17.1 C
New York
Friday, June 24, 2022
Home US News അനിയന്ത്രിത അഭയാര്‍ത്ഥി പ്രവാഹം പ്രശ്‌നപരിഹാരത്തിന് ബൈഡന്‍ കമലാഹാരിസിനെ ചുമതലപ്പെടുത്തി

അനിയന്ത്രിത അഭയാര്‍ത്ഥി പ്രവാഹം പ്രശ്‌നപരിഹാരത്തിന് ബൈഡന്‍ കമലാഹാരിസിനെ ചുമതലപ്പെടുത്തി

റിപ്പോർട്ട്: പി.പി. ചെറിയാൻ

വാഷിംഗ്ടണ്‍ ഡിസി: അമേരിക്കന്‍ അതിര്‍ത്തി പ്രദേശങ്ങളില്‍ അനിയന്ത്രിതമായി വര്‍ദ്ധിച്ചുവരുന്ന അഭയാര്‍ത്ഥി പ്രവാഹത്തിന് അടിയന്തിര നിര്‍ദ്ദേശങ്ങള്‍ സമര്‍പ്പിക്കുന്നതു പ്രസിഡന്റ് ബൈഡന്‍ വൈസ് പ്രസിഡന്റ് കമലാ ഹാരിസിനെ ചുമതലപ്പെടുത്തി.

സെന്‍ട്രല്‍ അമേരിക്കന്‍ രാജ്യങ്ങളായ എല്‍സല്‍വദോര്‍, ഹോണ്ടുറസ്, ഗ്വാട്ടമാല, മെക്‌സിക്കൊ തുടങ്ങിയ രാജ്യങ്ങളിലെ നേതാക്കളുമായി ചര്‍ച്ച നടത്തി നയതന്ത്രതലത്തില്‍ പ്രശ്‌നങ്ങള്‍ പരിഹരിക്കുന്നതിന് ഏറ്റവും അനുയോജ്യ വ്യക്തി കമലാഹാരിസാണെന്ന് മാര്‍ച്ച് 24ന് ബൈഡന്‍ പറഞ്ഞു. സതേണ്‍ ബോര്‍ഡറിലൂടെ നുഴഞ്ഞുകയറുന്ന മാതാപിതാക്കളുടെ സാന്നിധ്യമില്ലാത്ത കുട്ടികളാണ് അമേരിക്കന്‍ ഭരണകൂടത്തിന് വലിയ തലവേദനയായി മാറിയിരിക്കുന്നത്.

ട്രമ്പ് പ്രസിഡന്റായിരുന്നപ്പോള്‍ കൊണ്ടുവന്ന ഇമ്മിഗ്രേഷന്‍ നിയമങ്ങള്‍ ഇത്തരം നുഴഞ്ഞുകയറ്റം ഫലപ്രദമായി തടയുന്നതില്‍ വിജയിച്ചിരുന്നു. എന്നാല്‍ ബൈഡന്‍ ഭരണകൂടം അധികാരമേറ്റതോടെ ഈ നിയമങ്ങളെയും പിന്‍വലിച്ചതു അനധികൃത കുടിയേറ്റക്കാര്‍ക്ക് എളുപ്പത്തിൽ അമേരിക്കയിലേക്ക് പ്രവേശിക്കുന്നതിന് അവസരം ഒരുക്കി.

ബൈഡന്റെ ഈ തീരുമാനത്തിനെതിരെ രാജവ്യാപകമായി പ്രതിഷേധം ഉയര്‍ന്നിട്ടുണ്ട്. ഇനിയും ഇത് നിയന്ത്രിച്ചില്ലെങ്കില്‍ രാജ്യത്തിന്റെ സുരക്ഷിതത്വം തന്നെ അപകടത്തിലാകുമെന്നാണ് ഇവര്‍ ചൂണ്ടികാണിക്കുന്നത്.

കമലാഹാരിസിന്റെ അറ്റോര്‍ണി ജനറല്‍ എന്ന വ്യക്തി പ്രഭാവവും, ഭരണതലത്തിലുള്ള അനുഭവസമ്പത്തും അതിര്‍ത്തിയിലെ പ്രശ്‌നങ്ങള്‍ പരിഹരിക്കാന്‍ കഴിയുമെന്നാണ് ബൈഡന്‍ കണക്കുകൂട്ടുന്നത്. ഇത് കടുത്തൊരു വെല്ലുവിളിയാണെന്നും, എന്നാല്‍ പ്രസിഡന്റ് ഏല്‍പിച്ച ഉത്തരവാദിത്വം പൂര്‍ണ്ണമായും നിറവേറ്റാന്‍ ശ്രമിക്കുമെന്നും കമലഹാരിസ് പ്രതികരിച്ചു.

Facebook Comments

COMMENTS

- Advertisment -

Most Popular

അതിനുശേഷം അവൾ ഉറങ്ങിയിട്ടേയില്ല (കഥ) ✍നിർമല അമ്പാട്ട്

ഓർക്കാപ്പുറത്താണ്അവൾ അയാളെ വീണ്ടും കാണുന്നത്. ഡോക്റ്റർ എങ്ങോട്ടെങ്കിലും ട്രാൻസ്ഫർ വാങ്ങിപോയിക്കാണുമെന്നാണ്അവൾ കരുതിയത് . അയാളെ കണ്ടതുമുതൽ മനസ്സ് അസ്വസ്ഥമായി. മറക്കാൻ ശ്രമിച്ച ഓർമ്മകൾ ഓടിയെത്തുന്നു. .. ആശുപത്രിയിൽ മറ്റുസ്റ്റാഫുകളോടൊപ്പം കഴിഞ്ഞ നാളുകളിൽ ഒളി ച്ചുവെച്ച ഈ...

ആരോഗ്യ ജീവിതം (18) – കുമിഴ്

 കുമിഴ് (white Teak ) ഒരു ഇടത്തരം വൃക്ഷമാണ് കുമിഴ് . വിഷരഹിത ശക്തിയും വേദന ശമിപ്പിക്കാനുള്ള കഴിവും കുമിഴിനുള്ള തുകൊണ്ട് ദശമൂല ഔഷധങ്ങളിലെ ഒരു പ്രധാനഘടകമായി കുമിഴിനെ പൂർവികർ ഉൾപ്പെടുത്തിയിരിക്കുന്നു. ഭാരക്കുറവുള്ളതും എന്നാൽ...

ശ്രീ രാമന്റെ വനസഞ്ചാരം .✍ ശ്യാമള ഹരിദാസ്

രാമായണത്തില്‍ ശ്രീ രാമന്റെ മഹാപ്രസ്ഥാനം വിശദീകരിക്കുന്നുണ്ട്. രാമന്റെ വനസഞ്ചാരത്തിന് രണ്ടു ഘട്ടങ്ങള്‍ പറയാം. ഒന്നാമത്തെ ഘട്ടം 15 വയസ്സ് മാത്രമുള്ള രാമനെയും അനുജന്‍ ലക്ഷ്മണനെയും വിശ്വാമിത്ര മുനി വന്നു കൂട്ടി കൊണ്ടു പോകുന്ന...

പ്രകാശൻ പറക്കട്ടെ (സിനിമ റിവ്യൂ) തയ്യാറാക്കിയത്: ഷാമോൻ

വിജയ പ്രകാശമായി പ്രകാശൻ പറന്നുയരുന്നു* യാഥാസ്ഥിതിക പൊതുബോധ മലയാള സിനിമ പ്രേക്ഷകന് രസിക്കുന്ന രീതിയിലാണ് എല്ലായ്പ്പോഴും നിർമ്മിക്കപ്പെടുന്നത്. ആസ്വദിക്കാൻ വേണ്ടി മാത്രം തീയറ്ററിൽ കുടുംബ സമേതം സിനിമ കാണുന്നവന് അത് ആശ്വാസവുമാണ്. ആ പ്രേക്ഷകർ...
Facebook Comments
WP2Social Auto Publish Powered By : XYZScripts.com
error: