എന്താണ് സൈബർ സെക്യൂരിറ്റി ? Chapter 13.

സാധാരണക്കാരനും സൈബർ സെക്യൂരിറ്റിയും:-

Online Safety ക്ക് വേണ്ടി IDRBT നൽകിയ 20 നിർദേശങ്ങൾ ഇവയാണ്.

1. പരിചയമില്ലാത്തതും നിങ്ങൾ ആവശ്യപ്പെട്ടിട്ടില്ലാത്തതുമായ ലിങ്കുകൾ ക്ലിക്ക് ചെയ്യാതിരിക്കുക.
2. പല Site കൾക്കായി വിവിധ പാസ്സ്‌വേർഡുകൾ ഉപയോഗിക്കുക.
3. നിങ്ങളുടെ email password രണ്ടാമതൊരു സ്ഥലത്ത് ഒരിക്കലും ഉപയോഗിക്കാതിരിക്കുക.
4. ആൻറിവൈറസ് സോഫ്റ്റ്‌വെയറുകൾ ഉപയോഗപ്പെടുത്തുക.
5. സംശയകരമായിട്ടുള്ള Social Media ക്ഷണങ്ങൾ( Facebook – Linked -in etc) Block ചെയ്യുക.
6. നിങ്ങളുടെ വിവരങ്ങൾ മറ്റുള്ളവരുമായി പങ്കിടുന്നത് നന്നായി ആലോചിച്ചതിനു ശേഷം മാത്രമായിരിക്കണം.അഭിപ്രായങ്ങൾ (Comments, Tweets ) പ്രകടിപ്പിക്കുന്നതും അതുപോലെതന്നെ നന്നായി ആലോചിച്ചശേഷം ആയിരിക്കട്ടെ.
7. “Wipe your Phone “ എന്ന സൗകര്യമുള്ള ഫോണുകളിൽ അവ സെറ്റപ്പ് ചെയ്യുക.ഫോൺ നഷ്ടപ്പെട്ടാൽ Data സംരക്ഷിക്കാൻ ഇത് ഉപകാരപ്പെടും.
8. Secured ആയിട്ടുള്ള സൈറ്റുകളിൽ നിന്ന് മാത്രം ഓൺലൈൻ ഷോപ്പിംഗ് നടത്തുക. (https:എന്ന് ഇൻറർനെറ്റ് അഡ്രസ്സിൽ ഉറപ്പുവരുത്തുക)
9. Gross negligence അഥവാ തീരെ ശ്രദ്ധയില്ലാത്തതും Fraudulent അഥവാ തട്ടിപ്പ് ഉദ്ദേശിച്ച് നടത്തുന്നതുമായ ഒരു കാര്യത്തിലും ബാങ്കുകൾ പൈസ refund ചെയ്യില്ല. Fraud കേസുകളിൽ case to case basis ൽ ആണ് ബാങ്കുകൾ refund നെ പറ്റിയുള്ള തീരുമാനമെടുക്കുന്നത്.
10. Pop-Up മെസ്സേജുകളും സർവേയ്ക്കുള്ള ക്ഷണങ്ങളും അവഗണിക്കുന്നതാണ് നല്ലത്.
11. Public ആയി ലഭിക്കുന്ന വൈഫൈ കഴിയുന്നതും ഒഴിവാക്കുക. രഹസ്യസ്വഭാവം ഇല്ലാത്തതും പബ്ലിക് ആയി അറിയപ്പെടാൻ അർഹതപ്പെട്ട തുമായ കാര്യങ്ങൾ മാത്രമേ പബ്ലിക് wifi യിലൂടെ കൈമാറാൻ ശ്രമിക്കാവൂ.
12. ഒന്നിൽ കൂടുതൽ email Id കൾ സൂക്ഷിക്കുക. ഷോപ്പിങ്ങിനും സോഷ്യൽ മീഡിയയ്ക്കും സെക്യൂരിറ്റി ആവശ്യമുള്ള കാര്യങ്ങൾക്കും വിവിധ ഈമെയിൽ ഐഡികൾ ഉപയോഗിക്കുന്നതാണ് ഉചിതം.
13. Apple ന്റെയോ മൈക്രോസോഫ്റ്റിന്‍റെയോ, ഏത് കമ്പനിയുടെ പ്രോഡക്റ്റ് ആണെങ്കിലും Security Threat കൾ നിലവിലുണ്ടെന്ന് അറിയുക.
14. നിങ്ങളുടെ Debit Card/ Credt Card details ഒരിക്കലും സൈറ്റുകളിൽ Store ചെയ്യരുത്.
15. DNS അഥവാ Domain Name System subscribe ചെയ്യുക. Google Public DNS, Norton connected safe എന്നിങ്ങനെയുള്ള DNS ലഭ്യമാണ്. ഇവ ഒരുപരിധിവരെ തെറ്റായ വെബ്സൈറ്റുകളിലേക്ക് ഉള്ള പ്രവേശനം തടയുന്നു.
16. Two Factor Verification അഥവാ Password നു പുറമേ OTP, Biometric, Face Recognition എന്നിവ ഉപയോഗിക്കുവാൻ പരമാവധി ശ്രമിക്കുക.
17. നിങ്ങളുടെ ഫോണുകളും Tablet / ലാപ്ടോപ്പുകളും പാസ്സ്‌വേർഡ്, ഫിംഗർ പ്രിൻറ്, സ്കാനിങ് എന്നിവ ഉപയോഗിച്ച് ലോക്കുചെയ്യുക.
18. Online Shopping നു ഉപയോഗിക്കുന്ന Password കൾ ഇടക്കിടെ മാറ്റുക. നഷ്ടപ്പെടാവുന്ന തുകയുടെ പരിധി നിശ്ചയിച്ച് പ്രത്യേക ബാങ്ക് അക്കൗണ്ടുകളോ Debit / Credit കാർഡുകളിൽ തന്നിട്ടുള്ള Limit സംവിധാനമോ ഉപയോഗപ്പെടുത്തുക.
19. Facebook ൽ തന്നിരിക്കുന്ന Privacy Settings ഉപയോഗിച്ച് കഴിയുന്നതും കാര്യങ്ങൾ നിയന്ത്രണ വിധേയമാക്കുക.
20. എല്ലാ നിയന്ത്രണങ്ങളും നിങ്ങൾ എടുത്തിരിക്കും എങ്കിലും നിങ്ങളുടെ സുരക്ഷാ കവചങ്ങൾ കടത്തിവെട്ടാൻ മറ്റുള്ളവർ എപ്പോഴും ശ്രമിച്ചുകൊണ്ടിരിക്കും എന്ന തിരിച്ചറിവ് സൈബർ സെക്യൂരിറ്റിയുടെ കാര്യത്തിൽ അത്യാവശ്യം തന്നെ.

(തുടരും)

ടി. ജെ. റാഫേൽ ✍️