17.1 C
New York
Tuesday, January 18, 2022
Home Cinema ഗാന വിശകലനം - ...

ഗാന വിശകലനം – ഉദയ് നാരായണൻ, അബുദാബി

✍ ഉദയ് നാരായണൻ, അബുദാബി

“മതിയാകും വരെ ഇവിടെ ജീവിച്ചു മരിച്ചവരുണ്ടോ….?”

സംഗീതം :
ജി ദേവരാജൻ

രചന :
വയലാർ രാമവർമ്മ

ഗായകൻ :
കെ ജെ യേശുദാസ്

ചിത്രം : 
കൊട്ടാരം വില്ക്കാനുണ്ട് (1975)

ഗാനം


ചന്ദ്രകളഭം ചാര്‍ത്തിയുറങ്ങും തീരം
ഇന്ദ്രധനുസ്സിന്‍ തൂവല്‍ പൊഴിയും തീരം
ഈ മനോഹരതീരത്തു തരുമോ
ഇനിയൊരു ജന്മം കൂടി
എനിക്കിനിയൊരുജന്മം കൂടി
             (ചന്ദ്രകളഭം ചാര്‍ത്തിയുറങ്ങും തീരം

ഈ നിത്യ ഹരിതയാം ഭൂമിയിലല്ലാതെ
മാനസ സരസ്സുകളുണ്ടോ?
സ്വപ്നങ്ങളുണ്ടോ പുഷ്പങ്ങളുണ്ടോ
സ്വർണ്ണ മരാളങ്ങളുണ്ടോ
വസുന്ധരേ…വസുന്ധരേ..
മതിയാകും വരെ ഇവിടെ ജീവിച്ചു മരിച്ചവരുണ്ടോ?
               (ചന്ദ്രകളഭം ചാര്‍ത്തിയുറങ്ങും തീരം

ഈവര്‍ണ്ണസുരഭിയാം ഭൂമിയിലല്ലാതെ
കാമുകഹൃദയങ്ങളുണ്ടോ?
സന്ധ്യകളുണ്ടോ ചന്ദ്രികയുണ്ടോ
ഗന്ധര്‍വഗീതമുണ്ടോ?
വസുന്ധരേ…വസുന്ധരേ…
കൊതിതീരും വരെ ഇവിടെ പ്രേമിച്ചു മരിച്ചവരുണ്ടോ?
                (ചന്ദ്രകളഭം ചാര്‍ത്തിയുറങ്ങും തീരം
               

വിശകലനക്കുറിപ്പ്

മലയാള മണ്ണിന് പാട്ട് വസന്തങ്ങൾ ഏറെ തീർത്ത സർഗ്ഗത്രയം ശ്രീ വയലാർ രാമവർമ്മ, ശ്രീ ദേവരാജൻ, ശ്രീ കെ ജെ യേശുദാസ് എന്നിവരുടെ കൂട്ടായ്മയിൽ ജനിച്ച ‘ചന്ദ്രകളഭം ചാർത്തിയുറങ്ങും തീരം…..’എന്ന ഗാനത്തിന് ഇന്നും അതിയുവത്വം.

വസ്തുക്കളേയും വസ്തുതകളേയും തനതായ രൂപഭാവം നിലനിർത്തി അതിലേക്കു കവിത്വം ആവാഹിച്ചുകൊണ്ട് കാല്പനികതയുടെ പാരതമ്യത്തിൽ 
ഉടലെടുക്കുന്ന വരികളാണ് ശ്രീ വയലാർ രാമവർമ്മയുടേത്.

“ചന്ദ്രകളഭംചാര്‍ത്തിയുറങ്ങുംതീരം
ഇന്ദ്രധനുസ്സിന്‍തൂവല്‍പൊഴിയുംതീരം
ഈമനോഹരതീരത്തുതരുമോ
ഇനിയൊരുജന്മംകൂടി
എനിക്കിനിയൊരുജന്മംകൂടി”
 

നിലാവും നീലനഭസ്സും മഴയും  മാരിവില്ലും മഞ്ഞും മലരും മലരിൻ മധുകണവും ഒക്കെയും ആസ്വദിക്കുവാനും അനുഭവിക്കുവാനും ഈ ഒരു ജൻമം മതിയാകില്ല. ഒരു  തവണ  കൂടി  ഈ  ധന്യധരണിയുടെ  അവകാശിയായിത്തന്നെ  പിറവിയെടുത്തിരുന്നെങ്കിൽ എന്ന്  അപേക്ഷയോടെ  ആഗ്രഹിക്കുകയാണ്  വരികളിലൂടെ കവിമനം.

“ഈനിത്യഹരിതയാംഭൂമിയിലല്ലാതെ
മാനസസരസ്സുകളുണ്ടോ?
സ്വപ്നങ്ങളുണ്ടോപുഷ്പങ്ങളുണ്ടോ
സ്വർണ്ണമരാളങ്ങളുണ്ടോ
വസുന്ധരേ…വസുന്ധരേ..
മതിയാകും വരെ ഇവിടെ ജീവിച്ചു മരിച്ചവരുണ്ടോ?”

പരലോക  ചിന്തകളിൽ പകൽരാവുകളിലൊരുപോലെ പരിതപിക്കും പാമരർ മുതൽ പണ്ഡിതർ വരെയുള്ള  മാനവ സമുച്ചയം കാണും   ബഹുസ്വപ്നങ്ങളും, സ്വപ്നത്തിന് വർണ്ണങ്ങളേകി പാരിൽ പുളകിതയാകും പുൽക്കൊടിയും പുഷ്പങ്ങളും പുഴയും പുഴയെത്തഴുകും രാപ്പകൽക്കാറ്റും  പുതു കനവുകൾ കണ്ടു പരിലസിക്കുന്ന അരുവികളിലെ അരയന്നങ്ങളും എല്ലാം മതിവരുവോളം കണ്ടും കരളിൽ നിറച്ചും കാണാലോകത്തേക്കു  മറഞ്ഞവരുണ്ടോ എന്ന് ഈ പുണ്യഭൂമിയോട് തന്നെ കവി ചോദ്യമുരുവിടുമ്പോൾ ചിന്തകളിൽ ഒരു അറിയാനോവ് അണപൊട്ടിയൊഴുകുന്നു.

“ഈ വർണ്ണസുരഭിയാം ഭൂമിയിലല്ലാതെ
കാമുകഹൃദയങ്ങളുണ്ടോ?
സന്ധ്യകളുണ്ടോ ചന്ദ്രികയുണ്ടോ
ഗന്ധർവ്വ ഗീതമുണ്ടോ?
വസുന്ധരേ…വസുന്ധരേ…
കൊതിതീരും വരെ ഇവിടെ പ്രേമിച്ചു മരിച്ചവരുണ്ടോ?”

നൻമയാകുന്ന നിറങ്ങൾകൊണ്ട് എന്നും നിത്യഹരിതയായിരിക്കുന്ന  പ്രണയ പൃഥ്വിയിൽ നിന്ന് മാത്രം അനുഭവ്യമാകുന്ന സന്ധ്യയും സന്ധ്യാംബരവും ചന്ദിരനും ചന്ദ്രികയും ഗന്ധർവ്വ കഥകളും ഗീതങ്ങളും  ഒക്കെയും അടുത്തറിഞ്ഞും അകമറിഞ്ഞും പ്രണയിച്ചും പരിഭവിച്ചും കൊതി തീർന്നു മരണം പുൽകിയവരുണ്ടോ എന്ന് പ്രിയകവി അടങ്ങാവ്യഥയോടെ ചോദിക്കുമ്പോൾ എത്ര കഠിന ഹൃദയരിലും  ഒരു വാഞ്ഛ ജനിക്കുന്നു, ചിന്തിക്കുന്നു ഈ വർണ്ണഭൂവിൽ ത്തന്നെ ഇനിയൊരു ജൻമലബ്ദിക്കായി….


   ✍ ഉദയ് നാരായണൻ, അബുദാബി

COMMENTS

1 COMMENT

LEAVE A REPLY

Please enter your comment!
Please enter your name here

- Advertisment -

Most Popular

രാജ്യത്ത് കൊവിഡ് പ്രതിദിന കേസുകൾ കുറഞ്ഞു, മരണസംഖ്യയിലും കുറവ്.

രാജ്യത്ത് പ്രതിദിന കൊവിഡ് കേസുകൾ കുറഞ്ഞു. 2,38,018 ആയാണ് പ്രതിദിന കേസുകൾ കുറഞ്ഞത്. 14.43 ശതമാനമാണ് ടെസ്റ്റ് പോസിറ്റിവിറ്റി നിരക്ക്. മരണസംഖ്യ 310 ആയും കുറഞ്ഞു.നിലവിൽ 17,36,628 സജീവ രോഗികളാണ് രാജ്യത്തുള്ളത്. അതേസമയം...

വിദ്യാഭ്യാസ മന്ത്രി വി ശിവന്‍കുട്ടിക്ക് കൊവിഡ് സ്ഥിരീകരിച്ചു.

വിദ്യാഭ്യാസമന്ത്രി വി ശിവന്‍കുട്ടിക്ക് കൊവിഡ് രോഗം സ്ഥിരീകരിച്ചു. രോഗബാധയെത്തുടര്‍ന്ന് മന്ത്രിയെ ആശുപത്രിയില്‍ പ്രവേശിപ്പിച്ചു. മന്ത്രിയുടെ ഓഫീസില്‍ കൊവിഡ് പടരുന്ന സാഹചര്യമുണ്ടായതിനെത്തുടര്‍ന്ന് അവിടെ നിയന്ത്രണങ്ങള്‍ ഏര്‍പ്പെടുത്തിയിരുന്നു. ഈ പശ്ചാത്തലത്തില്‍ മന്ത്രി ഉള്‍പ്പെടെ നടത്തിയ ആര്‍ടിപിസിആര്‍...

പോക്‌സോ കേസ് പ്രതി പൊലീസ് സ്റ്റേഷനില്‍ നിന്ന് ചാടിപ്പോയി.

പത്തനംതിട്ട പുളിക്കീഴ് പൊലീസ് സ്റ്റേഷനില്‍ നിന്ന് പോക്‌സോ കേസ് പ്രതി ചാടിപോയി. സജു കുര്യനാണ് പൊലീസിനെ കബളിപ്പിച്ച് രക്ഷപെട്ടത്. ഇന്നലെ രാവിലെ കസ്റ്റഡിയിലെടുത്ത പ്രതിയെ കോടതിയില്‍ ഹാജരാക്കാനിരിക്കെയാണ് ചാടിപ്പോയത്. പതിനഞ്ച് വയസുകാരിയെ പ്രണയം നടിച്ച്...

തൃശ്ശൂരില്‍ എം.ഡി.എം.എയുമായി ഡോക്ടര്‍ പിടിയില്‍.

നിരോധിത മയക്കുമരുന്നായ എം.ഡി.എം.എയുമായി തൃശ്ശൂരിൽ ഡോക്ടർ പോലീസ് പിടിയിൽ. തൃശ്ശൂർ മെഡിക്കൽ കോളേജ് ആശുപത്രിയിലെ ഹൗസ് സർജനും കോഴിക്കോട് സ്വദേശിയുമായ അക്വിൽ മുഹമ്മദ് ഹുസൈനാണ് പോലീസിന്റെ പിടിയിലായത്. ഷാഡോ പോലീസും മെഡിക്കൽ കോളേജ് പോലീസും...
WP2Social Auto Publish Powered By : XYZScripts.com
error: