17.1 C
New York
Friday, January 21, 2022
Home Special ഈസ്റ്റർ പിറക്കാൻ ദുഃഖവെള്ളി വേണം

ഈസ്റ്റർ പിറക്കാൻ ദുഃഖവെള്ളി വേണം

മാത്യു ശങ്കരത്തിൽ

ഈ മന്ദിരം പൊളിപ്പീൻ. മൂന്നു ദിവസം കൊണ്ട് ഞാൻ അതിനെ പണിയും എന്നരുൾ ചെയ്തവൻ്റെ മന്ദിരമാകുന്ന തിരുശരീരം ദുഃഖവെള്ളിയാഴ്ച കുരിശിൽ തറയ്ക്കപ്പെട്ടു. കുരിശിലെ പ്രാണവേദനകൾക്കിടയിൽ അരുമ നാഥൻ ഉരുവിടുന്നത് സ്നേഹ മന്ത്രങ്ങൾ. സമസ്ത വേദനകളെയും തിരുമധുരമാക്കാനുള്ള ദിവ്യ വചസ്സുകൾ.

“പിതാവേ, ഇവർ ചെയ്യുന്നത് ഇന്നതെന്ന് അറിയാത്തതുകൊണ്ട് ഇവരോട് ക്ഷമിക്കേണമേ”.

ദുഃഖ വെള്ളി ഇല്ലാതെ ഈസ്റ്റർ പിറക്കില്ല. വേദനയുടെ നാളുകളെ അനുഗ്രഹ സുരഭിലമായ ദിനങ്ങളാക്കിമാറ്റുവാൻ മാർഗം ഒന്നേയുള്ളൂ. കുരിശിൻ്റെ തണലിൽ അഭയപ്പെടുക. ദിവ്യത്വം വിടർന്ന പുഷ്പിക്കാതെ സൗഖ്യം നേടാനാവില്ലല്ലോ?

തിരുവചനം പഠിപ്പിക്കുന്നു, ജീവിതം ഒരു മൺകുടമെന്ന്. മൺകുടം മെനയപ്പെടുമ്പോൾ ഉടയാനിടയുണ്ട്. എന്നാൽ വീണ്ടും മെനയപ്പെടും- “ഇസ്രയേൽ ഭവനമേ, കുശവൻ്റ കയ്യിലെ കളിമണ്ണ് പോലെയാണ് എൻ്റെ കയ്യിൽ നിങ്ങൾ “എന്ന് ബൈബിളിൽ ജറെമിയ പ്രവാചകൻ. ‘ഈ പാനപാത്രം എന്നിൽ നിന്നു നീക്കേണമേ’ എന്ന നിലവിളിയിൽ നിന്ന് , വേണ്ട, അങ്ങയുടെ തിരുഹിതം മാത്രം എന്നിൽ നിറവേറട്ടെ’ എന്ന ആത്മസമർപ്പണമാണ് ദുഃഖവെള്ളി നമ്മോടാവശ്യപ്പെടുന്നത്.

“പിതാവേ , ഞാൻ എൻ്റെ ആത്മാവിനെ തൃക്കൈയിൽ ഭാരമേൽപിക്കന്നു” എന്ന കുരിശിലെ മൊഴി ഉരു വിടുമ്പോൾ പ്രത്യാശയുടെ പൂമഴക്കാലം ആരംഭിക്കുകയായി! ആടുകൾക്കു വേണ്ടി ജീവൻ അർപ്പിച്ചതിലൂടെയാണ് യേശു നല്ല ഇടയനായിമാറിയത്. കടന്നുവരുന്ന വേദനകളെ തടയേണ്ടത് വാളെടുത്തല്ല, സ്വയാർപ്പണത്തിലൂടെയാണെന്ന് അവിടുന്നു വെളിപ്പെടുത്തുന്നു. എൻ്റെ പിതാവ് എനിക്കുതന്ന പാനപാത്രം ഞാൻ കൂടിക്കേണ്ടയോ” എന്നായിരുന്നു സർവ്വേശ്വരൻ്റെ അപ്പോഴത്തെ ചോദ്യം.

നീറും നൊമ്പരങ്ങളിലൂടെ നിരങ്ങി നീങ്ങേണ്ട സന്ദർഭങ്ങളുണ്ടാകുമ്പോൾ ഓർക്കുക, ലോകപ്രശസ്ത കലാകാരനായ മൈക്കിൾ ആഞ്ചലോയുടെ പിയാത്ത ശിൽപം. രക്തത്തിൽ കുതിർന്ന പൊന്നോമന മകൻ്റെ ചലനമറ്റ ശരീരം പെറ്റമ്മയുടെ പിളർക്കപ്പെട്ട നെഞ്ചകത്തട്ടിൽ കിടക്കുന്ന. ദുഃഖത്തിന്നാഴിയിൽ കടഞ്ഞെടുത്ത കലാരൂപം. ആ കലാശിൽപ്പത്തിനുള്ളിൽ വിരിയിച്ചൊരുക്കിയിട്ടിരിക്കുന്ന വേദനവർണനാതീതം

വേദനകളേറ്റെടുത്ത് ജീവനർപ്പിച്ച അരുമ നാഥനെ അതേ പടി പിന്തുടരുവാൻ ക്രിസ്തു ശിഷ്യന്മാരും മടി കാട്ടിയില്ല. വേദനകൾ അവരുടെ സന്തതസഹചാരിയായിരുന്നു. അതെല്ലാം നന്മകൾ പൂത്തുലയാനായിരുന്നു!

COMMENTS

2 COMMENTS

  1. ഒരു ദുഖവെള്ളിയുടെ കൈപുനീർ പാനം ചെയ്തു നാം ഒരു ഉയിർത്തെഴുന്നേൽപ്പിൻ മധുരം നുകർന്നിടം.

  2. ഓരോ തെറ്റുകളും ഓരോ ക്രൂശ് തന്നെ ആണ്. ക്രിസ്തു സ്നേഹത്തിന്റെ പര്യായമാണ്, പൂർണ്ണതയും!

    പ്രത്യാശയുടെ പൂമഴക്കാലം വരട്ടെ എന്ന പ്രാർത്ഥനയോടെ

    സ്നേഹപൂർവ്വം
    ദേവു

LEAVE A REPLY

Please enter your comment!
Please enter your name here

- Advertisment -

Most Popular

പമ്പ അസോസിയേഷന് ഡോ. ഈപ്പൻ മാത്യു, ജോർജ് ഓലിക്കൽ, റെവ. ഫിലിപ്സ് മോടയിൽ എന്നിവരുടെ നേതൃത്വത്തിൽ പുതിയ ഭരണ സമിതി.

ഫിലാഡൽഫിയ: പെൻസിൽവാനിയയിലെ പ്രമുഖ മലയാളി സംഘടനയായ പമ്പ അസോസിയേഷൻ (പെൻസിൽവാനിയ അസോസിയേഷൻ ഓഫ് മലയാളി പ്രോസ്പിരിറ്റി ആൻഡ് അഡ്വാൻസ്‌മെ൯റ്റ്) പുതിയ വർഷത്തേക്കുള്ള ഭാരവാഹികളെ തിരഞ്ഞെടുത്തു. പമ്പ കമ്മ്യൂണിറ്റി ഹാളിൽ വച്ച് അലക്സ് തോമസിൻറ്റെ അധ്യക്ഷതയിൽ...

മനസ്സൊരു മാന്ത്രികച്ചെപ്പ് – (1) കുട്ടികളും മാനസികാരോഗ്യവും

കുട്ടികളും മാനസികാരോഗ്യവും "ബാല്യമൊരു തുറന്ന പുസ്തകമാണ്..അതിൽ നന്മയുള്ള അക്ഷരങ്ങൾ മാത്രം നിറയ്ക്കട്ടെ..തിന്മയുടെ താളുകൾ ദൂരെയെറിയട്ടെ..സമൂഹത്തിൽ നിറദീപങ്ങളാം മഹാകാവ്യങ്ങളായ് നിറയട്ടെ ഓരോ ബാല്യവും…" കുട്ടിക്കാലം കടന്നു പോകുന്നത് വളരെ ലോലമായ മാനസിക ഘട്ടങ്ങളിലൂടെയാണ്. ദുരനുഭവങ്ങൾ സൃഷ്ടിക്കുന്ന ആഘാതങ്ങളിലൂടെ...

🦜 വൃത്തകലിക 🦜- ഭാഗം – 1

പ്രിയരേ ….!ഏവർക്കും മലയാളിമനസ്സിന്റെ വൃത്തകലികയിലേക്ക് സ്വാഗതം. ഞാൻ വിനോദ് പെരുവ.എന്നെ അദ്ധ്യാപകനായിട്ടൊന്നും കണക്കാക്കണ്ടാ..!!ഞാനും വൃത്തങ്ങളക്കുറിച്ച് പഠിക്കുന്നു.എനിക്കറിയാവുന്നത് ഇവിടെ പങ്കുവെക്കുന്നു.എന്നേക്കാളറിവ് കൂടുതലുള്ളവർ ഇവിടെയുണ്ടാകുമെന്ന ബോധ്യവും എനിക്കുണ്ട്.വൃത്തങ്ങളെക്കുറിച്ചുള്ള നേഴ്സറിക്ലാസ്സാണെന്നു കരുതുക.സഹകരിക്കുമെന്ന് പ്രതീക്ഷിക്കുന്നു. 😊🙏🏻 വൃത്തം എന്താണെന്നു പഠിക്കാൻ ഗുരു...

ലോക മാജിക്കിൽ ഇടം പിടിച്ച നിലമ്പൂരിലെ ജനങ്ങളുടെ അഹങ്കാരം കേരളത്തിന്റെ അഭിമാനം ‘ഗോപിനാഥ് മുതുകാട്’

നിലമ്പൂർ കവള മുക്കട്ട എന്ന കുഗ്രാമത്തെ കുറിച്ച് കേട്ടിട്ടുണ്ടോ, കവള മുക്കട്ടയോ, അത് ഏതാ സ്ഥലം കേൾക്കുന്നവർ ചോദിച്ചിരിക്കാം. എന്നാൽ ലോകമറിയുന്ന മഹാമാന്ത്രികൻ 'ഗോപിനാഥ് മുതുകാട്' എന്ന പേരിൽ കവളമുക്കട്ട, എന്ന കുഗ്രാമത്തിൽ...
WP2Social Auto Publish Powered By : XYZScripts.com
error: