17.1 C
New York
Friday, September 17, 2021
Home Literature നെൽസൺ ഹോലിഹ്ഷാഹ്മാ മണ്ടേല (മാഡിബ)

നെൽസൺ ഹോലിഹ്ഷാഹ്മാ മണ്ടേല (മാഡിബ)

✍ഹരിദാസ് പല്ലാരിമംഗലം .

മണ്ടേല നീയെൻ്റെ ഗാന്ധി
കാണാൻ കഴിയാത്ത ശാന്തി
കണ്ണീരുവറ്റി വരണ്ടോരവർണ്ണർക്ക്
കണ്ണായിരുന്നൊരാ ഗാന്ധി!.

കാർമേഘവർണ്ണം
കരുത്തിൻ്റെ വർണ്ണം
ഊഴിയിലുൺമ തൻ ശബ്ദം

നിൻ സിംഹനാദം
നിലയ്ക്കാത്ത ഗർജ്ജനം
മാറ്റൊലിക്കൊള്ളുന്നു ദിക്കിൽ
എങ്ങും മാറ്റൊലിക്കൊള്ളുന്നു നിത്യം.

നിൻ കൃഷ്ണമേനിയിൽ
സ്വാമ്രാജ്യ ശക്തികൾ
ചിത്രം വരച്ചു രസിച്ചു
കാലമാം ചിത്രം വരച്ചു രസിച്ചു!.

നിൻ ക്ഷുഭിത യൗവ്വനം
നിൻ സഹന മന്ത്രണം
നിൻ ഹൃദയ സ്പന്ദനം
നിൻ ചടുല ഭാവവും
രുധിരമായ് മോന്തിക്കുടിച്ചു
രുധിരമായ് മോന്തിക്കുടിച്ചു!.

വർഷങ്ങളെത്രയോ കാരാഗൃഹത്തിലായ്
കാലം കഴിയ്ക്കാൻ ശ്രമിച്ചു
കാലം കഴിക്കാൻ ശ്രമിച്ചു!.
ആരും കാണാത്ത ജ്വാലയായ്
തീക്കനൽ കട്ടയെ
പാഴ്മുറം കൊണ്ടു മറച്ചു
പാഴ്വേല നന്നായ് നിനച്ചു
പാഴ്വേല നന്നായ് നിനച്ചു!.

ഇല്ല! കഴിഞ്ഞില്ല
തീജ്വാല തൻ ശക്തി
ആഴികൾ താണ്ടി കടന്നു
സേതുഹിമാചലം താണ്ടി
നീറി പുകയുമാ സൂര്യൻ്റെ തീഷ്ണത
മാരുതാ മായ്ക്കുവാനാമോ?
മന്ദമാരുതാ മായ്ക്കുവാനാമോ?!.

കാലചക്രത്തിൻ രഥമുരുളുമ്പൊഴും ഗാന്ധിയായ്,കൃഷ്ണനായ്,
ക്രിസ്തുവായ്, അള്ളാഹു,
ബുദ്ധൻ, ഭഗത്‌സിംഗ്,
ചെഗുവേര, ഏ.കെ.ജി., ഇ.എം.എസ്.
നൻമതൻ തേജസ്സായ്
മന്നിൽ നീ ജീവിയ്ക്കുമെന്നും
എൻ ഹൃത്തിൽ നീ ജീവിയ്ക്കുമെന്നും
എൻ ഹൃത്തിൻ നീ ജീവിയ്ക്കുമെന്നും.

എങ്കിലും അർപ്പിപ്പു എൻ പ്രിയ മാഡിബ
ആയിരം ബാഷ്പാഞ്ജലികൾ!
ആയിരം അശ്രു പുഷ്പങ്ങൾ
ആയിരം രക്തപുഷ്പങ്ങൾ!.

✍ഹരിദാസ് പല്ലാരിമംഗലം .

COMMENTS

LEAVE A REPLY

Please enter your comment!
Please enter your name here

- Advertisment -

Most Popular

“പൊന്നോണം എന്റെ സങ്കല്പത്തിൽ..” (ലേഖന മത്സരം – (15)

അത്തം പത്തോണം.അത്തം തുടങ്ങി തിരുവോണ നാളുവരയും ചാണകംമെഴുകിയ മുറ്റത്തു പൂക്കളം തീർക്കുകയാണ് കുട്ടികൾ.ചിലയിടത്ത് തിരുവോണ നാളാകുമ്പോഴേക്കും പൂക്കളുടെ നിരയിൽ വെള്ള നിറത്തിലുള്ള പൂക്കൾക്കാണ് പ്രാധാന്യം; തുമ്പ പൂവിനു തന്നെ എന്നും പറയാം.എന്നാൽ ഇവിടെ...

“പൊന്നോണം എന്റെ സങ്കല്പത്തിൽ..” (ലേഖന മത്സരം – (14)

ഓർമ്മകളിലെ വസന്തമാണ് ഓണം. "മാവേലി നാട് വാണീടും കാലം മാനുഷരെല്ലാരും ഒന്ന് പോലെ " എന്ന് പാടി പതിഞ്ഞ ഗാന ശീലുകളിലൂടെ ഓരോ ഓണവും സമത്വ സുന്ദരമായ ഒരു കാലഘട്ടത്തെ സങ്കൽപ്പത്തിൽ കാണുകയും...

“പൊന്നോണം എന്റെ സങ്കല്പത്തിൽ..” (ലേഖന മത്സരം – (13)

ചിങ്ങ പുലരിയുടെ തേരിലേറി പൊന്നോണം വരവായി. കള്ളം ഇല്ലാത്ത, ചതിയില്ലാത്ത, അക്രമവും, പീഡനങ്ങളും ഇല്ലാത്ത, എല്ലാവരിലും സമത്വം കളിയാടിയിരുന്ന ഒരു നല്ല നാളിന്റെ സ്മരണകൂടിയാണ് പൊന്നോണം. കഥയിൽ മഹാബലി ചക്രവർത്തി ആദർശപുരുഷനും, ശ്രീ...

മീര പിന്നെയും… (കഥ) അമ്പിളി ദിലീപ്

കടലിൽ മഴ പെയ്യുകയാണ്. കരയിലേക്ക് വീശിയടിക്കുന്ന പിശറൻ കാറ്റിൽ അവളുടെ ഉടൽ വിറകൊണ്ടു. കറുപ്പിൽ വെളുത്ത പൂക്കൾ ചിതറിക്കിടക്കുന്ന നനുത്ത സാരിയുടെ തല പെടുത്തു അവൾ ചുമലിലൂടെ പുതച്ചു. ഏറെക്കുറെ വിജനമായ കടൽതീരത്തെ...
WP2Social Auto Publish Powered By : XYZScripts.com