കോട്ടയം: മണിമലയിൽ ആറ്റിൽ ചാടിയ സ്പെഷ്യൽ വില്ലേജ് ഓഫീസറെ കാണാതെയായി. കങ്ങഴ സ്വദേശിയായ പ്രകാശനെയാണ് മണിമലയാറ്റിൽ കാണാതായത്. സംഭവം തിങ്കളാഴ്ച രാവിലെ പത്തു മണിയോടെയാണ് നടന്നത്.
ഇയാളെ കണ്ടെത്താനായി അഗ്നിരക്ഷാസേനയും സ്കൂബ ടീം അംഗങ്ങളും തിരച്ചിൽ തുടരുകയാണ്. രാവിലെ പത്തു മണിയോടെ പ്രകാശൻ മണിമല വലിയ പാലത്തിൽ നിന്ന് ആറ്റിലേക്ക് ചാടിയത്. ആത്മഹത്യയ്ക്ക് ശ്രമിച്ചതെന്നാണ് നിഗമനം. ഇതിനു പിന്നിലെ കാരണം എന്താണ് വ്യക്തമല്ല.
