധികം കവിഞ്ഞത് ആശങ്കയുളവാക്കിയിരുന്നു. പിന്നീട് തുടര്‍ച്ചയായി മൂവായിരത്തിനുതാഴെ മാത്രമാണ് രോഗബാധിതരായതെന്നും, പെട്ടെന്ന് രോഗബാധിതരായവരുടെ എണ്ണം വര്‍ധിച്ചത് താങ്ക്‌സ് ഗിവിംഗിനും, ക്രിസ്മസിനും അല്‍പം നിയന്ത്രണങ്ങളില്‍ അല്‍പം അയവു വരുത്തിയത് മൂലമാണെന്നും അദ്ദേഹം പറഞ്ഞു. മാര്‍ച്ച് നാലിനുശേഷം സംസ്ഥാനത്ത് 7.79 മില്യന്‍ ടെസ്റ്റ് നടത്തിയതില്‍ 482861 പോസിറ്റീവ് കേസുകള്‍ കണ്ടെത്തിയതായും ഗവര്‍ണര്‍ അറിയിച്ചു.

COMMENTS

LEAVE A REPLY

Please enter your comment!
Please enter your name here

- Advertisment -

Most Popular

ഉത്രാ വധം ഉയർത്തുന്ന ചില ചിന്തകൾ (കാലികം)

മനുഷ്യ മനസാക്ഷിയെ അക്ഷരാർഥത്തിൽ ഞെട്ടിച്ച കൊലപാതകം ആയിരുന്നു ഉത്ര എന്ന പെൺകുട്ടിയുടേത്. മൂന്ന് തവണ അവളെ കൊല്ലാൻ വേണ്ടി കരുതിക്കൂട്ടി പാമ്പിനെ കൊണ്ട്‌ കടിപ്പിക്കുകയും മൂന്നാം തവണ ആ പ്രവർത്തിയിൽ ആപെൺകുട്ടിയുടെ ഭർത്താവ്...

തട്ടിപ്പുകളുടെ രാസസൂത്രങ്ങൾ (ഇന്നലെ – ഇന്ന് – നാളെ)

പറ്റിക്കാനും പറ്റിക്കപ്പെടാനും എന്നും നിന്നു കൊടുത്തിട്ടുള്ളവരാണ് മലയാളികൾ. ഇന്നും അതിനൊരു മാറ്റവുമില്ലാതെ തുടരുന്നതിന്റെ ഒത്തിരി ഉദാഹരങ്ങളാണ് പുറത്തു വന്നുകൊണ്ടിരിക്കുന്നതു.എത്രയൊക്കെ തട്ടിപ്പുകളുടെയും വെട്ടിപ്പുകളുടെയും കഥകൾ പുറത്തുവന്നാലും വീണ്ടും ഒന്നാലോചിക്കാതെ തലവെച്ചു കൊടുക്കുന്നവരാണ് പ്രബുദ്ധർ...

കൊൽക്കൊത്ത വീഥിയിലൂടെ ഒരു യാത്ര.

ഏറെ ചരിത്രപ്രാധാന്യമുള്ള കൊൽക്കത്ത കിഴക്കിന്റെ സെയിന്റ് പീറ്റേഴ്‌സ്ബർഗ് എന്നും കൊട്ടാരങ്ങളുടെ നഗരമെന്നും വിശേഷിപ്പിക്കപ്പെട്ടിരുന്നു. ഇന്ത്യയിലെ തലസ്ഥാനമായിരുന്ന കൊൽക്കത്ത 1911ൽ ദില്ലിയിലേക്ക് മാറ്റി. ഹൂഗ്ലി നദിയുടെ കിഴക്ക് ഭാഗമായ കൊൽക്കത്ത ചണവ്യവസായത്തിൽ പേര് കേട്ടതായിരുന്നു. ഈ...

അഗതി മന്ദിരങ്ങളിലൂടെ.. (കവിത) – ഹരി വെട്ടൂർ

അകലങ്ങളിൽ നട്ട മിഴിയുടഞ്ഞു ...
WP2Social Auto Publish Powered By : XYZScripts.com
error: