വാഷിംഗ്ടണ്‍ ഡി.സി: അമേരിക്കന്‍ അതിര്‍ത്തി പ്രദേശങ്ങളില്‍ അനധികൃത കുടിയേറ്റക്കാരുടെയും, മാതാപിതാക്കള്‍ ഇല്ലാത്ത കുട്ടികളുടെയും സുനാമിയാണ് രൂപപ്പെട്ടിരിക്കുന്നതെന്നു പ്രസിഡന്റ് ട്രമ്പ്. ബൈഡന്‍ ഭരണകൂടം കുടിയേറ്റക്കാരെ നിയന്ത്രിക്കുന്നതില്‍ തികച്ചും പരാജയപ്പെട്ടിരിക്കുന്നുവെന്നും മാര്‍ച്ച 5 വെള്ളിയാഴ്ച ട്രമ്പ് പുറത്തുവിട്ട പ്രസ്താവനയില്‍ പറയുന്നു.
നമ്മുടെ അതിര്‍ത്തി പ്രദേശങ്ങളില്‍ ഇപ്പോള്‍ യാതൊരു നിയന്ത്രണവും ഇല്ലാത്ത സ്ഥിതിയിലെത്തിയിരിക്കുന്നു. നമ്മുടെ ബോര്‍ഡര്‍ പെട്രോള്‍, ഐ.സി.ഇ. ഏജന്റുമാര്‍ തികച്ചും അവഗണിക്കപ്പെടുകയോ, അനഭിമതരാകുകയോ ചെയ്തിരിക്കുന്നു. നമ്മുടെ രാജ്യത്തില്‍ പ്രവേശിക്കുവാന്‍ അര്‍ഹതയില്ലാതതവരുടെ എണ്ണം മണിക്കൂറുകളല്ല, മിനിട്ടുകള്‍ക്കുള്ളില്‍ വര്‍ദ്ധിച്ചു വഷളായി കൊണ്ടിരിക്കുന്നു. അതിര്‍ത്തി പ്രദേശങ്ങളിലെ സമീപസിറ്റികളില്‍ ബൈഡന്‍ ഭരണകൂടം സ്വതന്ത്രരാക്കി വിട്ടയക്കുന്ന കുടിയേറ്റക്കാരില്‍ കൊറോണ വൈറസ് പോസിറ്റീവാണെന്ന് കണ്ടെത്തിയിട്ടും അവരെ തടയുന്നതിനോ നിയന്ത്രിക്കുന്നതിനോ കഴിയാതെ ലോക്കല്‍ ഭരണകൂടം വിഷമസന്ധി നേരിടുന്നു. ഈയിടെ ടെക്‌സസ്- ടെക്‌സിക്കൊ അതിര്‍ത്തി സിറ്റിയില്‍ വിട്ടയച്ച കുടിയേറ്റക്കാരില്‍ കോവിഡ് സ്ഥീകരിച്ചവരുടെ അവസ്ഥ ട്രമ്പ് ചൂണ്ടികാട്ടി.
കഴിഞ്ഞ വര്‍ഷങ്ങളില്‍ ഏറ്റവും സുരക്ഷിതമായിരുന്ന നമ്മുടെ അതിര്‍ത്തി ബൈഡന്റെ ഭരണ തുടക്കത്തില്‍ തന്നെ കൂടുതല്‍ അപകടകരമായ സ്ഥിതിയിലെത്തിയിരിക്കുന്നു. ബൈഡന്‍ ഭരണത്തില്‍ കയറിയത് ഭരണഘടനയ്ക്ക് വിധേയമായി പ്രവര്‍ത്തിക്കുന്നതിനും, നിയമങ്ങള്‍ സംരക്ഷിക്കുന്നതിനുവേണ്ടിയാണ്. എന്നാല്‍ ഇപ്പോള്‍ അതെല്ലാം ലംഘിക്കപ്പെട്ടിരിക്കുന്നു ട്രമ്പ് പറഞ്ഞു.
ട്രമ്പിന്റെ ഉപദേശമോ, കൗണ്‍സിലിംഗോ ഈ വിഷയത്തില്‍ വേണ്ടാ എന്നാണ് ബൈഡന്റെ പ്രസ് സെക്രട്ടറി ജന്‍ സാക്കി പ്രതികരിച്ചത്. മാനുഷിക പരിഗണ നല്‍കി എല്ലാവരേയും സംരക്ഷിക്കണമെന്നും ഇവര്‍ വ്യക്തമാക്കി.
