17.1 C
New York
Tuesday, May 24, 2022
Home US News കാള്‍സ്ബാഡ് മേയര്‍ പ്രിയ പട്ടേല്‍ സ്റ്റേറ്റ് സെനറ്റ് സീറ്റിലേക്ക് മത്സരിക്കുന്നു

കാള്‍സ്ബാഡ് മേയര്‍ പ്രിയ പട്ടേല്‍ സ്റ്റേറ്റ് സെനറ്റ് സീറ്റിലേക്ക് മത്സരിക്കുന്നു

പി.പി. ചെറിയാന്‍

കാലിഫോര്‍ണിയ: സതേണ്‍ കാലിഫോര്‍ണിയയില്‍ നിന്നുള്ള ഇന്ത്യന്‍ അമേരിക്കന്‍ വനിത ഡോ. പ്രിയ പട്ടേല്‍ കാലിഫോര്‍ണിയ മുപ്പത്താറാം സ്റ്റേറ്റ് സെനറ്റ് ഡിസ്ട്രിക്ടിലേക്ക് മത്സരിക്കുന്നു. നിലവിലുള്ള റിപ്പബ്ലിക്കന്‍ സെനറ്റര്‍ പട്രീഷ ബേറ്റ്‌സ് ഒഴിയുന്ന സ്ഥാനത്തേക്കാണ് പ്രിയ മത്സരിക്കുന്നത്. 2022-ലാണ് തെരഞ്ഞെടുപ്പ് നടക്കുക.

സാന്‍ഡിയാഗോ കൗണ്ടിയിലെ കാള്‍സ്ബാഡ് സിറ്റി കൗണ്‍സിലിലേക്ക് ആദ്യമായി തെരഞ്ഞെടുക്കപ്പെട്ട ഇന്ത്യന്‍ അമേരിക്കനും, ഏറ്റവും പ്രായംകുറഞ്ഞ കൗണ്‍സിലറുമാണ് പ്രിയ. മേയറായും ഇവര്‍ ചുമതലകള്‍ വഹിച്ചിച്ചുണ്ട്.

കാലിഫോര്‍ണിയയില്‍ കോവിഡ് മഹാമാരി പടര്‍ന്നുപിടിച്ചപ്പോള്‍ അതിനെ ശാസ്ത്രീയമായി നേരിട്ട് സോഷ്യല്‍ ഡിസ്റ്റന്‍സിംഗും, മാസ്കും ധരിക്കണമെന്ന് സിറ്റിയിലെ പൗരന്മാരെ ബോധവത്കരിക്കുന്നതില്‍ പ്രിയ വിജയിച്ചിരുന്നു. ഇതിനെ തുടര്‍ന്ന് സിറ്റിയിലെ കോവിഡ് രോഗികളുടേയും, മരണത്തിന്റേയും നിരക്കുകള്‍ വളരെ കുറയ്ക്കുവാന്‍ കഴിഞ്ഞതായി ഇവര്‍ അഭിപ്രായപ്പെട്ടു.

കാലിഫോര്‍ണിയ യൂണിവേഴ്‌സിറ്റി (സാന്‍ഡിയാഗോ)യില്‍ നിന്നും പബ്ലിക് ഹെല്‍ത്തില്‍നിന്ന് ബിരുദാനന്തര ബിരുദവും ലോമലിന്റാ യൂണിവേഴ്‌സിറ്റിയില്‍ നിന്നും പബ്ലിക് ഹെല്‍ത്തില്‍ ഡോക്ടറേറ്റും നേടിയിട്ടുണ്ട്. കോവിഡ് മഹാമാരി വ്യാപിച്ചപ്പോള്‍ കാലിഫോര്‍ണിയയിലെ കുടുംബങ്ങളിലുണ്ടായ പ്രശ്‌നങ്ങള്‍ പരിഹരിക്കാന്‍ ആവശ്യമായ നിര്‍ദേശങ്ങള്‍ ഇവര്‍ സമര്‍പ്പിക്കുകയും അധികാരികളെക്കൊണ്ട് ഇവ നടപ്പാക്കുകയും ചെയ്യുന്നതില്‍ വിജയിച്ചു. ഇവര്‍ തെരഞ്ഞെടുക്കപ്പെട്ടാല്‍ കാലിഫോര്‍ണിയയുടെ ചരിത്രത്തില്‍ ആദ്യമായി സ്റ്റേറ്റ് സെനറ്റില്‍ അംഗമാകുന്ന ആദ്യ ഇന്ത്യന്‍ അമേരിക്കന്‍ വനിതയാകും.

Facebook Comments

COMMENTS

- Advertisment -

Most Popular

കൊഴിഞ്ഞു വീഴുന്ന പെൺപൂവുകൾ..(ലേഖനം)

  വിസ്മയ കേസ് വീണ്ടും വാർത്തകളിൽ ഇടം പിടിക്കുമ്പോൾ കേരളമേ തിരിഞ്ഞൊന്നു നോക്കുക. എത്ര എത്ര പെൺകുട്ടികൾ സ്റ്റവ് പൊട്ടിത്തെറിച്ചും തൂങ്ങിമരിച്ചും ഒക്കെ ജീവിതം അവസാനിപ്പിച്ചിരിക്കുന്നു. വിടരും മുൻപേ കൊഴിഞ്ഞു പോയിരിക്കുന്നു എന്തുകൊണ്ടാണ് നമ്മുടെ...

മുടികൊഴിച്ചിലും താരനും

മുടികൊഴിച്ചിലും താരനും ഇന്ന് മിക്കവരേയും അലട്ടുന്ന രണ്ട് പ്രശ്നങ്ങളാണ്. ഭക്ഷണത്തിലൂടെ ഒരു പരിധി വരെ മുടികൊഴിച്ചില്‍ കുറയ്ക്കാന്‍ സാധിക്കും. പോഷകങ്ങള്‍ കൂടുതലുള്ള ഭക്ഷണങ്ങള്‍ കഴിച്ച് തന്നെ മുടികൊഴിച്ചില്‍ കുറയ്ക്കാം. ഇലക്കറികളാണ് ആദ്യത്തേത്. ആരോഗ്യ...

ഒരാള്‍ ഇരിക്കുന്ന സമയത്തിന്റെ ദൈര്‍ഘ്യം വെറും ഒരു മണിക്കൂര്‍ കുറച്ചാല്‍ ജീവിതശൈലീ രോഗങ്ങളില്‍ നിന്നും രക്ഷപ്പെടാം

ഒരു ദിവസം ഒരാള്‍ ഇരിക്കുന്ന സമയത്തിന്റെ ദൈര്‍ഘ്യം വെറും ഒരു മണിക്കൂര്‍ കുറച്ചാല്‍തന്നെ പല ജീവിതശൈലീ രോഗങ്ങളില്‍ നിന്നും രക്ഷപ്പെടാന്‍ സാധിക്കുമെന്ന് പുതിയ പഠനങ്ങള്‍ ചൂണ്ടിക്കാട്ടുന്നു. ഫിന്‍ലന്‍ഡിലെ ടുര്‍ക്കു പെറ്റ് സെന്ററും യുകെകെ...

പ്രധാന വാർത്തകൾ ഒറ്റനോട്ടത്തിൽ

◼️പെട്രോള്‍, ഡീസല്‍ വില കേന്ദ്രസര്‍ക്കാര്‍ കുറച്ചു. എക്സൈസ് തീരുവ കുറച്ചതോടെ കേരളത്തില്‍ പെട്രോളിന് 10.40 രൂപയും ഡീസലിന് 7.37 രൂപയും കുറയും. പാചക വാതക സിലിണ്ടറിന് 200 രൂപ നിരക്കില്‍ വര്‍ഷം പരമാവധി...
Facebook Comments
WP2Social Auto Publish Powered By : XYZScripts.com
error: