ഇരുപത്തിഒന്ന് വർഷത്തിനു ശേഷം വിശ്വസൗന്ദര്യറാണി കിരീടം ചൂടി ഇന്ത്യൻ സുന്ദരി

യിസ്രായേൽ: രണ്ടു പതിറ്റാണ്ടിനുശേഷം വിശ്വസൗന്ദര്യറാണി കിരീടം ചൂടി ഇന്ത്യൻ സുന്ദരി ഹർനാസ് സന്ധു.

യിസ്രായേലിൽ ഇന്നലെ (ഡിസംബർ 12ന്) നടന്ന ഏഴുപതാമത് മിസ് യൂണിവേഴ്സ് മത്സരത്തിൽ 80 മത്സരാർത്ഥികളിൽ നിന്നാണ് ഇരുപത്തി ഒന്നുകാരിയായ ഹർനാസ് സന്ധു ഒന്നാം സ്ഥാനത്തെത്തിയത്. 2020 ലെ മിസ് യൂണിവേഴ്സ് ആൻഡ്രിയ മെസ(മെക്സിക്കൊ)യാണ് സന്ധുവിനെ കിരീടം അണിയിപ്പിച്ചത്.

അവസാന നിമിഷം വരെ ഉദ്വേഗം നിലനിർത്തിയ മൂന്നുപേരിൽ ഇന്ത്യൻ സുന്ദരിയെ വിജയിയായി പ്രഖ്യാപിച്ചപ്പോൾ സന്തോഷാധിക്യത്താൽ കണ്ണിൽനിന്നും ധാരയായി കണ്ണീർ കണങ്ങൾ പൊഴിച്ചു. നിലത്ത് കുനിഞ്ഞിരുന്നായിരുന്നു പ്രഖ്യാപനത്തെ ഹർനാസ് എതിരേറ്റത്. ഒന്നാം സ്ഥാനം പരാഗ്വേക്കും, മൂന്നാം സ്ഥാനം ദക്ഷിണാഫ്രിക്കക്കും ലഭിച്ചു.

2000 ത്തിൽ പഞ്ചാബിലെ സിക്ക് കുടുംബത്തിലായിരുന്നു ഇവരുടെ ജനനം. പബ്ലിക്ക് അഡ്മിനിസ്ട്രേഷനിൽ മാസ്റ്റർ ബിരുദ വിദ്യാർത്ഥിയായ ഇവർ കഴിഞ്ഞ ഒക്ടോബറിൽ ഇന്ത്യൻ സുന്ദരിപട്ടം കരസ്ഥമാക്കിയിരുന്നു. നിരവധി പഞ്ചാബി സിനിമകളിലും ഇവർ അഭിനയിച്ചിട്ടുണ്ട്.

റിപ്പോർട്ട്: പി. പി. ചെറിയാൻ