17.1 C
New York
Tuesday, June 15, 2021
Home US News ഓ സി ഐ : ഫോമാ കേന്ദ്ര ഗവൺമെന്റിൽ സമ്മർദ്ദം ചെലുത്തും

ഓ സി ഐ : ഫോമാ കേന്ദ്ര ഗവൺമെന്റിൽ സമ്മർദ്ദം ചെലുത്തും

( ഫോമാ ന്യൂസ് ടീം)

വിദേശ പൗരത്വം സ്വീകരിച്ച ഇന്ത്യൻ പൗരന്മാർക്കോ അവരുടെ സന്തതി പരമ്പരകൾക്കോ ഭാരത സർക്കാർ ഇരട്ട പൗരത്വം അനുവദിക്കുന്നതിന് പ്രാരംഭ നടപടികൾ എന്നപോലെ അനുവദിച്ച ഓ.സി.ഐ കാർഡ് വളരെ അനുഗ്രഹവും, ഗുണകരുവുമായിരുന്നു. എന്നാൽ ഓ.സി.ഐ കാർഡ് ആ ജീവനാന്ത വിസയായിരിക്കെ പുതിയ പാസ്പോർട്ട് പുതുക്കുന്ന മുറയ്ക്ക് ഓ സി ഐ യും പുതുക്കണമെന്ന നിർദ്ദേശം വളരെയേറെ ബുദ്ധിമുട്ട് സൃഷ്ടിക്കുന്നതിനിടയിലാണ്, സർക്കാർ ഓ.സി.ഐ.കാർഡുള്ളവരുടെ നിലവിലുണ്ടായിരുന്ന അവകാശങ്ങൾ കൂടി റദ്ദു ചെയ്തു ഉത്തരവിറക്കിയിട്ടുള്ളത്. ഇത് വിദേശ പൗരത്വം സ്വീകരിച്ചവർക്ക് കൂടുതൽ ബുദ്ധിമുട്ടിനു ഇടയാക്കിയിരിക്കുകയാണ്. ഗവേഷണത്തിനും മറ്റും മുൻ‌കൂർ അനുമതി വാങ്ങണമെന്നും ചില പ്രത്യേക സാഹചര്യങ്ങൾ ഇന്ത്യൻ വംശജനെന്ന ആനുകൂല്യം ലഭിക്കാതെ വരികയും, വിദേശ പൗരനായി കാണുകയും ചെയ്യുന്നത് വളരെ വേദനാജനകവും പ്രതിഷേധാർഹവുമാണ്. വിദേശ പൗരത്വം സ്വീകരിച്ചവരുൾപ്പടെ കോടിക്കണക്കിന് രൂപ വിദേശ നാണ്യമായി വർഷം തോറും ഇന്ത്യയുടെ പുരോഗതിക്കായി വിനിയോഗിക്കുന്നുണ്ട്. ഈ യാഥാർഥ്യങ്ങൾ പരിഗണിക്കാതെ ഇന്ത്യൻ വംശജരായവരെയും അവരുടെ തലമുറയെയും തരം താഴ്ത്തുന്നത് അവരോടുള്ള വിവേചനമാണ്.

മാത്രമല്ല ഇന്ത്യൻ വംശജരും ഓ.സി.ഐ കാർഡുള്ളവരും നിലവിൽ കൈവശം വെച്ചിരിക്കുന്ന വസ്തു ക്രയവിക്രയം ചെയ്യുന്നത് സംബന്ധിച്ചും റിസർവ്വ് ബാങ്കിന്റെ അനുമതി വാങ്ങണമോ വേണ്ടയോ എന്നതിനെ സംബന്ധിച്ചും, ചില സംശയങ്ങൾ നിലനിൽക്കുന്നു. ഇത് സംബന്ധിച്ചു സർക്കാരും ഉത്തരവാദപ്പെട്ടവരും വിശദീകരണം നൽകണമെന്നു ഫോമാ അഭ്യർത്‌ഥിക്കുന്നു.

ഓ.സി.ഐ കാർഡുള്ളവരുടെയും നിലവിലെ പ്രശ്നങ്ങൾ കോൺസുലാർ , വിദേശ കാര്യാ വകുപ്പ് മന്ത്രി, സംസ്ഥാന സർക്കാർ തുടങ്ങി ബന്ധപ്പെട്ട അധികാരികൾ മുന്പാകെ ബോധിപ്പിക്കാൻ ഫോമാ നടപടികൾ ആരംഭിച്ചു.

21 വയസ്സും , 50 വയസ്സും കഴിഞ്ഞവർക്ക് ഓ സി ഐ കാർഡ് ജൂലൈ 31 ന് മുൻപ് പുതുക്കേണ്ടതാണ് , കോവിഡിന്റെ പ്രയാസങ്ങൾ തുടരുന്നതിനാൽ ഇത് ഡിസംബർ 31 വരെ നീട്ടി തരണമെന്ന് ഫോമാ ഗവൺമെന്റിനോട് അഭ്യർത്ഥിച്ചിട്ടുണ്ട്.

ഓ.സി.ഐ കാർഡുള്ളവരും, വിദേശ പൗരത്വം സ്വീകരിച്ച ഇന്ത്യൻ വംശജരുടെയും പ്രശ്നങ്ങൾ കേൾക്കുന്നതിനും സംശങ്ങൾ ദുരീകരിക്കുന്നതിനും അറ്റ്ലാന്റാ ഇന്ത്യൻ കോണ്സുലറുമായി ബുധനാഴ്ച മാർച്ച് 10 നു വൈകുന്നേരം 4 ന് സംഘടിപ്പിച്ചിട്ടുള്ള മുഖാമുഖം പരിപാടിയിൽ എല്ലാവരും പങ്കു കൊള്ളണമെന്നും ചോദ്യാവലി മുൻകൂട്ടി അറിയിക്കണമെന്നും ഫോമാപ്രസിഡന്റ് അനിയൻ ജോർജ്ജ്, ജനറൽ സെക്രട്ടറി ടി.ഉണ്ണികൃഷ്‌ണൻ,ട്രഷറർ തോമസ് ടി ഉമ്മൻ, വൈസ് പ്രസിഡന്റ് പ്രദീപ് കുമാർ , ജോയിന്റ് സെക്രട്ടറി ജോസ് മണക്കാട്ട്, ജോയിൻറ് ട്രഷറർ ബിജു തോണിക്കടവിൽ എന്നിവർ അഭ്യർത്ഥിച്ചു.

COMMENTS

LEAVE A REPLY

Please enter your comment!
Please enter your name here

- Advertisment -

Most Popular

ട്രെയിന്‍ സര്‍വീസുകള്‍ ഘട്ടംഘട്ടമായി പുനരാരംഭിക്കും

ട്രെയിന്‍ സര്‍വീസുകള്‍ ഘട്ടംഘട്ടമായി പുനരാരംഭിക്കും, ജനശതാബ്ദി, ഇന്റര്‍സിറ്റി നാളെ മുതല്‍. കോവിഡ് വ്യാപനത്തെ തുടര്‍ന്ന് യാത്രക്കാര്‍ കുറഞ്ഞതോടെ നിര്‍ത്തിവെച്ച ട്രെയിന്‍ സര്‍വീസുകള്‍ ഘട്ടം ഘട്ടമായി പുനരാരംഭിക്കും. ഇന്റര്‍സിറ്റി, ജനശതാബ്ദി ട്രെയിനുകള്‍ ബുധനാഴ്ച മുതല്‍ ഓടിത്തുടങ്ങും. ചെന്നൈയില്‍നിന്ന്...

ഐഷ സുൽത്താനയ്ക്കെതിരായ രാജ്യദ്രോഹ കേസ്: ഹൈക്കോടതി പൊലീസിനോട് മറുപടി തേടി

ഐഷ സുൽത്താനയ്ക്കെതിരായ രാജ്യദ്രോഹ കേസ്: ഹൈക്കോടതി പൊലീസിനോട് മറുപടി തേടി ലക്ഷദ്വീപ് സാമൂഹിക പ്രവർത്തകയും ചലച്ചിത്രപ്രവർത്തകയുമായ ഐഷ സുൽത്താനയ്ക്കെതിരായ കേസിൽ രാജ്യദ്രോഹം കുറ്റം ചുമത്തിയതിന്റെ കാരണങ്ങൾ പൊലീസിനോട് ഹൈക്കോടതി ചോദിച്ചു. ഐഷ സമർപ്പിച്ച മുൻകൂർ ജാമ്യാപേക്ഷ...

കടല്‍ക്കൊല കേസിലെ ഇന്ത്യയിലെ എല്ലാ നടപടികളും സുപ്രീം കോടതി അവസാനിപ്പിച്ചു; നഷ്ടപരിഹാരം 10 കോടി രൂപ

ദില്ലി: നീണ്ട ഒമ്പത് വർഷത്തെ നിയമനടപടികൾക്കൊടുവിൽ കടൽക്കൊലക്കേസ് അവസാനിപ്പിക്കാൻ സുപ്രീം കോടതി തീരുമാനം. ഇറ്റാലിയൻ നാവികർക്കെതിരായ കേസ് നടപടികൾ അവസാനിപ്പിച്ച് സുപ്രീം കോടതി ഉത്തരവ് ഇറക്കി. 2012 ഫെബ്രുവരി 15ന് രണ്ട് മലയാളി മത്സ്യത്തൊഴിലാളികളെ...

പിന്നോട്ടെടുത്ത കാർ ഇടിച്ച് വീട്ടമ്മ മരിച്ചു.

പിന്നോട്ടെടുത്ത കാർ ഇടിച്ച് വീട്ടമ്മ മരിച്ചു. ചങ്ങനാശേരി പൂവം കൊച്ചുതറ വീട്ടിൽ ബിജു വിൻ്റെ ഭാര്യ ഷീല ( 45 ) യാണ് മരിച്ചത്. തിങ്കളാഴ്ച്ച വൈകുന്നേരം 4.30 ഓടെ പെരുന്ന ഒന്നാം...
WP2Social Auto Publish Powered By : XYZScripts.com
Share via
Copy link
Powered by Social Snap