17.1 C
New York
Saturday, June 25, 2022
Home US News നോമ്പാചരണം ബന്ധങ്ങളെ യാഥാസ്ഥാനപ്പെടുത്തുന്നതിനുള്ള അവസരമാകണം റവ.ഓ.സി.കുര്യന്‍

നോമ്പാചരണം ബന്ധങ്ങളെ യാഥാസ്ഥാനപ്പെടുത്തുന്നതിനുള്ള അവസരമാകണം റവ.ഓ.സി.കുര്യന്‍

റിപ്പോർട്ട്: പി.പി. ചെറിയാൻ

ഡാളസ്: നോമ്പാചരണത്തിന്റെ ഓരോ ദിനങ്ങളിലും നമ്മില്‍ നിന്നും നഷ്ടപ്പെട്ടു പോയിരിക്കുന്ന ബന്ധങ്ങളെ പുനഃസ്ഥാപിക്കുന്നതിനും, യഥാസ്ഥാനപ്പെടുത്തുന്നതിനുമുള്ള അവസരമാക്കി മാറ്റണമെന്ന് ഡാളസ് സെന്റ് പോള്‍സ് മാര്‍ത്തോമാ ചര്‍ച്ച് മുന്‍ വികാരിയും, മാര്‍ത്തോമാ സഭയിലെ സീനിയര്‍ പട്ടക്കാരനുമായ റവ.ഓ.സി. കുര്യന്‍ ഉദ്‌ബോധിപ്പിച്ചു.

മത്തായിയുടെ സുവിശേഷം അഞ്ചാം അദ്ധ്യായത്തിന്റെ 21 മുതല്‍ 24 വരെയുള്ള വാക്യങ്ങളെ ആധാരമാക്കി ഡാളസ് സെന്റ് പോള്‍സ് ചര്‍ച്ച് നോമ്പാചരണത്തോടനുബന്ധിച്ചു മാര്‍ച്ച് 22 തിങ്കളാഴ്ച വൈകീട്ട് സംഘടിപ്പിച്ച ധ്യാനയോഗത്തില്‍ സൂം പ്ലാറ്റ് ഫോം വഴി ധ്യാന പ്രസംഗം നടത്തുകയായിരുന്നു കുര്യയനച്ചന്‍.

വര്‍ഷം തോറും നോമ്പ് നോല്‍ക്കുന്നതിലൂടെ നാം സ്വായത്തമാക്കേണ്ട പ്രധാന സ്വഭാവ വൈശിഷ്ടങ്ങളെ കുറിച്ചു അച്ചന്‍ പ്രതിപാദിച്ചു. ദൈന്യംദിന ജീവിതത്തില്‍ അറിഞ്ഞും അറിയാതേയും സംഭവിക്കുന്ന കുറവുകള്‍ ഏറ്റു പറഞ്ഞു ഉപേക്ഷിക്കുന്നതിനും, ജീവിതവിശുദ്ധി കാത്തുസൂക്ഷിക്കുന്നതിനും, ദൈവകൃപയില്‍ വളര്‍ന്ന് ക്രിസ്തുവിന്റെ ഭാവം ഉള്‍കൊണ്ട് ജീവിതത്തില്‍ കരുത്തു പ്രാപിക്കുന്നതിനും നോമ്പുനോല്‍ക്കുന്നതിലൂടെ നമ്മുക്ക് കഴിയേണ്ടതാണ്. അതോടൊപ്പം ബന്ധങ്ങള്‍ നഷ്ടപ്പെടുത്തുന്ന കോപസ്വഭാവത്തെ നിയന്ത്രിക്കുവാന്‍, ദുര്‍വികാരങ്ങളെ നിയന്ത്രിക്കാന്‍, പ്രാര്‍ത്ഥനയും, ധ്യാനവും ജീവിതത്തില്‍ പരിശീലിക്കേണ്ടതും അനിവാര്യമാണെന്ന് അച്ചന്‍ ഓര്‍മ്മപ്പെടുത്തി.

സ്‌നേഹത്തില്‍ അധിഷ്ഠിതമായ ബന്ധങ്ങള്‍ മാത്രമേ നിലനില്‍ക്കുകയുള്ളൂവെന്നും, മരണത്തോടെ ആറടിമണ്ണില്‍ എല്ലാം അവസാനിക്കുമ്പോഴും, നിത്യേനയോളം നമ്മെ പിന്തുടരുന്നത് സ്‌നേഹം മാത്രമായിരിക്കുമെന്നത് നാം ഓര്‍ത്തിരിക്കേണ്ടതാണ്. തിരുവചനം മനസ്സില്‍ ധ്യാനിച്ചു, നമ്മുടെ ജീവിതത്തെ പൂര്‍ണ്ണമായും ക്രമീകരിക്കുന്നതിനുള്ള ഒരവസരമാക്കി മാറുമ്പോള്‍ നോമ്പാചരണം അര്‍ത്ഥവത്താകുമെന്നും അച്ചന്‍ പറഞ്ഞു. സെന്റ് പോള്‍സ് ഇടവകവികാരിയായിരുന്നപ്പോള്‍ തനിക്ക് ലഭിച്ച എല്ലാ സഹകരകരണത്തേയും നന്ദിയോടെ സ്മരിക്കുന്നതായി കുര്യനച്ചന്‍ പറഞ്ഞു. ഇടവക വികാരി റവ.മാത്യു ജോസഫ് സ്വാഗതവും, സെക്രട്ടറി തോമസ് ഈശോ നന്ദിയും പറഞ്ഞു.

Facebook Comments

COMMENTS

- Advertisment -

Most Popular

കതിരും പതിരും( 7) ✍ ജസിയഷാജഹാൻ

സ്നേഹവ്രണങ്ങളിലെ മൗനത്തിന്റെ കയങ്ങങ്ങളിലേക്ക് നീ ഹൃദയം ചേർത്ത് വച്ചിട്ടുണ്ടോ?...ചോരച്ചോപ്പും കണ്ണീർകറുപ്പും നിന്നിൽ പടർന്നിട്ടുണ്ടോ.... സ്നേഹത്തിന്റെ ഭൂമിയിലേക്ക് നമുക്കൊന്നു കൈകോർത്തു നടന്ന് ആകാശം പൂകാം...വരൂ..മനുഷ്യരേ... സ്നേഹിക്കണം... സ്നേഹം നമുക്ക് തോന്നണം.സ്നേഹം അതനുഭവിച്ച് തന്നെ അറിയണം. സ്നേഹം ആരിൽ...

റോബിൻ പള്ളുരുത്തി അവതരിപ്പിക്കുന്ന ലേഖയും മാഷും (15)

"എന്താ ലേഖേ മുഖം വാടിയിരിക്കുന്നത് ? സ്കൂൾ തുറന്ന ആദ്യദിനം തന്നെ കൂട്ടുകാരികളുമായി പിണങ്ങിയോ ?" "പിണങ്ങിയതൊന്നുമല്ല മാഷേ ...അതായിരുന്നെങ്കിൽ സാരമില്ലായിരുന്നു. " "ങ്ങ്ഹേ..പിന്നെന്താടോ ?" "അത്... മാഷേ കഴിഞ്ഞ വർഷം ക്ലാസിലുണ്ടായിരുന്ന എന്റെ കൂട്ടുകാരികളെല്ലാം ഈ വർഷം...

‘വിശ്വസാഹിത്യത്തിലെ വിസ്മയങ്ങൾ’ (14)

'മലയാളി മനസ്സ് ' ന്റെ പ്രിയപ്പെട്ട എല്ലാ വായനക്കാർക്കും 'വിശ്വസാഹിത്യത്തിലെ വിസ്മയങ്ങൾ' എന്ന പംക്തിയുടെ പതിന്നാലാം ഭാഗത്തിലേയ്ക്ക് സ്നേഹപൂർവം സ്വാഗതം🙏❤️🌹 വിശ്വപ്രസിദ്ധനായ ഇന്ത്യൻ സാഹിത്യകാരൻ രബീന്ദ്രനാഥ ടാഗോറിന്റെ "ദ പോസ്റ്റ് മാസ്റ്റർ" എന്ന വിഖ്യാതമായ...

ശുഭചിന്ത – 18 ‘പുണ്യമായ സത്കർമ്മങ്ങൾ’ ✍ പി . എം . എൻ . നമ്പൂതിരി

ഭക്തി, ആരോഗ്യം, സന്തോഷം, മനസ്സമാധാനം, ഉറക്കം, ഇതിനേ ക്കാള്‍ പണത്തിന്‌ പ്രാധാന്യം നല്‍കരുത്‌. കണ്ണുനീര്‍ തുടയ്ക്കുക,പ്രപഞ്ജ സൃഷ്ടിയെ വണങ്ങുക...നല്ലതുമാത്രം വിചാരിക്കുക,നമുക്ക് കിട്ടിയ തെല്ലാം അനുഗ്രഹങ്ങളാണെന്നോർക്കുക. സത്‌ഫലങ്ങള്‍ മാത്രം തരുന്ന മരത്തെപ്പോലെയാവുക,കല്ലെറിഞ്ഞാലും അത്‌ ഫലങ്ങള്‍ കൊഴിച്ചുതരും. പെരുമാറ്റരീതികളും,മനോഭാവങ്ങളും പൂന്തോട്ടത്തേക്കാള്‍...
Facebook Comments
WP2Social Auto Publish Powered By : XYZScripts.com
error: