17.1 C
New York
Wednesday, June 29, 2022
Home Travel യൂറോപ്പിലൂടെ ഒരു യാത്ര – (യാത്രാ വിവരണം: ഭാഗം 14)

യൂറോപ്പിലൂടെ ഒരു യാത്ര – (യാത്രാ വിവരണം: ഭാഗം 14)

തയ്യാറാക്കിയത്: പത്മിനി ശശിധരൻ

2018 ജൂലൈ 17, ചൊവ്വ.

ഞങ്ങളുടെ വാഹനം മനോഹരമായ ഭൂപ്രദേശങ്ങൾ താണ്ടി ഓടിക്കൊണ്ടിരിക്കുന്നു. മധുറോഡാം (Madurodam)എന്ന മിനിയേച്ചർ പാർക്ക് ആണ് ഞങ്ങളുടെ അടുത്ത ലക്ഷ്യം. പോകുന്ന വഴിയിൽ അതിനെക്കുറി ച്ചുള്ള ഒരു ചെറു വിവരണം ഗൈഡ് പറഞ്ഞു കൊണ്ടിരുന്നു.

ഡച്ച് സാമ്രാജ്യത്തിലെ പ്രധാനപ്പെട്ട ഭൂപ്രദേശങ്ങൾ, ചരിത്രപ്രാധാന്യമുള്ള പട്ടണങ്ങൾ, രാജ്യത്തിന്റെ അഭിവൃദ്ധിയിൽ നാഴികക്കല്ലായ സംഭവങ്ങൾ, എന്നിവയെല്ലാം 1.25 സ്കെയിലിൽ ചെറിയ ചെറിയ മാതൃകകളായി ഇവിടെ ഉണ്ടാക്കി വെച്ചിരിക്കുന്നു. 1952ൽപൊതുജനങ്ങൾക്ക് സന്ദർശനത്തിനായി തുറന്ന ഈ പാർക്കിൽ ഇതുവരെ കോടിക്കണക്കിന് ആളുകൾ വന്നുചേർന്നിട്ടുണ്ട്, 2012 -ൽ അറുപതാം വാർഷികം വിപുലമായി ആഘോഷിച്ചു.

ജോർജ് മധുറോ(George Maduro) എന്ന ഡച്ച് നിയമവിദ്യാർത്ഥി നാസി കളുമായി ഏറ്റുമുട്ടി1945-ൽ കോൺസൻട്രേഷൻ ക്യാമ്പിൽ വെച്ച് മരിച്ചു. 1946ൽ നെതർലൻഡ് സാമ്രാജ്യത്തിലെ പുരാതനവും പരമോന്നതബഹുമതിയുമായMedal of Knight Fourth Class of the Military Order of William മരണാനന്തര ബഹുമതിയായി അദ്ദേഹത്തിന് നൽകപ്പെട്ടു.

ഡച്ച് സ്റ്റുഡൻസ് സാനിറ്റോറിയത്തിൽ രോഗം പിടിച്ച കുട്ടികൾക്ക് ചികിത്സയും പഠിക്കാനുള്ള സൗകര്യങ്ങളും നൽകിയിരുന്നു. ഇതിനു വേണ്ടി പണം കണ്ടെത്തുന്നതിന് അവിടത്തെ ഫൗണ്ടേഷനിലെ ഒരംഗമായിരുന്ന Mrs.B.Boon Vander Starp ഒരു മാർഗ്ഗം കണ്ടെത്താൻ ശ്രമിച്ചു. ഇംഗ്ലണ്ടിലെ ബൈകൻസ് ഫീൽഡിലുള്ള (Beaconsfield ), Bekon Scot മിനിയേച്ചർ പാർക്കിനെ പറ്റി അവർ കേട്ടിട്ടുണ്ടായിരുന്നു. ആ പാർക്കിലെ ലാഭവിഹിതം ലണ്ടനിലെ ഒരു ഹോസ്പിറ്റലിനാണ് കൊടുക്കുന്നത്. മിസ്സിസ് ബൂൺ അവിടെ പോയി അതിനെ കുറിച്ച് വിശദമായി പഠിച്ചു. അവർ ഇതിനെക്കുറിച്ച് ജോർജ്ജ് മധുറോന്റെ മാതാപിതാക്കളുമായി ചർച്ചചെയ്തു, ഇതുപോലെയുള്ള ഒരു പാർക്ക് നിർമ്മിക്കാൻ വേണ്ട സാമ്പത്തിക സഹായം മാതാപിതാക്കൾ വാഗ്ദാനം ചെയ്തു. അങ്ങനെ ആ പാർക്ക് സ്ഥാപിതമാവുകയും അതിന് മധുറോഡാം എന്ന പേരു നൽകപ്പെടുകയും ചെയ്തു.

S.J Bouma എന്നയാളെ ഇതിന്റെ പ്രധാന ശില്പി ആയി നിയമിച്ചു. അദ്ദേഹം ഇംഗ്ലണ്ടിൽ പോയി Bekon Scot മിനിയേച്ചർ പാർക്കിനെ കുറിച്ച് പഠിച്ച് ഇവിടെയും അതേ രീതിയിൽ രൂപകൽപ്പന ചെയ്തു. പുഞ്ചിരിയോടു കൂടിയ ചെറുനഗരം (The little city with a smile)എന്നതാണ് ഈ പാർക്കിന്റെ പ്രമേയം 1952 ജൂലായ് രണ്ടിന് അന്നത്തെ അവിടുത്തെ രാജകുമാരിയായ ബിയാട്രിസിനെ മധുറോഡാമിന്റെ മേയർ ആയി നിയമിച്ചു, അവർ രാജ്ഞി ആയപ്പോൾ ആ പദവി ഉപേക്ഷിക്കുകയും അത് ഹേഗിലെ വിദ്യാർത്ഥി സമൂഹത്തിൽ നിന്നും തിരഞ്ഞെടുക്കുവാൻ തീരുമാനിക്കുകയും ചെയ്തു. ഇപ്പോഴും ഹേഗിലെ എല്ലാ സ്കൂളുകളിൽ നിന്നും എല്ലാ വർഷവും വിദ്യാർത്ഥികളെ നാമനിർദ്ദേശം ചെയ്യുന്നു. മധുറോഡാമിലെ ചാരിറ്റി ഫണ്ട് യുവതലമുറയ്ക്ക് വേണ്ടിയുള്ള ഒർഗനൈസേഷനുകൾക്ക് സാമ്പത്തിക സഹായം ചെയ്തു കൊണ്ടിരിക്കുന്നു.
ഞങ്ങളുടെ വാഹനം പാർക്കിനു മുന്നിലെത്തിയിരിക്കുന്നു. സമയം അഞ്ചുമണി കഴിഞ്ഞിരിക്കുന്നു, എങ്കിലും വെയിലിനു ഒട്ടും കുറവില്ല.

പ്രവേശനകൂപ്പണോടൊപ്പം നമുക്ക് ചിപ്പ് ഘടിപ്പിച്ച കാർഡുകളും നൽകി. ഈ കാർഡുകൾ ഉപയോഗിച്ച് പാർക്കിനുള്ളിൽ പല ആക്ടിവിറ്റികൾ ചെയ്യാൻ കഴിയും. എവിടെ പോകണം, എന്ത് ചെയ്യണം എന്നുള്ള നിർദ്ദേശങ്ങളും ലഭിച്ചു.
മുന്നിൽ പരന്നു കിടക്കുന്ന രാജ്യം കണ്ട ഞങ്ങൾ അത്ഭുതപരതന്ത്രരായി, കുറച്ചുനേരം എവിടേയ്ക്ക് നീങ്ങണമെന്ന് ചിന്തിച്ചുകൊണ്ടിരുന്നു. പിന്നീട് അവർ തന്ന ദിശാസൂചിക നോക്കി ഞങ്ങൾ നടന്നു. ഓരോ ഭാഗത്തും വേണ്ട നിർദ്ദേശങ്ങളുമായി സേവന സന്നദ്ധരായ ജോലിക്കാർ ഉണ്ടായിരുന്നു..
ചിലയിടങ്ങളിൽ നമ്മൾ കടന്നു പോകുമ്പോൾ നമ്മുടെ ഫോട്ടോ എടുത്തിരുന്നുഅതിനു നല്ല വില പറയുന്നതിനാൽ ആരും വാങ്ങിയിരുന്നില്ല

2012ൽ അറുപതാം വാർഷികം ആഘോഷിച്ചപ്പോൾ ഈ പാർക്ക് വീണ്ടും വലിയ രീതിയിൽ നവീകരിക്കപ്പെട്ടു. ഇപ്പോൾ മൂന്നു വിഭാഗങ്ങളായി ഈ ഉദ്യാനം നവീകരിച്ചിക്കുന്നു,.

1ജലം- മിത്രമായും ശത്രുവായും(Water as a friend and an enemy )

  1. ചരിത്രപ്രാധാന്യമുള്ള പട്ടണങ്ങൾ(Historical cities )
  2. ലോകത്തിന് ഉത്തേജനം ആയി നെതർലൻഡ്(The Netherlands as an inspiration to the world )

ഞങ്ങളോട് 6:15 നു ഗേറ്റിൽ തിരിച്ച് എത്തണം എന്ന് പറഞ്ഞു ഗൈഡ് എവിടേക്കോ മറഞ്ഞു.

ഇടയ്ക്കിടെ ടിവി സ്റ്റാൻഡിൽ വെച്ച് അതിൽ പാർക്കിനെ കുറിച്ചുള്ള വിശദമായ വിവരങ്ങൾ നൽകുന്ന വീഡിയോ കാണിക്കുന്നുണ്ട്. ഓരോ ചെറു മാതൃകകളും യഥാർത്ഥ വലിപ്പത്തിന്റെ 1.25 സ്കെയിലിലാണ് നിർമിച്ചിട്ടുള്ളത്. നെതർലൻഡിന്റെ ഒരു സമ്പൂർണ്ണ മാതൃക ഇവിടെ അതേപോലെ നിർമ്മിച്ചിരിക്കുന്നു. വളരെയധികം ഗവേഷണം നടത്തിയാണ്‌ അവർ ഓരോ മാതൃകയും നിർമ്മിച്ചിരിക്കുന്നത്. സത്യത്തിൽ ഒരു ദിവസം മുഴുവൻ ചെലവഴിച്ചാലും അവിടെനിന്നും പോരാൻ തോന്നില്ല. പക്ഷേ ഞങ്ങൾക്ക് അനുവദിച്ചിരിക്കുന്ന സമയം ഒരു മണിക്കൂറോളം മാത്രം. അതിനാൽ വളരെ ആകർഷണീയമായി തോന്നിയ സ്ഥലങ്ങളിലേക്ക് ഞങ്ങൾ വേഗം നടന്നു. ആംസ്റ്റർഡാം എയർപോർട്ട്,ഡച്ച് കൊട്ടാരം ട്രെഡീഷണൽ ഡച്ച് കനാൽഹൗസ്, ട്യൂലിപ് ഫീൽഡ്സ്, കാറ്റാടിയന്ത്രങ്ങൾ, 3D selfie booth തുടങ്ങിയവ ഇപ്പോഴും ഓർമ്മയിൽ തിളങ്ങി നില്ക്കുന്നു. 3D ബൂത്തിൽ കയറി ഫോട്ടോയെടുത്തു. നമ്മുടെ ഇമെയിൽ അഡ്രസ് കൊടുത്താൽ നമുക്ക് അയച്ചു തരും എന്നു പറഞ്ഞു.

1.25 സ്കെയിലിലാണ് മാതൃകകൾ നിർമ്മിച്ചിരിക്കുന്നത് എന്ന് ഞാൻ സൂചിപ്പിച്ചിരുന്നുവല്ലോ? എന്നാൽ ട്യൂലിപ് പൂക്കൾ മാത്രം വലിയ മാതൃകയിലാണ് നിർമ്മിച്ചിരിക്കുന്നത്.

തന്നിരിക്കുന്ന ചിപ്‌കാർഡ് ഉപയോഗിച്ച് activities ചെയ്യാൻ നോക്കിയെങ്കിലും സമയപരിമിതി മൂലം ഒന്നും പൂർണ്ണമാക്കാൻ കഴിഞ്ഞില്ല. Group Tour പാക്കേജിൽയാത്ര ചെയ്യുമ്പോൾ ഏറ്റവും അസൗകര്യമായി തോന്നിയത് നമുക്ക് ഇഷ്ടപ്പെട്ട സ്ഥലങ്ങളിൽ ഇഷ്ടം പോലെ സമയം ചിലവഴിക്കാൻ കിട്ടുകയില്ല എന്നുള്ളതാണ്.

ഓർമ്മയിൽ സൂക്ഷിക്കാൻ കുറെ ഫോട്ടോകളും വീഡിയോകളും എടുത്ത് ഞങ്ങൾ ആറേകാൽ ആകുമ്പോഴേക്കും അവിടെനിന്ന് വീണ്ടും ഹോട്ടലിലേക്ക് യാത്ര തിരിച്ചു. ഹോട്ടലിൽ എത്തുമ്പോൾ ഏകദേശം എട്ടു മണി കഴിഞ്ഞിരുന്നു സൂര്യൻ അപ്പോഴും അസ്തമിച്ചിരുന്നില്ല. അത്താഴം കഴിഞ്ഞു മുറിയിൽ എത്തി. മക്കളുമായി സ്കൈപ്പിൽ സംസാരിക്കുമ്പോൾ സമയം 9:45 . ഇടനാഴിയിലെ ജനാലയിൽ കൂടി നോക്കുമ്പോൾ കണ്ട അസ്തമിക്കാൻ മടിക്കുന്ന സൂര്യബിംബത്തെ മക്കൾക്ക് വീഡിയോയിൽ കൂടി കാണിച്ചു കൊടുത്തു. മക്കളുമായി കുറേനേരം സംസാരിച്ചു.

സമയം 10ആകാറായപ്പോൾ സൂര്യൻ പതുക്കെപ്പതുക്കെ മറയുന്ന മനോഹരമായ ദൃശ്യം കണ്ടു. ഒരു മനോഹരമായ അസ്തമയം കണ്ട് സന്തോഷത്തോടുകൂടി ഉറങ്ങാൻ കിടന്നു.
നാളെ നെതർലാൻഡ്സിനോട് വിട പറയുകയാണ്. രാവിലെ നേരത്തെ എഴുന്നേൽക്കണം.

അടുത്ത ലക്ഷ്യം ജർമനിയിലേക്ക് ആണ്. ഇതിനെ കുറിച്ചുള്ള വിവരണം അടുത്ത ഭാഗത്തിൽ പറയാം.

Facebook Comments

COMMENTS

- Advertisment -

Most Popular

ജൂലൈ 1 മുതൽ പത്തനംതിട്ട നഗരത്തിൽ പ്ലാസ്റ്റിക് ക്യാരി ബാഗുകൾക്ക് നിരോധനം

'ജീവന്റെ തുടിപ്പ് നിലനിർത്താൻ ഒഴിവാക്കാം പ്ലാസ്റ്റിക് ഉൽപ്പനങ്ങൾ ' എന്നാ ക്യാമ്പയ്ന്റെ ഭാഗമായി പത്തനംതിട്ട നഗരത്തിൽ ജൂലൈ 1 മുതൽ പ്ലാസ്റ്റിക് ക്യാരി ബാഗുകൾ നിരോധിച്ചു. ഇത്തരം ഉൽപ്പന്നങ്ങൾ വില്പന നടത്തുന്നതും കൈവശം...

കാര്‍ഷിക മുന്നേറ്റത്തിന് നേതൃത്വം നല്‍കി പന്തളം തെക്കേക്കര പഞ്ചായത്ത്

പത്തനംതിട്ട    ജില്ലയില്‍ കാര്‍ഷിക മുന്നേറ്റത്തിന് നേതൃത്വം നല്‍കുന്ന പഞ്ചായത്താണ് പന്തളം തെക്കേക്കര. പഞ്ചായത്തിലെ കാര്‍ഷിക മുന്നേറ്റത്തെപ്പറ്റിയും വികസന, ക്ഷേമ പ്രവര്‍ത്തനങ്ങളെ കുറിച്ചും പന്തളം തെക്കേക്കര ഗ്രാമപഞ്ചായത്ത് പ്രസിഡന്റ് എസ്. രാജേന്ദ്രപ്രസാദ് സംസാരിക്കുന്നു. തരിശുപാടങ്ങള്‍...

പത്തനംതിട്ട ജില്ലയില്‍ കോവിഡ് കേസുകള്‍ കൂടുന്നു; വാക്സിനേഷന് വിമുഖത പാടില്ല

പത്തനംതിട്ട ജില്ലയില്‍ ഒരു ഇടവേളക്ക് ശേഷം കോവിഡ് കേസുകള്‍ കൂടി വരുന്ന സാഹചര്യത്തില്‍ ഇനിയും വാക്സിന്‍ എടുക്കാത്തവരും, കരുതല്‍ ഡോസ് വാക്സിന് അര്‍ഹരായവരും, വാക്സിന്‍ സ്വീകരിക്കണമെന്ന് ജില്ലാ മെഡിക്കല്‍ ആഫീസര്‍ (ആരോഗ്യം) ഡോ.എല്‍.അനിതകുമാരി...

ട്വിറ്ററിന് അന്ത്യശാസനം: ജൂലായ് നാലിനുള്ളില്‍ ഐടി ചട്ടങ്ങള്‍ പാലിച്ചില്ലെങ്കില്‍ പരിരക്ഷ നഷ്ടമാകും.

ഐടി ചട്ടങ്ങള്‍ പാലിക്കാന്‍ ട്വിറ്ററിന് കേന്ദ്ര സര്‍ക്കാര്‍ അന്ത്യശാസനം നല്‍കി. ജൂലൈ നാലിനുള്ളില്‍ ഐടി ചട്ടങ്ങള്‍ പാലിച്ചില്ലെങ്കില്‍ സാമൂഹിക മാധ്യമം എന്ന നിലയില്‍ ലഭിക്കുന്ന പരിരക്ഷ നഷ്ടമാകുമെന്ന് കേന്ദ്രസര്‍ക്കാര്‍ ട്വിറ്ററിന് മുന്നറിയിപ്പ് നല്‍കി. ഐടി...
Facebook Comments
WP2Social Auto Publish Powered By : XYZScripts.com
error: