17.1 C
New York
Wednesday, August 10, 2022
Home Taste വിഷുവിന് "ചക്ക ഉണ്ണിയപ്പം"

വിഷുവിന് “ചക്ക ഉണ്ണിയപ്പം”

തയ്യാറാക്കിയത്: (ദീപ നായർ (deepz) ബാംഗ്ലൂർ

എല്ലാവർക്കും നമസ്കാരം

എന്തൊക്കെയുണ്ട് വിശേഷങ്ങൾ. വിഷു അടുത്തെത്തി. കഴിഞ്ഞ വർഷത്തെ വിഷു ലോക്ഡൗണിലായിരുന്നു. ഒരു വർഷത്തിനിപ്പുറം ലോക്ഡൗൺ അല്ലെങ്കിലും നിയന്ത്രണത്തിൽ തന്നെയാണ്.

ആഘോഷങ്ങളും ഉൽസവങ്ങളും വരുമ്പോൾ മനസ്സിൽ ഓർമ്മകളുടെ വേലിയേറ്റം തന്നെ അരങ്ങേറും. ചിന്തകൾ കടിഞ്ഞാൺ പൊട്ടിയ പട്ടം പോലെ ഒരുപാട് ദൂരം പിന്നിലേക്ക് പായും.

വിഷുവിന് പ്രധാനം കണികാണലും കൈനീട്ടം വാങ്ങിക്കലും കോടിയുടുക്കലും പടക്കം പൊട്ടിക്കലും സദ്യ ഉണ്ണലുമാണല്ലോ. ഇന്നും അതെല്ലാം അതേപടി (പടക്കം പൊട്ടിക്കലൊഴിച്ച് ബാക്കിയെല്ലാം.)ചെയ്യാറുണ്ട്.

വിഷു എന്നു പറയുമ്പോൾ തന്നെ ആദ്യം മനസ്സിൽ ഓടിയെത്തുന്നത് വിഷുക്കണിയാണ്. നിറദീപപ്രഭയിൽ തിളങ്ങി നിൽക്കുന്ന കൃഷ്ണവിഗ്രഹത്തിനു മുന്നിൽ കൊന്നപ്പൂക്കളും വാൽക്കണ്ണാടിയും പഴങ്ങളും കോടിയും സ്വർണ്ണവും പുത്തൻ മണക്കുന്ന നോട്ടുകളും നാണയത്തുട്ടുകളും എല്ലാം കണി കണ്ടു കഴിയുമ്പോൾ കണ്ണിലുടക്കി നിൽക്കുന്ന ഒരു കൂട്ടമുണ്ട്. ഭഗവാനെപ്പോലെ തന്നെ പ്രായഭേദമന്യേ ഏവർക്കും ഇഷ്ടമുള്ള ഉണ്ണിയപ്പം. വീഷുവിന് ഉണ്ടാക്കുന്ന ഉണ്ണിയപ്പത്തിന് പ്രത്യേക രുചിയാണ്. ഞങ്ങളുടെ പാടത്തുണ്ടായ നെല്ല് കുത്തിയെടുത്ത് കുതിർത്ത് വീട്ടിലുണ്ടായ ചക്കയും തേങ്ങയും കൊണ്ട് അമ്മമ്മ ഉണ്ടാക്കുന്ന വിഷു സ്പെഷ്യൽ ഉണ്ണിയപ്പം. ഓർമ്മകൾ അയവിറക്കിക്കൊണ്ട് ആവശ്യമായ സാധനങ്ങൾ എന്തൊക്കയാണെന്നു നോക്കാം.

ചക്ക ഉണ്ണിയപ്പം ആവാല്ലേ

ആവശ്യമായ സാധനങ്ങൾ

ഉണക്കലരി-1 1/4 കപ്പ്
ഉഴുന്നുപരിപ്പ്-1 ടീസ്പൂൺ
ചക്കച്ചുള-12 എണ്ണം
തേങ്ങ ചിരവിയത്-1/4 മുറി
പാചക എണ്ണ/നെയ്യ്-ആവശ്യത്തിന്

ഒന്നേകാൽ കപ്പ് ഉണക്കലരിയും ഒരു ടേബിൾ സ്പൂൺ ഉഴുന്നുപരിപ്പും കഴുകി കുതിർക്കുക.
നന്നായി പഴുത്ത പത്തു പന്ത്രണ്ട് ചക്കച്ചുള നന്നായി അരക്കുക. അതിലേക്ക് കുതിർന്ന അരിയും ചേർത്ത് മയത്തിൽ അരക്കുക. വെള്ളം ആവശ്യമെങ്കിൽ മാത്രം ചേർത്താൽ മതി. കട്ടിയുള്ള മാവിലേക്ക് ചൂടോടെ ശർക്കര ഉരുക്കി അരിച്ചത് ഒഴിക്കുക. നാളികേരം ചിരവിയത് ചേർത്ത് നന്നായി ഇളക്കി മൂന്നാലു മണിക്കൂർ വച്ചതിനു ശേഷം ഉണ്ണിയപ്പം ഉണ്ടാക്കാം.

അടുത്ത ആഴ്ച മറ്റൊരു വിഭവവുമായി വരാം

ദീപ നായർ (deepz)

Facebook Comments

COMMENTS

- Advertisment -

Most Popular

പീഡനക്കേസിൽ കണ്ണൂരില്‍ ഒളിവിലായിരുന്ന കോണ്‍ഗ്രസ് കൗൺസിലര്‍ അറസ്റ്റില്‍.

പീഡന കേസിൽ കണ്ണൂർ കോർപ്പറേഷൻ കൗൺസിലറും കോൺഗ്രസ് നേതാവുമായ പി വി കൃഷ്ണകുമാർ അറസ്റ്റിൽ. ബംഗളൂരുവിൽ ഒളിവിൽ കഴിയുകയായിരുന്നു കൃഷ്ണകുമാര്‍. ഇന്നലെ രാത്രിയാണ് എ സി പി യുടെ നേതൃത്വത്തിലുള്ള അന്വേഷണ സംഘം...

സ്വപ്നയുടെ മൊഴിപകർപ്പ് ആവശ്യപ്പെട്ട് സരിതാ നായർ നൽകിയ ഹ‍ർജി ഹൈക്കോടതി തളളി.

സ്വപ്നയുടെ മൊഴിയുടെ പകർപ്പ് ആവശ്യപ്പെട്ട് സരിതാ നായർ നൽകിയ ഹ‍ർജി ഹൈക്കോടതി തളളി.ജസ്റ്റീസ് കൗസർ എടപ്പഗത്തിന്‍റേതാണ്താണ് ഉത്തരവ്.മുഖ്യമന്ത്രിയ്ക്കും കുടുംബാഗങ്ങൾക്കുമെതിരെ സ്വപ്ന സുരേഷ് നൽകിയ രഹസ്യമൊഴിയുടെ പകർപ്പാണ് സരിത തേടിയത്.തനിക്കെതിരെ ഇതിൽ പരാമർശമുണ്ടെന്നായിരുന്നു വാദം.എന്നാൽ...

139.15 അടി ജലനിരപ്പ്; മുല്ലപ്പെരിയാര്‍ ഡാമിലെ ജലനിരപ്പ് കുറയുന്നു.

മുല്ലപ്പെരിയാർ അണക്കെട്ടിലെ ജലനിരപ്പ് കുറഞ്ഞുതുടങ്ങി.139.15 അടിയാണ് ഇപ്പോഴത്തെ ജലനിരപ്പ്. അണക്കെട്ടിന്‍റെ വൃഷ്ടി പ്രദേശത്ത് മഴ കുറഞ്ഞതാണ് ജലനിരപ്പ് കുറയാൻ കാരണം. പെരിയാർ തീരത്തെ 45 കുടുംബങ്ങളിൽ ഉള്ളവർ ഇപ്പോഴും ദുരിതാശ്വാസ ക്യാമ്പിലാണ്. അതേസമയം...

ദുരിതാശ്വാസ പ്രവർത്തനം; 5 ജില്ലകളിലെ നിശ്ചിത വിദ്യാഭ്യാസ സ്ഥാപനങ്ങൾക്ക് അവധി.

സംസ്ഥാനത്ത് കനത്ത മഴയ്ക്ക് ശമനമായെങ്കിലും ദുരിതാശ്വാസ പ്രവർത്തനങ്ങൾ തുടരുകയാണ്. ദുരിതാശ്വാസ പ്രവ‍ർത്തനങ്ങളുടെ പശ്ചാത്തലത്തിൽ സംസ്ഥാനത്തെ അഞ്ച് ജില്ലകളിലെ സ്കൂളുകൾക്ക് ഇതിനകം അവധി പ്രഖ്യാപിച്ചിട്ടുണ്ട്. ദുരിതാശ്വാസ ക്യാമ്പുകൾ പ്രവ‍ർത്തിക്കുന്ന സ്കൂളുകൾക്കാണ് പല ജില്ലകളിലും അവധി...
Facebook Comments
WP2Social Auto Publish Powered By : XYZScripts.com
error: