17.1 C
New York
Thursday, January 27, 2022
Home Special നവജീവിതശൈലിയ്ക്കുള്ള ആഹ്വാനമായ ഈസ്റ്റർ

നവജീവിതശൈലിയ്ക്കുള്ള ആഹ്വാനമായ ഈസ്റ്റർ

H.E. KURIAKOSE MOR SEVERIOS METROPOLITAN

ക്രിസ്തീയ മതവിശ്വാസത്തിൻ്റെ ആധാരശിലയാണ് യേശു മരണത്തെ കീഴടക്കി മൂന്നാം ദിവസം ഉയിർത്തെഴുന്നേറ്റു എന്നത് . മറ്റു മതാചാര്യന്മാരിൽ നിന്ന് യേശുവിനെ ഇത് വ്യത്യസ്തനാക്കുന്നതിനാൽ യേശുവിൻ്റെ ഉയിർപ്പിൻ്റെ സ്മരണ കൊണ്ടാടുന്ന ഈസ്റ്റർ ക്രിസ്ത്യാനികളുടെ പ്രധാനപ്പെട്ട ഒരു ആഘോഷമാണ് . വി. തോമസ് അക്വിനാസ് ഇപ്രകാരം പറയുന്നു , ” ക്രിസ്തുവിനെ കുറിച്ച് പലതും ധ്യാനവിഷയമാക്കാനുണ്ട് , പ്രത്യേകിച്ച് അവിടുത്തെ ഉത്ഥാനത്തെകുറിച്ച് , കാരണം ക്രിസ്തുമതത്തിൻ്റെ മുഴുവൻ സംവിധാനവുമിതിലാണ് കേന്ദ്രീകരിച്ചിരിക്കുന്നത് . യേശുവിൻ്റെ ഉയിർപ്പാണ് അവിടുത്തെ ഏറ്റവും വലിയ അത്ഭുതം ” . ഇത് ഈസ്റ്ററിൻ്റെ പ്രാധാന്യവും സാംഗത്യവുമെല്ലാം തെളിയിക്കുന്നു .

ഉയിർപ്പിൻ്റെ പ്രത്യേകതകൾ എന്നത് അത് ഒരു യാഥാർത്ഥ്യമാണ് എന്നതാണ് . വി. ബൈബിൾ വിവരണത്തിലൂടെ ശിഷ്യന്മാർ ഉയിർത്തെഴുന്നേറ്റ ക്രിസ്തുവിനെ കണ്ടതായി സാക്ഷീകരിക്കുന്നുണ്ട് . ഇത് വ്യക്തമാകുന്നത് ഉയിർപ്പിന് ശേഷം യേശു ശാരീരികമായി പ്രത്യക്ഷപ്പെട്ടു എന്നാണ്. അതുപോലെ ക്രിസ്തുവിനെ അടക്കിയ കല്ലറ ഒഴിഞ്ഞുകിടക്കുന്നതും ക്രിസ്തുവിൻ്റെ ഉയിർപ്പ് ഒരു ചരിത്രസംഭവമാണെന്ന് തെളിയിക്കുന്നു . യേശുവിൻ്റെ കാൽവറിയിലെ മരണവും അതിലൂടെ ലോകത്തിന് ഉണ്ടാകുന്ന അനുഗ്രഹത്തെയും കുറിക്കുന്നു . ഉയിർപ്പ് ക്രൂശീകരണത്തിന് സാക്ഷ്യം നൽകുന്നതിനാൽ ദൈവസ്നേഹത്തിൻ്റെ പ്രഥമമായ വെളിപ്പെടുത്തലും ഇവിടെ ദർശിക്കുന്നു .

ഒരു ക്രിസ്ത്യാനിയെ സംബന്ധിച്ചിടത്തോളം രക്ഷയുടെ അടിസ്ഥാനമാണ് ഈസ്റ്റർ . ശിഷ്യഗണത്തിനും ആദിമസഭയ്ക്കും പകർന്നു കൊടുത്തത് മരണതുല്യമാമായ ഭയത്തിൽ നിന്നും കർമ്മരാഹിത്യത്തിൽ നിന്നുമുള്ള വിടുതലാണ് . യേശുക്രിസ്തുവിൻ്റെ ക്രൂശുമരണത്തിൽ തൻ്റെ ജീവനെ ലോകത്തിൻ്റെ വീണ്ടെടുപ്പിന് വേണ്ടി നൽകി പിതാവായ ദൈവവുമായി മനുഷ്യകുലത്തെ നിരപ്പിച്ചുവെങ്കിലും അത് മനുഷ്യകുലത്തിന് അക്ഷരാർത്ഥത്തിൽ വെളിപ്പെട്ടത് ഉയിർപ്പിലാണ് . ഉയിർപ്പിലൂടെ ലോകത്തിന് വെളിവാകുന്നത് , ദൈവം യേശുവിൻ്റെ ബലി സ്വീകരിച്ചുവെന്നും യേശുവിലൂടെയുള്ള പാപമോചനവും രക്ഷയുടെ അടയാളമായും യേശുവിൻ്റെ ഉയിർപ്പ് വിളങ്ങുന്നു എന്നതുമാണ് .

യേശുക്രിസ്തുവിൻ്റെ ഉയിർപ്പ് മരണാനന്തര ജീവിതത്തെകുറിച്ചുള്ള പ്രത്യാശ പകരുന്നു . മരണത്തോടുകൂടെ ഈ ലോകജീവിതം അവസാനിക്കുന്നില്ല എന്നും ഓർപ്പിക്കുന്നു . നമ്മുടെ ജീവിതത്തിൻ്റെ അർത്ഥവും വ്യാപ്തിയും ഇവിടെ പകർന്നു നൽകുന്നു . ഈ ഭൂതലത്തിൽ ജീവിക്കുന്ന നാളു മാത്രമല്ല ഇതിനപ്പുറം ഒരു നിത്യജീവൻ്റെ അനുഭവം ഒന്നുണ്ട് എന്നും പഠിപ്പിക്കുന്നു . ഒരു മനുഷ്യൻ്റെ ആത്യന്തികമായ ലക്ഷ്യമെന്നത് നിത്യജീവനെ പ്രാപിക്കുകയാണ് എന്നും സൂചിപ്പിക്കുന്നു . അത് ജീവിത വിശുദ്ധീകരണത്തിൻ്റെയും ധാർമ്മികതയുടെയും ആകെത്തുകയാണ് . ​

യേശുവിൻ്റെ ഉയിർപ്പിൻ്റെ പരിണിതഫലമെന്നത് ജീവിപ്പിക്കൂന്ന യേശുവിൻ്റെ സംസർഗ്ഗമാണ് . മനുഷ്യരുടെ ഇടയിൽ മരണത്തിൻ്റെയും തിന്മയുടെയും മേൽ നേടിയ വിജയവും ഇതുമൂലം ലഭ്യമാകുന്നു . അതുകൊണ്ട് വിശ്വാസത്തിലൂടെ യേശുവിലൂടെയുള്ള രക്ഷയെ പ്രാപിക്കുവാനുള്ള ആഹ്വാനമാണ് ഉയിർപ്പ് പ്രധാനം ചെയ്യുന്നത് . തിന്മയുടെ ശക്തിയുടെ മേലുള്ള വിജയമെന്നത് അനീതിയും അക്രമവും ഇല്ലാതെ സർവ്വതും യേശുവിൻ്റെ അധീനതയിൽ ആകുന്ന ഒരു അവസ്ഥയാണ് . അത് നമ്മെ ആഹ്വാനം ചെയ്യുന്നത് നമ്മുടെ രൂപാന്തരത്തിനും നവ ജീവിത ശൈലിയ്ക്കുമാണ്.

ലോകത്തിലെ സർവ്വ തിന്മകളുടെയും മേൽ വിജയം പ്രാപിച്ച സമാധാനമാർഗ്ഗവും രക്ഷയും പ്രത്യാശയും പകർന്ന് ഒരു നവജീവിതശൈലിയ്ക്കുള്ള ആഹ്വാനം നൽകുന്ന ഈസ്റ്റർ ആശംസകൾ എല്ലാവർക്കും നേർന്നുകൊള്ളുന്നു .

H.E. KURIAKOSE MOR SEVERIOS

SAMUDAYA METROPOLITAN , MALANKARA SYRIAN KNANAYA SAMUDAYAM

COMMENTS

LEAVE A REPLY

Please enter your comment!
Please enter your name here

- Advertisment -

Most Popular

ലളിത രാമമൂർത്തി : മയൂഖം വേഷ വിധാന മത്സര വിജയി

ആവേശവും, ഉദ്വേഗവും നിറഞ്ഞുനിന്ന മണിക്കൂറുകൾ നീണ്ട മത്സരത്തിനൊടുവിൽ, ഗ്രേറ്റ് ലേക്‌സ്‌ മേഖലയിൽ നിന്നുള്ള ബഹുമുഖ സംരംഭകയും . ഭരതനാട്യത്തിലും കർണാടക സംഗീതത്തിലും പ്രാവീണ്യവുമുള്ള ലളിത രാമമൂർത്തി കീരീടം ചൂടി. മത്സരങ്ങൾ തത്സമയം ഫ്ലവർസ് ടിവിയിൽ...

ഓർമ്മകൾ മായുന്നു ( കവിത )

മറന്നുപോകുന്നു മനസിലോർമ്മകൾമറഞ്ഞു പോകുന്നു കണ്ണിലീകാഴ്ചകളൊക്കെയും.വിങ്ങുന്നു മാനസം കാഴ്ചയില്ലാതെവരളുന്നു മിഴികൾ -ഉഗ്രമാം വിജനത പേറുമീവഴികളിൽഏറുംഭയത്താൽ നൂറുങ്ങുന്നുഹൃദയവും.അരികിലായ്, അങ്ങകലെയായ്ഓർമ്മകൾ പുതപ്പിട്ട കാഴ്ചകളെങ്ങോമറഞ്ഞുപോയ്.കാണ്മതില്ലെൻ നാടിൻ തുടിപ്പായൊ -രടയാള ചിത്രങ്ങളെങ്ങുമെങ്ങും,കാൺമതില്ലെൻ നാടിന്നതിരിട്ടകാഴ്ചത്തുരുത്തിന്നോർമ്മകളും .മറന്നു പോയ് ഓർമ്മയിൽ വരച്ചിട്ടസംസക്കാര സുഗന്ധത്തുടിപ്പുകളും...

തങ്കമ്മ നൈനാൻ (78) ഡാളസിൽ നിര്യാതയായി

ഡാളസ്: ആലപ്പുഴ മേൽപ്പാടം അത്തിമൂട്ടിൽ പരേതനായ എ.പി.നൈനാന്റെ ഭാര്യ തങ്കമ്മ നൈനാൻ (78) ഡാളസ്സ് ടെക്സാസ്സിൽ അന്തരിച്ചു. കോഴഞ്ചേരി ഇടത്തി വടക്കേൽ കുടുംബാംഗമാണ് പരേത.ഗാർലാൻഡ് സെന്റ് ഗ്രീഗോറിയോസ് ഓർത്തഡോൿസ് ചർച് അംഗമാണ് മക്കൾ: മോൻസി-ജോൺ...

റിപ്പബ്ലിക് ഡേ – ജനുവരി 26

നാം ഇന്ന് ഭാരതത്തിന്റെ റിപ്പബ്ലിക് ദിനം ആചരിക്കുകയാണ്. ഇന്ത്യൻ സ്വാതന്ത്ര്യദിനം പോലെതന്നെ അതി പ്രധാനമായ ദിനമാണ് റിപ്പബ്ലിക് ഡേ. പതിറ്റാണ്ടുകൾ നീണ്ട സഹനസമരത്തിനോടുവിലാണ് നമുക്ക് സ്വാതന്ത്ര്യം ലഭിച്ചത്. ബ്രിട്ടീഷ് ആധിപത്യത്തിൽ നിന്നുംഇന്ത്യ മോചനം നേടിയ...
WP2Social Auto Publish Powered By : XYZScripts.com
error: