17.1 C
New York
Friday, October 7, 2022
Home US News ട്രംപിനെ കുറ്റവിമുക്തനാക്കിയ റിപ്പബ്ലിക്കന്‍ അംഗങ്ങള്‍ ഭീരുക്കളെന്നു നാന്‍സി പെലോസി

ട്രംപിനെ കുറ്റവിമുക്തനാക്കിയ റിപ്പബ്ലിക്കന്‍ അംഗങ്ങള്‍ ഭീരുക്കളെന്നു നാന്‍സി പെലോസി

റിപ്പോര്‍ട്ട്: പി.പി. ചെറിയാന്‍

വാഷിംഗ്ടണ്‍ ഡിസി: യുഎസ് സെനറ്റിന്റെ ഇംപീച്ച്‌മെന്റ് ഒഴിവാക്കി ട്രംപിനെ കുറ്റവിമുക്തനാക്കിയ റിപ്പബ്ലിക്കന്‍ പാര്‍ട്ടിയിലെ സെനറ്റര്‍മാരെ ഭീരുക്കളെന്ന് വിശേഷിപ്പിച്ച് ഹൗസ് സ്പീക്കര്‍ നാന്‍സി പെലോസി. ട്രംപ് അധികാരം ഒഴിയുന്നതിനു മുമ്പ് യുഎസ് സെനറ്റില്‍ ട്രംപിന്റെ ഇംപീച്ച്‌മെന്റ് നടപടികള്‍ മനപൂര്‍വം താമസിപ്പിച്ച മിച്ച് മെക്കോണലിനേയും പെലോസി നിശിചതമായി വിമര്‍ശിച്ചു.

യുഎസ് ഹൗസ് ട്രംപിനെതിരേയുള്ള ഇംപീച്ച്‌മെന്റ് പ്രമേയം ജനുവരി 13 നു തന്നെ 44 നെതിരേ 56 വോട്ടുകള്‍ക്ക് പാസാക്കിയിരുന്നു. ജനുവരി 20-നു മുമ്പ് പ്രമേയം സെനറ്റില്‍ വന്നിരുന്നുവെങ്കില്‍ മുന്‍ പ്രസിഡന്റ് എന്ന വാദഗതി ഒഴിവാക്കാമായിരുന്നുവെന്നും അവര്‍ കൂട്ടിച്ചേര്‍ത്തു. ഇന്നു നടന്ന വോട്ടെടുപ്പില്‍ റിപ്പബ്ലിക്കന്‍ പാര്‍ട്ടിയില്‍ നിന്നും ഏഴു പേരെ അടര്‍ത്തിയെടുക്കാന്‍ കഴിഞ്ഞതായും പെലോസി അവകാശപ്പെട്ടു.

യുഎസ് ഹൗസില്‍ ട്രംപിനെ ഇംപീച്ച് ചെയ്യുന്നത് ഭരണഘടനാവിരുദ്ധമാണെന്ന് വാദിച്ച മിച്ച് മെക്കോണല്‍ യുഎസ് സെനറ്റിലും ഇത് ആവര്‍ത്തിച്ചുവെങ്കിലും, ജനുവരി ആറിനു നടന്ന അക്രമ പ്രവര്‍ത്തനങ്ങളില്‍ ട്രംപിന്റെ ധാര്‍മിക ഉത്തരവാദിത്വത്തില്‍ നിന്നും ഒഴിയുവാന്‍ കഴിയുകയില്ലെന്നും, ക്രമിനല്‍ നടപടികളെ ട്രംപിന് അഭിമുഖീകരിക്കേണ്ടിവരുമെന്നും മിച്ച് മെക്കോണല്‍ അഭിപ്രായപ്പെട്ടു.

ട്രംപിനെ യുഎസ് സെനറ്റ് കുറ്റവിമുക്തനാക്കിയതോടെ അടുത്ത തെരഞ്ഞെടുപ്പില്‍ മത്സരിക്കുന്നതിനുള്ള യോഗ്യത നിലനിര്‍ത്തുവാന്‍ കഴിഞ്ഞുവെന്നതാണ് നേട്ടമായി കണക്കാക്കുന്നത്. സെനറ്റിന്റെ കുറ്റവിചാരണ പരാജയപ്പെട്ടുവെങ്കിലും നീതിപീഠങ്ങളുടെ മുന്നില്‍ ട്രംപിന്റെ ഭാവി എന്താകുമെന്നത് പ്രവചിക്കാനാവുന്നതല്ല.

Facebook Comments

COMMENTS

- Advertisment -

Most Popular

ശുഭചിന്ത- (27) – പ്രകാശഗോപുരങ്ങൾ – (ഭാഗം-3)

ഭൃഗുഡിയില്‍ മിന്നിത്തിളങ്ങുന്ന ചൈതന്യ നക്ഷത്രം ഞാന്‍ ആരാണ് ? ഓരോ മനുഷ്യനും ദിവസവും ഞാന്‍ ഞാന്‍ എന്ന് പറഞ്ഞുകൊണ്ടിരിക്കുന്നു. എന്നാല്‍ ഈ ഞാൻ ആരാണ് എന്ന് ചോദിച്ചാല്‍ ഞാന്‍ സുരേഷ് ആണ് അല്ലെങ്കില്‍ അശ്വതി ആണ്...

വടകര വിശേഷങ്ങൾ (പാർട്ട്‌ – 6) ക്ഷേത്രങ്ങളും സ്മാരകവും.

വടകരയിലെ പ്രസിദ്ധമായ ചില ക്ഷേത്രങ്ങളും സ്മാരകവും നോക്കാം. കല്ലേരി കുട്ടിച്ചാത്തൻ ക്ഷേത്രം ---------------------------------------------- താഴെ അങ്ങാടിയിൽ സ്ഥിതി ചെയ്യുന്ന കല്ലേരി കുട്ടിച്ചാത്തൻ പതിനഞ്ചാം നൂറ്റാണ്ടിൽ നിർമമ്മിക്കപ്പെട്ടു എന്ന് കരുതുന്നു.ആ കാലഘട്ടത്തിൽ നിലനിന്നിരുന്ന ജാതി -ജന്മി വ്യവസ്ഥകളെ എതിർക്കുകകയും...

പ്രതിഭകളെ അടുത്തറിയാം (42) ഇന്നത്തെ പ്രതിഭ: മായ ബാലകൃഷ്ണൻ.

എറണാകുളം ജില്ലയിൽ അങ്കമാലി നായത്തോട് സ്വദേശി. അദ്ധ്യാപക ദമ്പതികളായ കെ എസ് ബാലകൃഷ്ണൻ നായർ, പി കെ വിജയമ്മ എന്നിവരുടെ 4 മക്കളിൽ ഏറ്റവും ഇളയവളാണ്. അസ്വാതന്ത്ര്യത്തിനു മേലുള്ള സ്വാതന്ത്ര്യത്തിന്റെ പ്രഖ്യാപനമാണ് എഴുത്ത് എന്ന്...

മരണ ശകടത്തിലെ വിനോദ യാത്ര (ജിതാ ദേവൻ എഴുതുന്ന “കാലികം”)

മലയാളക്കരയെ ആകെ കണ്ണീരിൽ ആഴ്ത്തിയ അപകടമാണ് വടക്കാഞ്ചേരിയിൽ ഉണ്ടായത്. അഞ്ച് സ്കൂൾ വിദ്യാർഥികളും ഒരു അദ്ധ്യാപകനും മൂന്ന് ബസ് യാത്രക്കാരും അശ്രദ്ധകൊണ്ട് ഉണ്ടായ അപകടത്തിൽ മരണപ്പെട്ടു. ഒൻപത് കുടുംബങ്ങൾക്ക് തീർത്താൽ തീരാത്ത നഷ്ടവും...
Facebook Comments
WP2Social Auto Publish Powered By : XYZScripts.com
error: