17.1 C
New York
Wednesday, October 5, 2022
Home Travel യൂറോപ്പിലൂടെ ഒരു യാത്ര – (യാത്രാ വിവരണം: ഭാഗം#8)

യൂറോപ്പിലൂടെ ഒരു യാത്ര – (യാത്രാ വിവരണം: ഭാഗം#8)

തയ്യാറാക്കിയത്: പത്മിനി ശശിധരൻ

2018 ജൂലൈ 14ശനി . (തുടരുന്നു )
ചരിത്രമുറങ്ങുന്ന സ്റ്റോൺഹെൻജ്

വാഹനം ഓടിക്കൊണ്ടിരുന്നു.വളരെ സുന്ദരമായ പ്രകൃതിദൃശ്യങ്ങൾ വാഹനത്തിലിരുന്ന് തന്നെ വീഡിയോയിൽ പകർത്തി. വഴിയിൽ കാണുന്ന പ്രധാന കാര്യങ്ങളെക്കുറിച്ചും കാണാൻ പോകുന്ന സ്ഥലത്തെക്കുറിച്ചും ഗൈഡ് വിവരണം തന്നു കൊണ്ടിരിക്കുന്നു.

ഇനിയും ഇവിടെ അടുത്തലക്ഷ്യം ചരിത്ര പ്രസിദ്ധമായ സ്റ്റോൺഹെൻജ് എന്ന സ്ഥലമാണ്. ലോകാത്ഭുതങ്ങളിൽ ഒന്നായി ഈ സ്ഥലവും കണക്കാക്കപ്പെടുന്നു, ഇംഗ്ലണ്ടിലെ വിൽ ഷൈയർ എന്ന പ്രദേശത്താണ് വളരെ ചരിത്ര പ്രാധാന്യമുള്ള സ്റ്റോൺഹെൻജ്. ഒന്നാംലോകമഹായുദ്ധ കാലത്ത് ഈ സ്ഥലം ഒരു എയർ ഫീൽഡ് ആയിരുന്നുവത്രേ.1986 ൽ ഈ പ്രദേശത്തെ യുനെസ്കോ ലോക പൈതൃക പട്ടികയിൽ ഏർപ്പെടുത്തിയിട്ടുണ്ട്. ഓരോ വർഷവും ഒരു മില്യണിലധികം ആളുകൾ ഇവിടം സന്ദർശി ക്കുന്നുണ്ടെന്നാണ് കണക്ക്.ഒന്നരയോടു കൂടി ഞങ്ങളുടെ ലക്ഷ്യസ്ഥാനത്തെത്തി.

വെയിലിന് നല്ല ചൂടുണ്ടായിരുന്നു നോക്കെത്താദൂരത്തോളം പുല്ലുകൾ വളർന്നു കിടന്നിരുന്ന ഒരു സ്ഥലത്ത് വണ്ടികൾക്കുള്ള പാർക്കിങ് ഏരിയ കണ്ടു. തൊട്ട് പുറത്തായി വേലിക്കപ്പുറം ഒരു ചെറിയ ഷെഡ് പോലുള്ള ഒരു കെട്ടിടം കണ്ടു.. ഞങ്ങൾക്കു മുൻപേ എത്തിയ സന്ദർശകരുടെ വണ്ടികൾ അവിടെ പാർക്ക് ചെയ്തിരുന്നു. ഞങ്ങളുടെ വണ്ടിയും അവിടെ പാർക്ക് ചെയ്തു. നീണ്ട വരിയിൽ ഞങ്ങളും ചേർന്നു . ഞങ്ങൾക്ക് കാണേണ്ട സ്ഥലത്തെത്താൻ ഇനിയും പോകണം. അത് ടിക്കറ്റ് എടുത്ത ശേഷം അവരുടെ വണ്ടിയിൽ കൊണ്ടുപോകും. നല്ല നീളമുള്ള പുല്ലുകൾ വളർന്നുനിൽക്കുന്നതിനിടയിൽ കുറേ ദൂരെയായി ചില സ്തൂപങ്ങൾ കണ്ടു. അവിടെയാണ് ഞങ്ങൾക്ക് എത്തേണ്ടത്.

ഗൈഡ് ടിക്കറ്റ് എടുത്തു വരുന്നതും കാത്തു കത്തിക്കാളുന്ന വെയിലിൽ ഞങ്ങൾ നിന്നു. പുൽക്കൂട്ടങ്ങളിൽ നിന്നും വരുന്ന ചെറുപ്രാണികൾ കടിക്കുന്നത് കൊണ്ട് പലർക്കും ചൊറിച്ചിൽ അനുഭവപ്പെട്ടു തുടങ്ങി.

വിളഞ്ഞുനിൽക്കുന്ന പുല്ലുകൾ ബാർലിയോ ഓട്സോ ആണെന്ന് തോന്നുന്നു എന്ന് ചിലർ പറഞ്ഞു. അതിനിടയിൽ തിളക്കമുള്ള ഓറഞ്ച് നിറത്തിലുള്ള പൂക്കളുള്ള ചെടികൾ കണ്ടു. അത് പോപ്പി ചെടി ആണെന്ന് ചിലർ പറഞ്ഞു.

1927 ൽ നാഷണൽ ട്രസ്റ്റ് ഇവിടം ഭൂമി തരംതിരിച്ച് ഈ പുൽമേട് നിലനിർത്താൻ ശ്രമിച്ചു തുടങ്ങി. അവരുടെ ഓഫീസും മ്യൂസിയവുമാണ് ആ കണ്ട ചെറിയ കെട്ടിടം.


ഗൈഡ് ടിക്കറ്റുമായി എത്തി.ഒരാൾക്ക് മാത്രം കടന്നുപോകാവുന്ന മരക്കഷണം കൊണ്ടുണ്ടാക്കിയ പടിവാതിൽ കടന്ന് ഓരോരുത്തരായി ബസ്സിലേക്ക് നടന്നു. ബസ്സ് നീങ്ങുമ്പോൾ നടന്നുപോകുന്ന ചിലരെ കണ്ടു. ഞങ്ങളുടെ കൂട്ടത്തിലുള്ള നടക്കുവാൻ ആഗ്രഹിച്ച ചിലരും നടന്നിരുന്നു. വാഹനം ഇറങ്ങിയിട്ടും കുറച്ചു ദൂരം നടക്കാൻ ഉണ്ടായിരുന്നു. വൃത്താകാരത്തിൽ കുറെ നീളൻ കല്ലുകൾ കൊണ്ട് ഒരു വളയം തീർത്തിരിക്കുന്നു ഓരോ കല്ലിനും 13 അടി നീളവും ഏഴടി വീതിയും ഏകദേശം 25 ടണ്ണോളം ഭാരവും ഉണ്ട് എന്നായി അവിടെ എഴുതി കണ്ടു.

ഇത് ബി സി 3000നും 2000നും ഇടയിൽ നിർമ്മിച്ചു എന്നാണ് വിശ്വസിക്കപ്പെടുന്നത്. നീയോലിത്തിക് മനുഷ്യർ ഇതെങ്ങനെ നിർമ്മിച്ചു എന്നതിനെക്കുറിച്ചുള്ള പര്യവേക്ഷണങ്ങൾ ഇപ്പോഴും നടക്കുന്നുണ്ട്. ആദിമ മനുഷ്യർ ജീവിച്ചിരുന്ന വാസസ്ഥലം എന്ന രീതിയിലുള്ള കുടിലുകൾ, സന്ദർശകരെ ആകർഷിക്കുന്നതിനുവേണ്ടി പുനർനിർമ്മിച്ചത് കുറച്ചു ദൂരെയായി കണ്ടു.

വളയത്തിന് ചുറ്റും നടന്നു വരാൻ തന്നെ കുറച്ച് സമയം വേണം. കൊട്ടാരത്തിൽ നടന്ന ക്ഷീണം കൊണ്ടും വെയിലത്ത് നടക്കാനുള്ള മടി കൊണ്ടും കുറച്ചു ദൂരം നടന്നു ഞങ്ങൾ തിരിച്ചു പോന്നു. നമ്മുടെ നാട്ടിലെ പഴയകാലത്തെ ചില കെട്ടിടങ്ങളുടെയും സ്തൂപങ്ങളുടെയും എൻജിനീയറിംഗ് വൈദഗ്ദ്യം ഇന്നുള്ളവർക്ക് അജ്ഞാതം ആണെന്ന കാര്യം പറഞ്ഞു ഞാനും മാധുരിയും ചിരിച്ചു. അടുത്ത ട്രിപ്പ് സന്ദർശകർ വന്നിറങ്ങിയ വണ്ടിയിൽ ഞങ്ങൾ തിരിച്ചുപോന്നു. എന്തുപറഞ്ഞാലും യുകെയിലെ വളരെ പ്രധാനപ്പെട്ട ഒരു ഭൂപ്രദേശമാണിത്. സന്ദർശകരെ ആകർഷിച്ച് വരുമാനമുണ്ടാക്കാൻ ഗവൺമെന്റ് നല്ലപോലെ ശ്രമിക്കുന്നുണ്ട്.. മ്യൂസിയത്തിലേക്ക് പുറത്തുനിന്ന് എത്തിച്ചു നോക്കി പ്രത്യേകിച്ച് ഒന്നും കാണാൻ ഉള്ളതായി തോന്നിയില്ല.
എല്ലാവരും തിരിച്ചെത്തിയപ്പോൾ ഞങ്ങൾ വാഹനത്തിൽ കയറി. എല്ലാവരും കയറിയപ്പോൾ രണ്ടരയോടെ ഞങ്ങൾ വീണ്ടും യാത്ര തുടങ്ങി.

ഇനി അടുത്ത യാത്ര പ്രശസ്തമായ ബാത്ത് എന്ന സ്ഥലത്തേക്കാണ്.
2000 വർഷത്തിലധികം പഴക്കമുള്ള ഈ സ്ഥലം ഇംഗ്ലണ്ടിലെ വളരെ പ്രാധാന്യമുള്ള ഒരു പട്ടണമാണ്. വർഷാവർഷം ഒരു മില്യണിലധികം ആളുകൾ സന്ദർശിക്കുന്ന പട്ടണമാണിത്. റോമാക്കാരുടെ കാലത്ത് പൊതുജനങ്ങൾക്ക് കുളിക്കാൻ വേണ്ടി ഉണ്ടാക്കിയ ഒരു കെട്ടിടവും പ്രകൃതി തന്നെ നേരിട്ട് ചൂടുവെള്ളം നൽകുന്ന അരുവിയും ഉള്ള ഈ സ്ഥലവും ലോകാത്ഭുതങ്ങളിൽ ഒന്നായി കണക്കാക്കപ്പെടുന്നു. ഈ സ്ഥലവും ലോക പൈതൃക പട്ടികയിൽ ഇടംപിടിച്ചിട്ടുണ്ട്
റോമാസാമ്രാജ്യത്തിലെ പണ്ടത്തെ പൊതുസ്ഥലത്തെ നല്ലരീതിയിൽ സംരക്ഷിച്ചിരിക്കുന്ന സ്ഥലമാണിത്.

അതിനെക്കുറിച്ചുള്ള വിവരങ്ങൾ അടുത്ത ലക്കത്തിൽ പറയാം

Facebook Comments

COMMENTS

- Advertisment -

Most Popular

മുന്നോട്ട്…(കവിത)

തനിച്ചാകുമ്പോൾ രാവ് സ്വന്തമാകുമ്പോൾ നിദ്ര തഴുകാതിരിക്കുമ്പോൾ മനസ്സേ, നീയൊരിക്കലും വിതുമ്പരുത്, കണ്ണുനിറയരുത് കൊളുത്തണമൊരു തിരി നഷ്ടമായൊരിഷ്ടമേതായാലും ഉള്ളുതിരഞ്ഞെടുക്കണം ഒരുസ്വപ്നം അതിൽ ചാലിച്ച് ഒന്നുപുഞ്ചിരിച്ച് സുഖമായുറങ്ങണം പിന്നെനാമുണരുന്ന പുലരിയിൽ രണ്ടുകണ്ണിലുമോരോ നക്ഷത്രമുണ്ടാകും മുഖമുയർത്തി നോക്കുന്ന ആകാശത്തിൽ നിറയെ പൂത്തുനിൽക്കുന്ന നക്ഷത്രക്കൂട്ടങ്ങളുണ്ടാകും മുന്നോട്ടുവയ്ക്കുന്ന ഓരോ ചുവടുകളിലും ലക്ഷ്യമുണ്ടാകും അതെ!! നാമുറങ്ങാതെ കാണുന്നസ്വപ്നങ്ങളാണ് നമ്മെ ലക്ഷ്യത്തിലെത്തിക്കുന്നത് മനസ്സേ പതറാതെ മുന്നോട്ട് മുന്നോട്ട് മുന്നോട്ട്... അജിത ടിപി കൃഷ്ണ.

ചിന്നുകുട്ടി (കഥ) ✍ ഡോളി തോമസ്, കണ്ണൂർ

ഗിരി മാമൻ കാനഡയിൽ നിന്ന് വന്നപ്പോൾ കൊണ്ടുവന്ന മഞ്ഞനിറത്തിലുള്ള ആ സുന്ദരൻ കാറും കയ്യിൽ പിടിച്ചു വഴിയിലേക്ക് നോക്കിയിരിക്കുകയാണ് കിച്ചുമോൻ. അമ്മയും അച്ഛനും കൂടി ചിന്നുമോളേയും കൊണ്ട് ആസ്പത്രിയിൽ പോയിരിക്കുകയാണ്. 'പാവം ചിന്നുക്കുട്ടി. വീഴുമെന്നോർത്തു...

വരച്ചു ചേർക്കുന്നത് (കവിത)

പറയാത്ത വാക്കാണ് പ്രണയമെന്നന്നു - ഞാനാദ്യമായറിഞ്ഞതാനേരം വിറയാർന്ന നോട്ടത്തിൻ വേരിനാൽ നീയെന്നെ വരിഞ്ഞു ചേർത്തുള്ളൊരാനേരം വിരിയുന്ന പുഷപം പോലൊരു നറു - പുഞ്ചിരി ചുണ്ടിൽ വിരിയുന്ന നേരം പറയാത്ത വാക്കാണ് പ്രണയമെന്നാമിഴി പറയാതെ പറഞ്ഞതാ നേരം പരിഭവമില്ലാതെ നീ പലവുരുയെന്നോട് മിണ്ടിപ്പറഞ്ഞു നിൽക്കുന്നു ചിന്തകൾ അശ്വവേഗങ്ങളായ് വന്നെൻ്റെ ഹൃദയത്തെ തൊട്ടുണർത്തുന്നു അകലെയാണെങ്കിലും സഖിയെന്നകതാരിൽ തൊട്ടു തൊട്ടാണിരിപ്പെന്നും മൗനവും വാചാലമെന്നറിയുന്നു ഞാൻ ഓമനേ,...

കാർത്തിക വിളക്ക്… (കഥ) ..✍ ലാലി രംഗനാഥ്

ശാന്തി ഭവനിലെ തന്റെ സ്വന്തം മുറിയിലിരുന്ന് പുറത്തേക്ക് നോക്കിയപ്പോൾ അന്തരീക്ഷമാകെ മൂടി കെട്ടിയിരുന്നതു പോലെ ഗായത്രിക്ക് തോന്നി. പെയ്യാൻ കൊതിച്ചു കാർമേഘ കൂട്ടങ്ങൾ ഇരുണ്ടു കൂടിയിരിക്കുന്നു. വൈകുന്നേരം 5 മണിയെ ആയുള്ളൂ എങ്കിലും...
Facebook Comments
WP2Social Auto Publish Powered By : XYZScripts.com
error: