ന്യൂയോർക്ക്: ഒരു ദിവസത്തെ ഓഹരി വിപണിയിൽ നിന്ന് അത്ഭുത നിറ്റാ കൈവരിച്ചതിന്റെ റെക്കോർഡ് സ്വന്തമാക്കി ടെസ്ല സ്ഥാപകൻ ഇലോൺ മസ്ക്. ഒറ്റ ദിവസം കൊണ്ട് 25 മില്യൺ ഡോളറാണ് ഓഹരി വിണിയിലെ ഒരു ദിവസത്തെ മസ്കിന്‍റെ നേട്ടം. 1.81 ലക്ഷം കോടിയാണ് വരുമാനത്തിൽ മസ്ക് കൂട്ടിച്ചേർത്തത്. ഇതോടെ മസ്കിന്‍റെ ആകെ ആസ്തി 174 ബില്യൺ ഡോളറായി ഉയർന്നു. ബെസോസുമായുള്ള വരുമാന വ്യത്യാസം ഇലോൺ മസ്ക് കുറക്കുകയും ചെയ്തു.
ടെക് ഭീമൻമാരായ ആപ്പിൾ, ആമസോൺ, ഫേസ്ബുക്ക് എന്നിവരുടെ കരുത്തിൽ യു.എസ് ഓഹരി സൂചികയായ നാസ്ഡാക്ക് 3.7 ശതമാനം ഉയർന്നിരുന്നു. ആമസോൺ സ്ഥാപകൻ ജെഫ് ബെസോസിന്‍റെ വരുമാനവും കൂടിയിട്ടുണ്ട്. 6 ബില്യൺ ഡോളറിന്‍റെ പ്രതിദിന വർധനയോടെ വരുമാനം 180 ബില്യൺ ഡോളറായി. കഴിഞ്ഞ കുറേ ദിവസങ്ങളായി ടെസ്ല ഓഹരികൾ കടുത്ത വിൽപന സമ്മർദം നേരിടുകയായിരുന്നു. എന്നാൽ, ചൊവ്വാഴ്ച ഓഹരി വില 20 ശതമാനം ഉയർന്നതോടെ മസ്ക് വൻ നേട്ടമുണ്ടാക്കുകയായിരുന്നു.
