17.1 C
New York
Saturday, June 25, 2022
Home US News നായയുടെ ആക്രമണത്തില്‍ ഒരു വയസ്സുകാരിക്ക് ദാരുണാന്ത്യം

നായയുടെ ആക്രമണത്തില്‍ ഒരു വയസ്സുകാരിക്ക് ദാരുണാന്ത്യം

റിപ്പോർട്ട്: പി.പി. ചെറിയാൻ

ഇല്ലിനോയ്‌സ്: വീട്ടില്‍ വളര്‍ത്തിയിരുന്ന പിറ്റ്ബുള്‍ നായയുടെ ആക്രമണത്തില്‍ ഒരു വയസ്സുള്ള പെണ്‍കുട്ടിക്ക് ദാരുണാന്ത്യം. നായയുടെ ഭക്ഷണം വെച്ചിരുന്ന പാത്രത്തിനരികില്‍ കളിച്ചുകൊണ്ടിരിക്കെ പെട്ടെന്നായിരുന്നു കുട്ടിയെ നായ ആക്രമിച്ചത്. തലയില്‍ മാരകമായി കടിച്ചു പരിക്കേല്‍പ്പിച്ച കുട്ടിയെ ഉടനെ ആശുപത്രിയില്‍ എത്തിച്ചുവെങ്കിലും ജീവന്‍ രക്ഷിക്കാനായില്ല. മാര്‍ച്ച് ഏഴിന് ഒന്നാം ജന്മദിനം ആഘോഷിച്ചു ദിവസങ്ങള്‍ക്കകമാണ് അതിദയനീയ അന്ത്യം സംഭവിച്ചതെന്ന് മാര്‍ച്ച് 22 തിങ്കളാഴ്ച പോലീസ് അറിയിച്ചു. കഴിഞ്ഞ വ്യാഴാഴ്ചയായിരുന്നു സംഭവം.

കഴിഞ്ഞ നാലു വര്‍ഷമായി “പോക്കറ്റബുള്ളി” എന്ന പിറ്റ്ബുള്‍ വര്‍ഗത്തില്‍പെട്ട നായ വീട്ടില്‍ ഉണ്ടായിരുന്നതായും ഇതുവരെ ഇങ്ങനെ പ്രകോപനം ഉണ്ടായിട്ടില്ലെന്നും കുടുംബാംഗങ്ങള്‍ പറയുന്നു. മാത്രമല്ല കുട്ടിയുടെ കയ്യില്‍ നിന്നും ബിസ്‌ക്കറ്റും മറ്റു സാധനങ്ങളും നായ എടുത്തു കഴിക്കാറുണ്ടെന്നും ഇവര്‍ പറഞ്ഞു.

സംഗമന്‍ കൗണ്ടി കൊറോണറും, സ്പ്രിംഗ് ഫില്‍ഡ് പൊലീസ് ഡിപ്പാര്‍ട്ട്‌മെന്റും സംഭവത്തെക്കുറിച്ചു അന്വേഷണം ആരംഭിച്ചിട്ടുണ്ട്. ഇതുവരെ ആരുടെ പേരിലും കേസ്സെടുത്തിട്ടില്ലായെന്നും പൊലീസ് പറഞ്ഞു.

2020 നവംബര്‍ ഒന്നും മുതല്‍ 2021 മാര്‍ച്ച് വരെ അമേരിക്കയില്‍ നായയുടെ കടിയേറ്റ ഏഴു പേര്‍ മരിച്ചിട്ടുണ്ട്. ഇതില്‍ കുട്ടികളും ഉള്‍പ്പെടുന്നു. ഈയിടെ ഹാംപ്ടണില്‍ 6 വയസ്സുകാരി നായയുടെ കടിയേറ്റു മരിച്ചിരുന്നു. വീട്ടില്‍ വളര്‍ത്തുന്ന നായകളാണെങ്കിലും, കുട്ടികളെ കൂടുതല്‍ ശ്രദ്ധിക്കണെന്നും, നായ എപ്പോള്‍ പ്രകോപിതനാകും എന്നു പറയുക സാധ്യമല്ലെന്നും അധികൃതര്‍ പറഞ്ഞു.

Facebook Comments

COMMENTS

- Advertisment -

Most Popular

കതിരും പതിരും( 7) ✍ ജസിയഷാജഹാൻ

സ്നേഹവ്രണങ്ങളിലെ മൗനത്തിന്റെ കയങ്ങങ്ങളിലേക്ക് നീ ഹൃദയം ചേർത്ത് വച്ചിട്ടുണ്ടോ?...ചോരച്ചോപ്പും കണ്ണീർകറുപ്പും നിന്നിൽ പടർന്നിട്ടുണ്ടോ.... സ്നേഹത്തിന്റെ ഭൂമിയിലേക്ക് നമുക്കൊന്നു കൈകോർത്തു നടന്ന് ആകാശം പൂകാം...വരൂ..മനുഷ്യരേ... സ്നേഹിക്കണം... സ്നേഹം നമുക്ക് തോന്നണം.സ്നേഹം അതനുഭവിച്ച് തന്നെ അറിയണം. സ്നേഹം ആരിൽ...

റോബിൻ പള്ളുരുത്തി അവതരിപ്പിക്കുന്ന ലേഖയും മാഷും (15)

"എന്താ ലേഖേ മുഖം വാടിയിരിക്കുന്നത് ? സ്കൂൾ തുറന്ന ആദ്യദിനം തന്നെ കൂട്ടുകാരികളുമായി പിണങ്ങിയോ ?" "പിണങ്ങിയതൊന്നുമല്ല മാഷേ ...അതായിരുന്നെങ്കിൽ സാരമില്ലായിരുന്നു. " "ങ്ങ്ഹേ..പിന്നെന്താടോ ?" "അത്... മാഷേ കഴിഞ്ഞ വർഷം ക്ലാസിലുണ്ടായിരുന്ന എന്റെ കൂട്ടുകാരികളെല്ലാം ഈ വർഷം...

‘വിശ്വസാഹിത്യത്തിലെ വിസ്മയങ്ങൾ’ (14)

'മലയാളി മനസ്സ് ' ന്റെ പ്രിയപ്പെട്ട എല്ലാ വായനക്കാർക്കും 'വിശ്വസാഹിത്യത്തിലെ വിസ്മയങ്ങൾ' എന്ന പംക്തിയുടെ പതിന്നാലാം ഭാഗത്തിലേയ്ക്ക് സ്നേഹപൂർവം സ്വാഗതം🙏❤️🌹 വിശ്വപ്രസിദ്ധനായ ഇന്ത്യൻ സാഹിത്യകാരൻ രബീന്ദ്രനാഥ ടാഗോറിന്റെ "ദ പോസ്റ്റ് മാസ്റ്റർ" എന്ന വിഖ്യാതമായ...

ശുഭചിന്ത – 18 ‘പുണ്യമായ സത്കർമ്മങ്ങൾ’ ✍ പി . എം . എൻ . നമ്പൂതിരി

ഭക്തി, ആരോഗ്യം, സന്തോഷം, മനസ്സമാധാനം, ഉറക്കം, ഇതിനേ ക്കാള്‍ പണത്തിന്‌ പ്രാധാന്യം നല്‍കരുത്‌. കണ്ണുനീര്‍ തുടയ്ക്കുക,പ്രപഞ്ജ സൃഷ്ടിയെ വണങ്ങുക...നല്ലതുമാത്രം വിചാരിക്കുക,നമുക്ക് കിട്ടിയ തെല്ലാം അനുഗ്രഹങ്ങളാണെന്നോർക്കുക. സത്‌ഫലങ്ങള്‍ മാത്രം തരുന്ന മരത്തെപ്പോലെയാവുക,കല്ലെറിഞ്ഞാലും അത്‌ ഫലങ്ങള്‍ കൊഴിച്ചുതരും. പെരുമാറ്റരീതികളും,മനോഭാവങ്ങളും പൂന്തോട്ടത്തേക്കാള്‍...
Facebook Comments
WP2Social Auto Publish Powered By : XYZScripts.com
error: