17.1 C
New York
Tuesday, August 3, 2021
Home Cinema തിരിഞ്ഞു നോക്കുമ്പോൾ - ഭരത് ഗോപി

തിരിഞ്ഞു നോക്കുമ്പോൾ – ഭരത് ഗോപി

ദിവ്യ എസ് മേനോൻ✍

മലയാളിയുടെ നായക സങ്കല്പങ്ങളെ പൊളിച്ചെഴുതിയ അഭിനയകുലപതിയായിരുന്നു ഭരത് ഗോപി. അഭിനയത്തികവിലൂടെ മലയാള സിനിമാ പ്രേക്ഷകരുടെ മനസ്സിൽ ചിരപ്രതിഷ്ഠ നേടിയ മഹാനടൻ. അദ്ദേഹം ജീവൻ നൽകിയ പല കഥാപാത്രങ്ങളും ഇന്നും മലയാളികളുടെ മനസ്സിൽ ഒളിമങ്ങാതെ നിറഞ്ഞു നിൽക്കുന്നുണ്ട്.

1937 നവംബർ 2 ന് തിരുവനന്തപുരത്തെ ചിറയിൻകീഴിലാണ് ശ്രീ ഗോപിയുടെ ജനനം. തിരുവനതപുരം യൂണിവേഴ്സിറ്റി കോളേജിൽ നിന്ന് ബിരുദം പൂർത്തിയാക്കിയ അദ്ദേഹത്തിന് പഠിച്ചിറങ്ങിയ ഉടനെ തന്നെ കേരള ഇലക്ട്രിസിറ്റി ബോർഡിൽ ലോവർ ഡിവിഷൻ ക്ലാർക്ക് ആയി ജോലി ലഭിച്ചു. നാടകാഭിനയം തന്നെയാണ് അദ്ദേഹത്തിന് സിനിമയിലേക്കുള്ള വഴി തുറന്നു കൊടുത്തത്. ശ്രീ അടൂർ ഗോപാലകൃഷ്ണനുമായുള്ള പരിചയമാണ് 1972 ൽ ‘സ്വയംവരം’ എന്ന ചിത്രത്തിൽ ഒരു ചെറിയ വേഷം ചെയ്യാൻ അദ്ദേഹത്തെ പ്രേരിപ്പിച്ചത്. അതിന് ശേഷം 1977 ൽ പുറത്തിറങ്ങിയ ‘കൊടിയേറ്റം’ എന്ന അടൂരിന്റെ തന്നെ ചിത്രത്തിൽ അദ്ദേഹം നായകവേഷം ചെയ്തു. പിന്നീടുള്ളത് മലയാള സിനിമയുടെ മാത്രമല്ല, ഇന്ത്യൻ സിനിമയുടെ തന്നെ ചരിത്രത്തിന്റെ ഭാഗമാണ്. കൊടിയേറ്റത്തിലെ ശങ്കരൻകുട്ടി എന്ന കഥാപാത്രത്തെ അവിസ്മരണീയമാക്കി ഗോപി ഭരത് ഗോപിയായി മാറുകയായിരുന്നു.

മലയാളസിനിമയുടെ സ്ഥിരം ശൈലികളിൽ നിന്ന് മാറി സഞ്ചരിച്ച വ്യത്യസ്തങ്ങളായ ചിത്രങ്ങളിലൂടെ ശ്രീ ഗോപി തിരശ്ശീലക്ക് മുന്നിൽ നിറഞ്ഞു നിന്നു. ഓർമ്മയ്ക്കായ്, യവനിക, പഞ്ചവടിപ്പാലം, ആദാമിന്റെ വാരിയെല്ല് തുടങ്ങിയ ചിത്രങ്ങളിലെല്ലാം അദ്ദേഹം ശ്രദ്ധേയമായ വേഷങ്ങൾ ചെയ്തു. ‘തമ്പി’ ലെ വില്ലൻ വേഷവും ഗോപി അവിസ്മരണീയമാക്കി. രേവതിയ്ക്കൊരു പാവക്കുട്ടി, എന്റെ മാമാട്ടിക്കുട്ടിയമ്മയ്ക്ക് എന്നീ ചിത്രങ്ങളിലെ അച്ഛൻ വേഷങ്ങളും അദ്ദേഹത്തിന്റെ കൈകളിൽ ഭദ്രമായിരുന്നു. പാളങ്ങൾ എന്ന ചിത്രത്തിലെ വില്ലൻ സ്വഭാവം കലർന്ന വേഷവും അദ്ദേഹം അനശ്വരമാക്കി.

1986 ൽ പക്ഷാഘാതം അദ്ദേഹത്തിന്റെ തിളക്കമാർന്ന അഭിനയജീവിതത്തിൽ വില്ലനായെത്തി. അതിന് ശേഷം അഭിനയരംഗത്തു നിന്ന് വിട്ടുനിന്ന അദ്ദേഹം ‘പാഥേയം’ എന്ന ചിത്രത്തിലൂടെ വീണ്ടും തിരിച്ചുവന്നു. 2008 ൽ പുറത്തിറങ്ങിയ ‘ദേ ഇങ്ങോട്ട് നോക്കിയേ’ ആണ് അദ്ദേഹത്തിന്റെ അവസാന ചിത്രം. ചില മികച്ച ചിത്രങ്ങളിലൂടെ സംവിധാനരംഗത്തും അദ്ദേഹം മികവ് തെളിയിച്ചു. ഞാറ്റടി, ഉത്സവപ്പിറ്റേന്ന്, യമനം, എന്റെ ഹൃദയത്തിന്റെ ഉടമ എന്നീ ചിത്രങ്ങൾ അദ്ദേഹം സംവിധാനം നിർവഹിച്ചവയാണ്. യമനം വളരെയേറെ ശ്രദ്ധിക്കപ്പെട്ട ഒരു ചിത്രമാണ്. ‘അഭിനയം അനുഭവം’, ‘നാടകനിയോഗം’ എന്നീ പ്രസിദ്ധങ്ങളായ രണ്ട്‌ പുസ്തകങ്ങളും അദ്ദേഹത്തിന്റെ സംഭാവനയായുണ്ട്.

1977 ൽ കൊടിയേറ്റത്തിലെ അഭിനയത്തിന് അദ്ദേഹത്തിന് മികച്ച നടനുള്ള ദേശീയ അവാർഡ് ലഭിച്ചു. വ്യത്യസ്ത ചിത്രങ്ങളിലെ അഭിനയ മികവിന് 1977ലും, 82 ലും, 83 ലും 85 ലും മികച്ച നടനുള്ള സംസ്ഥാന അവാർഡും അദ്ദേഹത്തെ തേടിയെത്തി. 1985 ൽ ടോക്യോവിൽ വച്ചു നടന്ന ഏഷ്യ – പസഫിക് അന്താരാഷ്ട്ര ചലച്ചിത്ര മേളയിലെ സ്പെഷ്യൽ ജൂറി അവാർഡും അദ്ദേഹത്തിന്റെ നേട്ടങ്ങളുടെ തിളക്കത്തിന്റെ മാറ്റു കൂട്ടുന്നു.1991 ൽ രാജ്യം അദ്ദേഹത്തിന് പത്മശ്രീ നൽകി ആദരിച്ചു.

മണ്മറഞ്ഞു പോയെങ്കിലും മലയാളിയുടെ മനസ്സിൽ മായാതിന്നും നിറഞ്ഞുനിൽക്കുന്നുണ്ട് വി. ഗോപിനാഥൻ നായർ എന്ന ഭരത് ഗോപി. മലയാള സിനിമയുടെ ബഹുമുഖ പ്രതിഭയ്ക്ക് പ്രണാമം 🙏

ദിവ്യ എസ് മേനോൻ✍

COMMENTS

LEAVE A REPLY

Please enter your comment!
Please enter your name here

- Advertisment -

Most Popular

പത്തനംതിട്ട ജില്ലയില്‍ ഇന്ന് 584 പേര്‍ക്ക് കോവിഡ്-19 സ്ഥിരീകരിച്ചു.

പത്തനംതിട്ട ജില്ലയില്‍ ഇന്ന് 584 പേര്‍ക്ക് കോവിഡ്-19 സ്ഥിരീകരിച്ചു. ഇന്ന് രോഗം സ്ഥിരീകരിച്ചവരില്‍ രണ്ടു പേര്‍ മറ്റ് സംസ്ഥാനങ്ങളില്‍ നിന്നും വന്നവരും, 582 പേര്‍ സമ്പര്‍ക്കത്തിലൂടെ രോഗം ബാധിച്ചവരുമാണ്. ഇതില്‍ സമ്പര്‍ക്ക പശ്ചാത്തലം വ്യക്തമല്ലാത്ത...

വ്യാജ സർവ്വകലാ ശാല : നടപടി ഉടനെന്ന് കേന്ദ്ര വിദ്യാഭ്യാസ മന്ത്രി .

രാജ്യത്ത് 24 വ്യാജസർവ്വകലാശാലകൾ; ഒന്നാമത് ഉത്തർപ്രദേശ്. കേരളത്തിൽ ഒന്ന്; നടപടിയെന്ന് കേന്ദ്രവിദ്യാഭ്യാസമന്ത്രി രാജ്യത്തെ വ്യാജസര്‍വ്വകലാശാലകളുടെ പട്ടിക പുറത്ത് വിട്ട് കേന്ദ്രം. യുജിസി ചട്ടങ്ങള്‍ കാറ്റില്‍ പറത്തി 24 വ്യാജ സര്‍വ്വകലാശാലകള്‍ പ്രവര്‍ത്തിക്കുന്നതായാണ് കണ്ടെത്തിയത്. 8...

സിബിഎസ്‌ഇ പത്താം ക്ലാസ് പരീക്ഷയില്‍ 99.04 ശതമാനം വിജയം

സിബിഎസ്‌ഇ പത്താം ക്ലാസ് പരീക്ഷയില്‍ 99.04 ശതമാനം വിജയം. പരീക്ഷയില്‍ തിരുവനന്തപുരം മേഖലയാണ് മുന്നില്‍. 99.99 ശതമാനമാണ് വിജയം. പെണ്‍കുട്ടികളാണ് മിന്നുന്ന വിജയം നേടിയത്. 99.24 ശതമാനമാണ് വിജയം. ആണ്‍കുട്ടികളുടേത് 98.89 ശതമാനമാണ്. കേന്ദ്രീയ...

ഒളിമ്പിക്സിലെ ബോക്സിംഗിലെ മെഡല്‍ പ്രതീക്ഷയായ ലോവ്ലിന ബോര്‍ഗോ ഹെയ്ന്‍ നാളെ ഇറങ്ങും.

ടോക്കിയോ  ഒളിമ്പിക്സിലെ ബോക്സിംഗ് റിങിൽ മെഡല്‍ പ്രതീക്ഷയോടെ ഇന്ത്യയുടെ ലോവ്ലിന ബോര്‍ഗോ ഹെയ്ന്‍ നാളെ ഇറങ്ങും. ബുധനാഴ്ച രാവിലെ 11 മണിക്കാണ് ലോവ്ലിനയുടെ സെമി പോരാട്ടം. ചൈനീസ് തായ്പേയി താരത്തെ തോല്‍പിച്ച്‌ സെമിയില്‍ കടന്ന ലോവ്ലിന...
WP2Social Auto Publish Powered By : XYZScripts.com