17.1 C
New York
Friday, January 21, 2022
Home US News കേരള സെന്റർ ആരോഗ്യ പ്രവർത്തകരെയും ഫസ്റ്റ് റെസ്പൊണ്ടേഴ്സിനെയും ആദരിച്ചു

കേരള സെന്റർ ആരോഗ്യ പ്രവർത്തകരെയും ഫസ്റ്റ് റെസ്പൊണ്ടേഴ്സിനെയും ആദരിച്ചു

റിപ്പോർട്ട്: ജോയിച്ചൻ പുതുക്കുളം

ന്യുയോർക്ക്: കേരള സെന്ററിന്റെ ആഭിമുഖ്യത്തിൽ ലോങ്ങ് ഐലന്റിലും പരിസരപ്രദേശത്തുമുള്ള നൂറോളം ആരോഗ്യ പ്രവർത്തകരെയും പോലീസ് ഉദ്യോഗസ്ഥരെയും അവരുടെ കോവിഡ് കാലത്തെ സ്തുത്യർഹമായ സേവനത്തെ വിലയിരുത്തി ആദരിചു. ഇതോടൊപ്പം ആരോഗ്യ രംഗത്തെ വിവിധ മേഖലകളിലെ വിദഗ്ദർ പങ്കെടുത്ത സെമിനാറം സംഘടിപ്പിച്ചു.

ഫെബ്രുവരി 21 ഞായർ 5 മണിക്ക് ആരംഭിച്ച Zoom മീറ്റിംഗിൽ കേരള സെന്റർ എക്സിക്യൂട്ടീവ് ഡയറക്ടർ തമ്പി തലപ്പിള്ളിൽ, എംസി ആയി ജോസ് സ്റ്റീഫനെ ക്ഷണിച്ചുകൊണ്ട് പരിപാടിക്ക് തുടക്കമായി. യൂത്ത് സെക്രട്ടറി ജെയ്‌മി എബ്രഹാം പ്രാർത്ഥനാ ഗാനം ആലപിച്ചു. പ്രസിഡന്റ് അലക്സ് കെ. എസ്തപ്പാൻ സ്വാഗതം ആശംസിച്ചു.

ന്യൂയോർക് സ്റേറ്റ് സെനറ്റർ കെവിൻ തോമസും ഇന്ത്യൻ കോൺസൽ എ.കെ. വിജയകൃഷ്ണനും മുഖ്യ അതിഥികളായി പ്രസംഗിച്ചു. സെനറ്റർ കെവിൻ തോമസ് കേരള സെന്ററിനെ അഭിന്ദിച്ചുകൊണ്ടുള്ള സ്റ്റേറ്റ് പ്രൊക്ലമേഷൻ കൈമാറി.

GOPIO ചെയർമാൻ ഡോ. തോമസ് എബ്രഹാം, ഫോമാ പ്രസിഡന്റ് അനിയൻ ജോർജ്, ലോക കേരള സഭ അംഗം ഇ. എം. സ്റ്റീഫൻ, ഫൊക്കാന പ്രസിഡന്റ് ജോർജി വർഗീസ്, ക്യാപ്റ്റൻ ഷിബു മധു (NYPD), അമേരിക്കൻ മലയാളി ലോ എൻഫോഴ്‌സ്‌മെന്റ് യുനൈറ്റഡ് (AMLEU) പ്രസിഡന്റ് തോമസ് ജോയി, ഡോ. ആഗ്നസ് തേറാടി (ഫ്രാൻസിസ്കൻ ഹെൽത്ത് SVP & CNO), ജോസ് കാടാപ്പുറം (കൈരളി ടീവി ഡയറക്ടർ), പ്രൊഫ. സുജ മോഹൻ (നഴ്സിംഗ് ഡയറക്ടർ HHC Queens), മേരി ഫിലിപ്പ് (ന്യൂ യോർക്ക് നേഴ്‌സസ് അസോസിയേഷൻ) എന്നിവർ വിശിഷ്ഠാതിഥികളായി പ്രസംഗിച്ചു. ആരോഗ്യ പ്രവർത്തകരെ വ്യക്തിപരമായി ആദരിച്ചുകൊണ്ടുള്ള ഈ മീറ്റിംഗ് ഒരു പ്രത്യേകതയായി പലരും അഭിപ്രായപ്പെട്ടു.

സെമിനാറിൽ കോവിഡ് 19 ആരോഗ്യത്തെ എങ്ങനെ ദോഷകരമായി ബാധിക്കുന്നു, ഹാർട്ട്, ലിവർ, കിഡ്നി മുതലായ ആന്തരാവയവങ്ങളെ എങ്ങനെ ബാധിക്കുന്നു തുടങ്ങിയ വിഷയങ്ങളിൽ ഡോ. റോബിൻ കോശി (infectious disease), ഡോ. രാജൻ കൃഷ്ണമണി (കാർഡിയോളജി), ഡോ. മധു ഭാസ്കരൻ (നെഫ്രോളജി), ഡോ. സഞ്ജയ സതാപതി (ഹെപ്പറ്റോളജി), ഡോ. രാജീവ് ജയദേവൻ (കേരള), ഡോ. പി.വി. ചെറിയാൻ (ബഹ്‌റൈൻ), ഡോ. ആഗ്നസ് തേറാടി ( ഹോസ്പിറ്റൽ അഡ്മിനിസ്ട്രേറ്റർ) എന്നിവർ സംസാരിച്ചു.

സദസ്യരിൽ നിന്നുള്ള ചോദ്യങ്ങൾക്ക് അവർ മറുപടിയും നൽകി. ഡോ. മധു ഭാസ്ക്കരൻ ആയിരുന്നു സെമിനാറിന്റെ മോഡറേറ്റർ.

കേരള സെന്റർ ഡയറക്ടേഴ്‌സ് എബ്രഹാം തോമസ്, രാജു തോമസ്, പി.ടി. പൗലോസ്, ജെയിംസ് തോട്ടം, മാത്യു വാഴപ്പള്ളി എന്നിവർ അണിയറയിൽ പ്രവർത്തിച്ചു. കേരള സെന്റർ സെക്രട്ടറി ജിമ്മി ജോൺ എല്ലാവർക്കും നന്ദി പറഞ്ഞു.

COMMENTS

LEAVE A REPLY

Please enter your comment!
Please enter your name here

- Advertisment -

Most Popular

പമ്പ അസോസിയേഷന് ഡോ. ഈപ്പൻ മാത്യു, ജോർജ് ഓലിക്കൽ, റെവ. ഫിലിപ്സ് മോടയിൽ എന്നിവരുടെ നേതൃത്വത്തിൽ പുതിയ ഭരണ സമിതി.

ഫിലാഡൽഫിയ: പെൻസിൽവാനിയയിലെ പ്രമുഖ മലയാളി സംഘടനയായ പമ്പ അസോസിയേഷൻ (പെൻസിൽവാനിയ അസോസിയേഷൻ ഓഫ് മലയാളി പ്രോസ്പിരിറ്റി ആൻഡ് അഡ്വാൻസ്‌മെ൯റ്റ്) പുതിയ വർഷത്തേക്കുള്ള ഭാരവാഹികളെ തിരഞ്ഞെടുത്തു. പമ്പ കമ്മ്യൂണിറ്റി ഹാളിൽ വച്ച് അലക്സ് തോമസിൻറ്റെ അധ്യക്ഷതയിൽ...

മനസ്സൊരു മാന്ത്രികച്ചെപ്പ് – (1) കുട്ടികളും മാനസികാരോഗ്യവും

കുട്ടികളും മാനസികാരോഗ്യവും "ബാല്യമൊരു തുറന്ന പുസ്തകമാണ്..അതിൽ നന്മയുള്ള അക്ഷരങ്ങൾ മാത്രം നിറയ്ക്കട്ടെ..തിന്മയുടെ താളുകൾ ദൂരെയെറിയട്ടെ..സമൂഹത്തിൽ നിറദീപങ്ങളാം മഹാകാവ്യങ്ങളായ് നിറയട്ടെ ഓരോ ബാല്യവും…" കുട്ടിക്കാലം കടന്നു പോകുന്നത് വളരെ ലോലമായ മാനസിക ഘട്ടങ്ങളിലൂടെയാണ്. ദുരനുഭവങ്ങൾ സൃഷ്ടിക്കുന്ന ആഘാതങ്ങളിലൂടെ...

🦜 വൃത്തകലിക 🦜- ഭാഗം – 1

പ്രിയരേ ….!ഏവർക്കും മലയാളിമനസ്സിന്റെ വൃത്തകലികയിലേക്ക് സ്വാഗതം. ഞാൻ വിനോദ് പെരുവ.എന്നെ അദ്ധ്യാപകനായിട്ടൊന്നും കണക്കാക്കണ്ടാ..!!ഞാനും വൃത്തങ്ങളക്കുറിച്ച് പഠിക്കുന്നു.എനിക്കറിയാവുന്നത് ഇവിടെ പങ്കുവെക്കുന്നു.എന്നേക്കാളറിവ് കൂടുതലുള്ളവർ ഇവിടെയുണ്ടാകുമെന്ന ബോധ്യവും എനിക്കുണ്ട്.വൃത്തങ്ങളെക്കുറിച്ചുള്ള നേഴ്സറിക്ലാസ്സാണെന്നു കരുതുക.സഹകരിക്കുമെന്ന് പ്രതീക്ഷിക്കുന്നു. 😊🙏🏻 വൃത്തം എന്താണെന്നു പഠിക്കാൻ ഗുരു...

ലോക മാജിക്കിൽ ഇടം പിടിച്ച നിലമ്പൂരിലെ ജനങ്ങളുടെ അഹങ്കാരം കേരളത്തിന്റെ അഭിമാനം ‘ഗോപിനാഥ് മുതുകാട്’

നിലമ്പൂർ കവള മുക്കട്ട എന്ന കുഗ്രാമത്തെ കുറിച്ച് കേട്ടിട്ടുണ്ടോ, കവള മുക്കട്ടയോ, അത് ഏതാ സ്ഥലം കേൾക്കുന്നവർ ചോദിച്ചിരിക്കാം. എന്നാൽ ലോകമറിയുന്ന മഹാമാന്ത്രികൻ 'ഗോപിനാഥ് മുതുകാട്' എന്ന പേരിൽ കവളമുക്കട്ട, എന്ന കുഗ്രാമത്തിൽ...
WP2Social Auto Publish Powered By : XYZScripts.com
error: