17.1 C
New York
Wednesday, September 22, 2021
Home US News എം.പി. വീരേന്ദ്രകുമാർ കഥാവശേഷനായിട്ടു ഒരാണ്ട് …… (അനുസ്മരണം)

എം.പി. വീരേന്ദ്രകുമാർ കഥാവശേഷനായിട്ടു ഒരാണ്ട് …… (അനുസ്മരണം)

അഫ്സൽബഷീർ തൃക്കോമല✍

സോഷ്യലിസ്റ്റ് പാർട്ടി നേതാവും മദ്രാസ് നിയമസഭാംഗവുമായിരുന്ന എം.കെ. പത്മപ്രഭാ ഗൗഡറുടേയും മരുദേവി അവ്വയുടേയും മകനായി 1936 ജൂലൈ 22 ന്‌ കല്പറ്റയിൽ ആണ് ജനിച്ചത് .മദിരാശി വിവേകാനന്ദ കോളേജിൽ നിന്ന് തത്ത്വശാസ്ത്രത്തിൽ ബിരുദാനന്തര ബിരുദവും അമേരിക്കയിലെ സിൻസിനാറ്റി സർവകലാശാലയിൽ നിന്ന് എം.ബി.എ. ബിരുദവും കരസ്ഥമാക്കി. 1987 കേരള നിയമസഭാംഗവും വനംവകുപ്പ് മന്ത്രിയുമായി. 48 മണിക്കൂറിനുള്ളിൽ മന്ത്രിസ്ഥാനം രാജിവെച്ചു.കേരളത്തിൽ ഏറ്റവും കുറച്ചു കാലം മന്ത്രിയായിരുന്നത്ത് അദ്ദേഹമായിരുന്നു. രാഷ്ട്രീയക്കാരൻ ,പത്രാധിപർ .എഴുത്തുകാരൻ ,പരിസ്ഥിതി പ്രവർത്തകൻ മാത്രമോ ഇന്ത്യയിലെ മികച്ച പത്തു പ്രഭാഷകരിൽ ഒരാൾ . നിയമസഭാന്ഗം, ലോകസഭാന്ഗം ,രാജ്യ സഭാന്ഗം ,കേരളത്തിലും കേന്ദ്രത്തിലും മന്ത്രി ,ഇടതു പക്ഷ ജനാധിപത്യ മുന്നണിയുടെ ആദ്യത്തെ കൺവീനർ അങ്ങനെ അദ്ദേഹം എത്തി ചേരാത്ത പ്രവർത്തന മേഖലകൾ വിരളമായിരുന്നു. കേന്ദ്രമന്ത്രിസഭയിൽ ധനകാര്യ സഹമന്ത്രിയും പിന്നീട് തൊഴിൽ വകുപ്പിന്റെ സ്വതന്ത്രചുമതലയുള്ള സഹമന്ത്രിയുമായി സേവനമനുഷ്ഠിച്ചിട്ടുണ്ട്. അടിയന്തരാവസ്ഥ കാലയളവിൽ ജയിൽവാസമനുഭവിച്ചു. സ്കൂൾ വിദ്യാർത്ഥി ആയിരുന്ന കാലത്ത് സോഷ്യലിസ്റ്റ് പാർട്ടി നോതാവായിരുന്ന ജയപ്രകാശ് നാരായൺ ആണ് പാർട്ടിയിൽ അംഗത്വം നൽകിയത് .ജനതാദൾ (എസ്), സോഷ്യലിസ്റ്റ് ജനത (ഡെമോക്രാറ്റിക് ) ജനതാ ദൾ (യുണൈറ്റഡ്) തുടങ്ങിയ പാർട്ടികളുടെ മുൻ സംസ്ഥാന കമ്മിറ്റി പ്രസിഡന്റ് കൂടിയാ യിരുന്നു .ലോക് താന്ത്രിക് ജനതാദൾ പാർട്ടിയുടെ സ്ഥാപക നേതാവാണ് .രാഷ്ട്രീയക്കാരാണെന്നതിലുപരി ലോകമറിയുന്ന സാഹിത്യകാരാനായിരുന്നു അദ്ദേഹം .അമസോണും കുറേ വ്യാകുലതകളും (കേരള സാഹിത്യ അക്കാദമിപുരസ്കാരം), ചങ്ങമ്പുഴ:വിധിയുടെ വേട്ടമൃഗം,ആത്മാവിലേക്ക് ഒരു തീർത്ഥയാത്ര( ഓടക്കുഴൽ പുരസ്കാരം),ലോകവ്യാപാരസംഘടനയും ഊരാക്കുടുക്കുകളും,തിരിഞ്ഞുനോക്കുമ്പോൾ,പ്രതിഭയുടെ വേരുകൾ തേടി,അധിനിവേശത്തിന്റെ അടിയൊഴുക്കുകൾ, ഗാട്ടും കാണാച്ചരടുകളും,രോഷത്തിന്റെ വിത്തുകൾ ,രാമന്റെ ദുഃഖം,സമന്വയത്തിന്റെ വസന്തം,ബുദ്ധന്റെ ചിരി ,ഹൈമവതഭൂവിൽ (കേന്ദ്ര സാഹിത്യ അക്കാദമി പുരസ്കാരം) സ്മൃതിചിത്രങ്ങൾ,തുടങ്ങി സ്വാമി വിവേകാനന്ദനെ കുറിച്ചുള്ള പുസ്തകം
എഴുതി തുടങ്ങിയിരുന്നു .സമഗ്ര സംഭാവനക്കു വയലാർ അവാർഡും അദ്ദേഹത്തിന് ലഭിച്ചിട്ടുണ്ട് .സാഹിത്യ രംഗത്തു ആധ്യാത്മിക ഗ്രന്ഥങ്ങള്‍, യാത്രാവിവരണങ്ങൾ, ആഗോള വിഷയങ്ങൾ ,രാഷ്ട്രീയ വിശകലനങ്ങൾ, വിവിധ വിഷയങ്ങളെ കുറിച്ചുള്ള പഠനങ്ങൾ അങ്ങനെ സാഹിത്യ രംഗത്ത് അതികായകനായിരുന്നു . മികച്ച പരിസ്ഥിതി പ്രവർത്തകൻ കൂടിയായിരുന്ന അദ്ദേഹം വന സംരക്ഷണത്തിന്റെ ആവശ്യകതയെ കുറിച്ചും ,മരങ്ങൾ നാളേക്ക് വേണ്ടിയുള്ള മുതല്കൂട്ടാണെന്നും നിരന്തരം സംസാരിച്ചു കൊണ്ടിരുന്നു .കൂടാതെ മാതൃഭൂമി ദിനപത്രത്തിന്റെ ചെയർമാനും മാനേജിങ് എഡിറ്ററും ആയിരുന്നു .ഒരു പുരുഷായുസ്സിൽ ഇത്രയധികം മേഖലകളിൽ കൈ വെച്ചിട്ടുള്ള പ്രതിഭകൾ അപൂർവമായേ ഉണ്ടായിട്ടുള്ളൂ .”ലോകത്തിലെ ഏറ്റവും വലിയ മഴക്കാടുകളാണ് ആമസോൺ. ലോകത്തിന്റെ ശ്വാസകോശമായ ആമസോൺ എത്ര കാലം ഇന്നത്തെ നിലയിൽ ഉണ്ടാകുമെന്നത് സംശയാസ്പദമാണ്.”എന്ന  അദ്ദേഹത്തിന്റെ വര്ഷങ്ങള്ക്കുമുന്പുള്ള നിരീക്ഷണം
ഏറെ ദീർഘ വീക്ഷണത്തോടെയുള്ളതായിരുന്നു. 2020 മെയ് 28 നു അദ്ദേഹം നമ്മെ വിട്ടു പിരിഞ്ഞു .

അഫ്സൽബഷീർ
തൃക്കോമല

COMMENTS

LEAVE A REPLY

Please enter your comment!
Please enter your name here

- Advertisment -

Most Popular

മിണ്ടാപ്രാണികളുടെ രാജാവ് (കവിത)

നനഞ്ഞു കിടക്കുന്ന ചെരിപ്പിടാൻഎനിക്കിഷ്ടമല്ല. എന്റെ തോർത്തുമുണ്ടിൽ വേറൊരു കൈ തുടക്കുന്നതും എനിക്കിഷ്ടമല്ല. ഞാൻ പോണപോലല്ല നീ പോകുന്നതെന്നതിലെ സമവാക്യംചേർക്കാനാകാതെപോയത് എനിക്കുമാത്രമായതെന്തുകൊണ്ട്? സ്വാതന്ത്ര്യം സാമ്പത്തികശാസ്ത്രത്തിനനുസരിച്ച്ആയിമാറുന്നതെന്തേ. അടുക്കളയെപ്പോഴും ഒതുക്കത്തിലും നിറം മങ്ങിയും വേണത്രേ അതിനുകാരണം എവിടേന്ന് കിട്ടും. ജൈവനായി വളർത്തിയ വഴുതനച്ചോട്ടിൽ രാസമാറ്റത്തിൻ...

ആലുവയിലെ ഡ്രൈ ഫ്രൂട്ട്സ് ആൻറ് സ്പൈസസ് സ്ഥാപനത്തിൽ; 70 ലക്ഷം രൂപയുടെ സാധങ്ങൾ മോഷ്ടിച്ചു വിറ്റ കേസിൽ ഒരാൾകൂടി അറസ്റ്റിൽ.

ആലുവയിലെ ഡ്രൈ ഫ്രൂ ആട്ട്സ് ആൻറ് സ്പൈസസ് സ്ഥാപനത്തിൽ നിന്ന് പലപ്പോഴായി ഏകദേശം 70 ലക്ഷം രൂപയുടെ സാധങ്ങൾ മോഷ്ടിച്ചു വിറ്റ കേസിൽ ഒരാൾകൂടി അറസ്റ്റിൽ. കളമശ്ശേരി എച്ച് എംടി കോളനിയിലെ ഇബ്രാഹിംകുട്ടിയെയാണ്...

നാർക്കോട്ടിക്ക് ജിഹാദ് വിഷയത്തിൽ പാലാ ബിഷപ്പിന് പിന്തുണ; സിറോ മലബാർ സഭ

പാലാ ബിഷപ്പിനെ ഒറ്റപ്പെടുത്തി ആക്രമിക്കാൻ ബോധപൂർവ്വമായ ശ്രമങ്ങൾ നടക്കുന്നു. ഇത്തരം ശ്രമങ്ങളിൽ നിന്നു ബന്ധപ്പെട്ടവ൪ പിന്മാറണ൦. ബിഷപ്പ് പറഞ്ഞതിന്റെ ഉദ്ദേശശുദ്ധി വ്യക്തമായിട്ടു൦ നടപടി സ്വീകരിക്കണമെന്ന മുറവിളി ആസൂത്രിതം. കുറ്റപ്പെടുത്താനുള്ള നീക്കങ്ങൾ തുടർന്നാൽ ബിഷപ്പിനൊപ്പം ഒറ്റക്കെട്ടായി...

പന്തളം കുരമ്പാലയിൽ സ്‌കൂട്ടര്‍ മിനിലോറിയ്ക്കു പിന്നിലിടിച്ചു യുവതി മരിച്ചു

പൂഴിക്കാട് വടക്കേ കൊല്ലംപറമ്പില്‍ ബിനു ബാലകൃഷ്ണന്റെ ഭാര്യ ദിവ്യ (ദുഷാന്തി-26) ആണു മരിച്ചത്. ഭര്‍തൃമാതാവ് രാധാകുമാരി (58 യെ സാരമായ പരുക്കുകളോടെ കോട്ടയം മെഡിക്കല്‍ കോളേജില്‍ പ്രവേശിപ്പിച്ചു. ഇന്ന് വൈകിട്ട് അഞ്ചേകാലോടെ എംസി റോഡില്‍...
WP2Social Auto Publish Powered By : XYZScripts.com
error: