സ്വാദിഷ്ടമായ തേങ്ങാച്ചോറ്

എല്ലാവർക്കും നമസ്കാരം

ഒന്നാശ്വസിച്ചപ്പോളേക്കും ദാ പറന്നിറങ്ങി അടുത്ത വകഭേദം. ഇനി ഒമിക്രോണിനെതിരെ പടയൊരുക്കങ്ങൾ, ജാഗ്രതാനിർദ്ദേശങ്ങൾ. ഭീതിയോടെ ലോകരാഷ്ട്രങ്ങൾ. അതിലും ഭീതിയോടെ ദയനീയതയോടെ നമ്മളും. ലോകാവസാനം ആയിട്ടുണ്ടാവുമോ എന്തോ. എന്തായാലും എളുപ്പത്തിൽ തയ്യാറാക്കാൻ പറ്റുന്ന ഒരു റൈസ് വെറൈറ്റിയും കഴിച്ചു ബാക്കിയൊക്കെ നോക്കിക്കാണാം.

🥥തേങ്ങാച്ചോറ്

ആവശ്യമായ സാധനങ്ങൾ

🌶️ഉപ്പിട്ടു വേവിച്ച ചോറ്-രണ്ടു കപ്പ്
🌶️പാചക എണ്ണ-നാലു ടേബിൾ സ്പൂൺ
🌶️കടുക്-ഒരു ടീസ്പൂൺ
🌶️ഉഴുന്നുപരിപ്പ്-ഒരു ടീസ്പൂൺ
🌶️കടലപ്പരിപ്പ്-ഒരു ടീസ്പൂൺ
🌶️ഉണക്കമുളക്-രണ്ടെണ്ണം
🌶️കായപ്പൊടി-ഒരു നുള്ള്
🌶️പച്ചമുളക്-മൂന്നെണ്ണം
🌶️കറിവേപ്പില-രണ്ടു തണ്ട്
🌶️തേങ്ങ ചിരവിയത്-ഒന്നേകാൽ കപ്പ്

പാചകവിധി

🌶️എണ്ണ ചൂടാക്കി കടുക് പൊട്ടിച്ച്, രണ്ടു പരിപ്പും ഉണക്കമുളകും പച്ചമുളകും കറിവേപ്പിലയും ചേർത്ത് വഴറ്റി കായപ്പൊടി ചേർത്തിളക്കുക.
തേങ്ങയും ഉപ്പും ചേർത്തു നന്നായിളക്കി കുറച്ചു നേരം വഴറ്റുക

🌶️അതിലേക്ക് ചോറ് ചേർത്തിളക്കി, വിളമ്പുന്ന പാത്രത്തിലേക്ക് മാറ്റി കറിവേപ്പില കൊണ്ട് അലങ്കരിക്കുക.

🌶️ചൂടോടെ പപ്പടം, കൊണ്ടാട്ടം, അച്ചാർ ഇവ കൂട്ടിക്കഴിക്കാം.

തയ്യാറാക്കിയത്: ദീപ നായർ (deepz) ബാംഗ്ലൂർ ✍