കോട്ടയം: മലങ്കര ഓർത്തോഡോക്സ് സഭ വിവിധ ഭദ്രാസനങ്ങളിലേക്കായി 7 പുതിയ മെത്രാപ്പോലീത്താമാരെ തിരഞ്ഞെടുക്കുന്നതിന് പഴയ സെമിനാരിയിൽ കൂടിയ
മാനേജിംഗ് കമ്മററി യോഗം തീരുമാനിച്ചു.. പുതിയ മെത്രാപ്പോലീത്താമാരെ തിരഞ്ഞെടുക്കുന്നതിനായി മലങ്കര സുറിയാനി ക്രിസ്ത്യാനി അസോസിയേഷൻ യോഗം 2022 ഫെബ്രുവരി 24ന് വ്യാഴാഴ്ച കോലഞ്ചേരിയിൽ സമ്മേളിക്കും.
മെത്രാപ്പോലീത്താമാരുടെ തെരഞ്ഞെടുപ്പു സംബന്ധിച്ചുള്ള മാനദണ്ഡങ്ങൾ സുന്നഹദോസ് സെക്രട്ടറി അഭി ഡോ. യൂഹാനോൻ മാർ ദിയസ്‌ക്കോറോസ് മെത്രാപ്പോലീത്താ വായിച്ചു. അസോസിയേഷൻ സെക്രട്ടറി അഡ്വ. ബിജു ഉമ്മൻ അവതരിപ്പിച്ച 2020- 2021 ലെ കണക്ക് മാനേജിംഗ് കമ്മറ്റി പാസാക്കി. 2021-22 ലെഓഡിറ്ററായി ഉണ്ണൂണി പോൾ & Co., സജു & ജോസിനെയും, പരുമല സെമിനാരി ഓഡിറ്ററായി ഉണ്ണൂണി പോൾ & Co.യെയും തെരഞ്ഞെടുത്തു.
പരിശുദ്ധ ബസേലിയോസ് മാർത്തോമ്മാ മാത്യൂസ് തൃതീയൻ കാതോലിക്കാ ബാവാ അദ്ധ്യക്ഷത വഹിച്ചു. നവാഭിഷിക്തനായ പരിശുദ്ധ കാതോലിക്കാ ബാവായെ സഭാ മാനേജിംഗ് കമ്മറ്റി
അനുമോദിച്ചു.
ഫാ: ജോൺ ശങ്കരത്തിൽ, കോട്ടയം
