റിപ്പോർട്ട്: പി.പി. ചെറിയാൻ
പെൻസിൽവാനിയ: നിരവധി ചെസ്സ് ചാമ്പ്യൻഷിപ്പുകളിൽ വിജയം കൈവരിച്ച ഇന്ത്യൻ അമേരിക്കൻ കാർത്തിക് മുരുകൻ ചെസ്സിനെക്കുറിച്ച് സമഗ്ര പഠനത്തിനുപയുക്തമായ സ്റ്റേറ്റ് ഓഫ് ആർട്ട് ചെസ്സ് ഗൈഡ് ബുക്ക് പ്രസിദ്ധീകരിച്ചു.
ആഗോള തലത്തില്‍ ചെസ്സിന്റെ പ്രാധാന്യം വർദ്ധിച്ചുവരുമ്പോൾ ചെസ്സിൽ അടങ്ങിയിരിക്കുന്ന തന്ത്രങ്ങൽ മറ്റുള്ളവർക്ക് കൂടി വിശദീകരിച്ച് നൽകുന്നതാണ് ബുക്കിന്റെ ഉള്ളടക്കം.
ചെസ്സ് ബോർഡിനു മുമ്പിൽ ഇരിക്കുമ്പോൾ എങ്ങനെ കരുക്കുകൾ തന്ത്രപരമായി നീക്കണമെന്നറിയാതെ പലരും ബുദ്ധിമുട്ടുന്നതുകാണാമെന്നും അവർക്ക് ഇത് വലിയ പ്രയോജനം ചെയ്യുമെന്ന് ഒമ്പതാം ഗ്രേഡിൽ പഠിക്കുന്ന കാർത്തിക് പറഞ്ഞു.
ചെസ്സിനെക്കുറിച്ച് നിരവധി പുസ്തകങ്ങൾ ലഭിക്കുമെങ്കിലും ചെസ്സിന്റെ പ്രാരംഭപഠനത്തിന് കാതലായ രഹസ്യങ്ങൾ മനസ്സിലാക്കിക്കൊടുക്കുന്ന പുസ്തകങ്ങൾ തീരെ കുറവാണ് എന്നതാണ് ഇത്തരത്തിലുള്ള ഒരു പുസ്തകരചന നടത്താൻ തന്നെ പ്രേരിപ്പിച്ചതെന്നും കാർത്തിക് കൂട്ടിച്ചേർത്തു. ആമസോണിൽ പ്രസിദ്ധീകരണത്തിന് നൽകിയിരിക്കുന്ന ഈ പുസ്തകത്തെക്കുറിച്ച് വളരെ നല്ല അഭിപ്രായമാണ് വായനക്കാർ രേഖപ്പെടുത്തിയിരിക്കുന്നത്.
2017 ലെ യു.എസ്.ഓപ്പൺ നാഷണൽ എലിമെന്ററി ചെസ്സ് ചാമ്പ്യന് ഷിപ്പ്, രണ്ടു തവണ പെൺസിൽവാനിയാ സ്റ്റേറ്റ് സ്;കൊലാസ്റ്റിക് ബഗ് ഹൗസ് ചാമ്പ്യൻ ഷിപ്പ് എന്നിവ ഉൾപ്പെടെ നിരവധി അവാർഡുകളും കാർത്തിക്കിന് ലഭിച്ചിട്ടുണ്ട്.
