(റിപ്പോർട്ട്: പി.പി. ചെറിയാൻ)
ഡാളസ്സ്: നോര്‍ത്ത് ടെക്‌സസ്സിലെ ഡാളസ്സ് ഉള്‍പ്പെടെയുള്ള നാല് സുപ്രധാന കൗണ്ടികളില്‍ ഫെബ്രുവരി 26 വെള്ളിയാഴ്ച മാത്രം 45 പേര്‍ കോവിഡ് – 19 മൂലം മരിക്കുകയും. 2299 പേര്‍ക്ക് രോഗം സ്ഥിരീകരിക്കുകയും ചെയ്തതായി ലോക്കല്‍ ഹെല്‍ത്ത് ഡിപ്പാര്‍ട്ട്‌മെന്റും, സ്റ്റേറ്റ് ഹെല്‍ത്ത് ഡിപ്പാര്‍ട്ട്‌മെന്റും സംയുക്തമായി അറിയിച്ചു.
ഡാളസ്സ് കൗണ്ടിയില്‍ മരണം 19, രോഗം സ്ഥിരീകരിച്ചവര്‍ 726, ടെറന്റ് കൗണ്ടിയില്‍ മരണം 23 രോഗം സ്ഥിരീകരിച്ചവര്‍ 589, ഡന്റന്‍ കൗണ്ടിയില്‍ മരണം 0 രോഗം സ്ഥിരീകരിച്ചവര്‍ 526, കോളിന്‍ കൗണ്ടിയില്‍ മരണം 4 രോഗം സ്ഥിരീകരിച്ചവര്‍ 458.
കഴിഞ്ഞ ഏഴ് ദിവസത്തിനുള്ളില്‍ ഡാളസ്സ് കൗണ്ടിയില്‍ മാത്രം 3495 പേര്‍ക്ക് രോഗം സ്ഥിരീകരിച്ചു. 150 മരണവും റിപ്പോര്‍ട്ട് ചെയ്തിട്ടുണ്ട്. 2020 മാര്‍ച്ചിന് ശേഷം ആകെ കോവിഡ് സ്ഥിരീകരിച്ചവരുടെ എണ്ണം 279834 മരണം 2941 മാണ് 263542 പേര്‍ രോഗ വിമുക്തി നേടി. ഇപ്പോള്‍ കൗണ്ടിയില്‍ 13351 പേര്‍ രോഗികളായി കഴിയുന്നുണ്ടെന്നാണ് ആരോഗ്യവകുപ്പ് അധികൃതര്‍ അറിയിച്ചത്.
കഴിഞ്ഞ ഒരാഴ്ചയില്‍ ഡാളസ്സ് കൗണ്ടിയില്‍ പ്രതിദിനം 499 പേര്‍ക്ക് രോഗം സ്ഥിരീകരിച്ചപ്പോള്‍ ശരാശരി ഓരോ ദിവസവും 21 മരണം റിപ്പോര്‍ട്ട് ചെയ്യപ്പെട്ടിട്ടുണ്ട്. ഡാളസ്സ് കൗണ്ടി ഉള്‍പ്പെടെയുള്ള നോര്‍ത്ത് ടെക്‌സസ്സ് കൗണ്ടികളിലെ കോവിഡ് വാക്‌സിന്‍ നല്‍കുന്നത് പുരോഗമിക്കുകയാണ്.
