17.1 C
New York
Wednesday, August 10, 2022
Home Literature നാദം നിലച്ച ചിലങ്ക (തുടർ കഥ) -4

നാദം നിലച്ച ചിലങ്ക (തുടർ കഥ) -4

ശ്രീജ സുരേഷ്, ഷാർജ✍

അതറിഞ്ഞയുടനെതന്നെ ദേവിയെ കാണാനായി താനും ചേട്ടന്മാരും കൂടെ പുറപ്പെട്ടതാണ്. അപ്പോഴേക്കും ദേവി, ഷാരോൺ എന്ന പേര് സ്വീകരിച്ചു ഷാരോൺ വിക്ടർ ആയി ജീവിതം ആസ്വദിച്ചു തുടങ്ങിക്കഴിഞ്ഞിരുന്നു. എത്ര വിശ്വസിപ്പിക്കാൻ ശ്രമിച്ചിട്ടും അവൾ അതിനു തയ്യാറായില്ല. ഒരിക്കലും തന്നെ കാണാൻ വരരുതെന്നു അവൾ തന്നെ വിലക്കി. ഒക്കെയും മറന്നു ജീവിക്കാൻ അവൾ ആഗ്രഹിച്ചിരുന്നു. എന്നാൽ അവളെ മറക്കാൻ മനുവേട്ടന് ആകുമായിരുന്നില്ല. എല്ലാവരും വിലക്കിയിട്ടും അവളെ കാണാൻ ചേട്ടൻ ശ്രമിച്ചുകൊണ്ടിരുന്നു. ഇനി അവളെ കാണാനായി അവിടേയ്ക്ക് ചെല്ലരുതെന്നു വിക്ടർ, മനുവേട്ടനെ വിലക്കി മടക്കിയയച്ചു. പിന്നീടൊരിക്കലും മനുവേട്ടൻ അവളെ അന്വേഷിച്ചു പോയിട്ടില്ല.

മടങ്ങിവരും വഴി ഓടിച്ചിരുന്ന കാർ നിയന്ത്രണം വിട്ടു കൊക്കയിലേയ്ക്ക് മറിയുകയായിരുന്നു. ഒരു മടക്കയാത്രയില്ലാത്തടുത്തേയ്ക്ക് ആ പാവം യാത്രയായി. ദേവി തന്റെ പ്രിയപ്പെട്ട ഏട്ടനെ കാണാൻ എത്തുമെന്ന് എല്ലാവരും ആഗ്രഹിച്ചു, അതിനായി പ്രാർത്ഥിച്ചു. മനുവേട്ടന്റെ ആത്മാവുപോലും അതിനായി ആഗ്രഹിച്ചിട്ടുണ്ടാകും എന്ന് തനിയ്ക്ക് ഉറപ്പുണ്ടായിരുന്നു. അതുകൊണ്ടു തന്നെയാണ് അവളുടെ വരവും പ്രതീക്ഷിച്ചു എല്ലാവരും അവൾക്കായി കാത്തത്. പക്ഷേ അവൾ വന്നില്ല. അത് എല്ലാവരിലും മരണത്തെക്കാൾ വലിയ ആഴത്തിലുള്ള മുറിവുണ്ടാക്കി. താനും അവളെ മറക്കാൻ ശ്രമിച്ചു.ഒരിയ്ക്കലും കാണണ്ട എന്നാഗ്രഹിച്ചു.

എങ്കിലും അവളുടെ വിവരങ്ങൾ അന്വേഷിക്കാതിരിയ്ക്കാൻ തനിക്കും ആകുമായിരുന്നില്ല. അവൾ ഒരു പെൺകുഞ്ഞിന് ജന്മം നൽകിയെന്ന വാർത്ത അറിഞ്ഞപ്പോൾ താൻ എല്ലാം മറന്നു ഓടിയെത്തി. എന്നാൽ ആ കുഞ്ഞിനെ ഒരുനോക്കുകാണുവാൻ പോലും വിക്ടർ തന്നെ അനുവദിച്ചില്ല. തന്റെ അന്നോളം ഉണ്ടായിരുന്ന സംശയങ്ങൾ എല്ലാം സത്യമായിരുന്നുവെന്നു താൻ വേദനയോടെ തിരിച്ചറിഞ്ഞു. ഇനി ഒരിക്കലും അവളെ തേടിപ്പോകാൻ പാടില്ല എന്നതായിരുന്നു വീട്ടിലെ പൊതുതീരുമാനം. അവൾക്ക് കാണണമെന്ന് തോന്നുമ്പോൾ സ്വയം അന്വേഷിച്ചുവരട്ടെ എന്ന തീരുമാനത്തോട് താനും പൂർണ്ണമായും യോജിച്ചു.

മനുവേട്ടന്റെ മരണം അമ്മയെ കൂടുതൽ തളർത്തി. ആരോടും ഒന്നും മിണ്ടാതെ അവർ തീർത്ത മൗനത്തിൻ കവചത്തിലേയ്ക്ക് സ്വയം ഒതുങ്ങുകയായിരുന്നു. മനുവേട്ടന്റെ അച്ഛൻ എല്ലാ നൊമ്പരങ്ങളും പങ്കുവച്ചിരുന്നത് തന്റെ അച്ഛനോടായിരുന്നു. അങ്ങനെയാണ് വിഷ്ണുവേട്ടന്റെ വിവാഹത്തിലേയ്ക്ക് അവർ എത്തിയത്. അതിനു ഒരു പരിധിവരെ വീട്ടിലെ പ്രശ്നങ്ങൾക്ക് പരിഹാരം കാണാൻ കഴിയുമെന്ന് എല്ലാവരും വിശ്വസിച്ചു.

തുടരും..

ശ്രീജ സുരേഷ്, ഷാർജ✍

Facebook Comments

COMMENTS

- Advertisment -

Most Popular

അട്ടപ്പാടി മധുകൊലക്കേസ്:അതിവേ​ഗ വിചാരണ ഇന്നുമുതൽ.

അട്ടപ്പാടി മധുകൊലക്കേസിൽ ഇന്നു മുതൽ അതിവേഗ വിസ്താരം. 25 മുതൽ 31 വരെയുള്ള ഏഴ് സാക്ഷികളെ മണ്ണാക്കാട് എസ് സി എസ് ടി കോടതിയിൽ വിസ്തരിക്കും. പ്രതികൾ ജാമ്യവ്യവസ്ഥ ലംഘിച്ചതിനാൽ, ജാമ്യം റദ്ദാക്കണമെന്ന ഹർജിയും വിചാരണക്കോടതി...

രണ്ടു  പെണ്‍മക്കളെ വെടിവെച്ചു കൊലപ്പെടുത്തിയ  പിതാവ് യാസര്‍ സെയ്ദ  കുറ്റക്കാരനെന്നു ജൂറി

ഡാളസ്: ' അമുസ്‌ലിമുകളായ ആണ്‍കുട്ടികളെ പ്രണയിച്ചുവെന്ന കാരണത്താല്‍ രണ്ടു പെണ്‍മക്കളെ കാറിനകത്തുവച്ച് വെടിവച്ചു കൊലപ്പെടുത്തിയ പിതാവ് യാസര്‍ സെയ്ദ കുറ്റക്കാരനാണെന്നു ജൂറി കണ്ടെത്തി . ആഗസ്ത് 9 ചൊവ്വാഴ്ചയാണ് ജൂറി സുപ്രധാന വിധി...

ഒഐസിസി യുഎസ്എ “ആസാദി കി ഗൗരവ്” ആഗസ്ററ് 15 ന് – പി.പി. ചെറിയാൻ    

ഹൂസ്റ്റൺ: ഓവർസീസ് ഇന്ത്യൻ കൾച്ചറൽ കോൺഗ്രസ് യുഎസ്എ (ഒഐസിസി യൂഎസ്എ) യുടെ ആഭിമുഖ്യത്തിൽ ഇന്ത്യൻ സ്വാതന്ത്ര്യത്തിൻ്റെ എഴുപത്തിയഞ്ചാം വാർഷികം 'ആസാദി കി ഗൗരവ്’ വിപുലമായ പരിപാടികളോടെ ആഘോഷിക്കുന്നു.ആഗസ്റ്റ് 15 ന് തിങ്കളാഴ്ച വൈകുന്നേരം...

വാളയാര്‍ പീഡനകേസ്;CBI യുടെ നിലവിലെ കുറ്റപത്രം പോക്സോ കോടതി തള്ളി.

വാളയാർ പീഡന കേസിൽ CBI യുടെ നിലവിലെ കുറ്റപത്രം പോക്സോ കോടതി തള്ളി.പുനരന്വേഷണത്തിന് പാലക്കാട് പോക്സോ കോടതി ഉത്തരവിട്ടു.സിബിഐ തന്നെ അന്വേഷിക്കണമെന്നാണ് കോടതിയുടെ നിര്‍ദ്ദേശം.പെണ്‍കുട്ടിയുടെ അമ്മ നില്‍കിയ ഹര്‍ജിയിലാണ് കോടതിയുടെ വിധി.പെണ്‍കുട്ടികളുടെ മരണം...
Facebook Comments
WP2Social Auto Publish Powered By : XYZScripts.com
error: