17.1 C
New York
Wednesday, October 5, 2022
Home Taste രുചികരമായ മുട്ട റോസ്റ്റ് ഉണ്ടാക്കുന്ന രീതി

രുചികരമായ മുട്ട റോസ്റ്റ് ഉണ്ടാക്കുന്ന രീതി

തയ്യാറാക്കിയത്: ദീപ നായർ (Deepz) ബാംഗ്ലൂർ.

എല്ലാവർക്കും നമസ്കാരം

എന്തൊക്കെയുണ്ട് വിശേഷങ്ങൾ. എല്ലാവരും തിരക്കിലാണോ. ബജറ്റ്‌ വിവരങ്ങളൊക്ക മനസ്സിലായല്ലോ ല്ലേ. രാഷ്ട്രീയത്തിലാണെങ്കിൽ ഇലക്ഷൻ ആവാറായതിന്റെ നെട്ടോട്ടം. കേരളത്തിൽ കൊവിഡ് രോഗികളുടെ എണ്ണം ദിനംപ്രതി കൂടിക്കൊണ്ടിരിക്കുന്നു. ഓരോ വ്യക്തിയും എനിക്കു രോഗം വരരുത് എന്റെ കാരണം മറ്റുളവർക്ക് രോഗം പകരരുത് എന്നു ചിന്തിച്ചു സൂക്ഷിച്ചും ശ്രദ്ധിച്ചും സാമൂഹിക അകലവും ശുചിത്വവും പാലിച്ചാൽ മാത്രമേ കുഞ്ഞിനെ തുരത്താൻ കഴിയൂ. ആരോഗ്യ വകുപ്പിലുള്ളവർക്ക് പൊതുജനങ്ങളെ കാര്യങ്ങൾ ധരിപ്പിക്കുവാനല്ലേ കഴിയൂ.അവനവൻ ചെയ്യേണ്ടത് ചെയ്യാൻ ആരും മടിക്കാതിരിക്കുക. ഇവിടെയാണെങ്കിൽ ആർക്കെങ്കിലും അസുഖമുണ്ടോ ഇല്ലയോ ഒന്നോമറിയില്ല. ഞങ്ങളുടെ അപ്പാർട്ട്‌മെന്റ് കോംപ്ലക്സിനുള്ളിൽ കർശന നിർദ്ദേശങ്ങളുള്ളതു കൊണ്ട് കേസുകൾ ഇല്ല. കുഞ്ഞന്റെ ദ്രുതഗതിയിലുള്ള ചലനത്തെ വാക്സിൻ മന്ദഗതിയിലാക്കും എന്ന പ്രതീക്ഷയോടെ ഇന്നത്തെ രസമുകുളങ്ങളെ ആരാവും കീഴടക്കിയത് എന്നോ നോക്കാം.

ഇന്ന് സ്വാദേറിയ മുട്ട റോസ്റ്റ് ഉണ്ടാക്കുന്ന രീതി മനസ്സിലാക്കാം. നിങ്ങളും ഉണ്ടാക്കുമായിരിക്കും അല്ലേ. പ്രോട്ടീനുകളും നല്ല കൊളൊസ്ട്രോളും പിന്നെ കുറെ കുറേ സംഭവങ്ങളൊക്കെ അടങ്ങിയിരിക്കുന്ന മുട്ടയുടെ ഗുണഗണങ്ങളെപ്പറ്റി ഞാൻ വിവരിക്കുന്നില്ല. കഴിച്ചാൽ നല്ലതാണ്. മുട്ട കൊണ്ട് ഒരുപാട് സാധനങ്ങൾഉണ്ടാക്കാൻ പറ്റും. എല്ലാവർക്കും ഇഷ്ടമുള്ള ഭക്ഷണസാധനമാണല്ലോ, പ്രത്യേകിച്ച് കുട്ടികൾക്ക്.

ആവശ്യമുള്ള സാധനങ്ങൾ

🌼മുട്ട-6 എണ്ണം
🌼സവാള-4 എണ്ണം(നീളത്തിൽ അരിഞ്ഞത്)
🌼വെളുത്തുള്ളി-6-8 അല്ലി(ചെറുതായി അരിഞ്ഞത്)
🌼ഇഞ്ചി-2″കഷണം(ചെറുതായി അരിഞ്ഞത്)
🌼പച്ചമുളക്-4 എണ്ണം(നെടുകെ കീറിയത്)
🌼പെരുഞ്ചീരകം-1/2 ടീസ്പൂൺ
🌼തൈര്-1ടീസ്പൂൺ
🌼മഞ്ഞൾപ്പൊടി-1/4 ടീസ്പൂൺ
🌼മല്ലിപ്പൊടി-1/2 ടീസ്പൂൺ
🌼മുളകുപൊടി-1 ടീസ്പൂൺ
🌼ഗരംമസാലപ്പൊടി-1/2 ടീസ്പൂൺ
🌼കുരുമുളക് ചതച്ചത്-1ടീസ്പൂൺ
🌼ഉപ്പ് പാകത്തിന്
🌼തക്കാളി-3 എണ്ണം(ചെറുതായി അരിഞ്ഞത്)
🌼കറിവേപ്പില-1തണ്ട്
🌼മല്ലിയില ആവശ്യത്തിന്
🌼പുതിനയില-കുറച്ച്
🌼പാചകയെണ്ണ-5 ടീസ്പൂൺ

പാകം ചെയ്യുന്ന വിധം

🌼മുട്ട വേവിച്ച് തോട് കളഞ്ഞു മാറ്റിവയ്ക്കുക.
(വേവിക്കുമ്പോൾ പൊട്ടാതിരിക്കാൻ വെള്ളത്തിൽ ഒരു സ്പൂൺ ഉപ്പു ചേർക്കുക)
🌼എണ്ണ ചൂടാക്കി പെരുഞ്ചീരകം പൊട്ടിച്ച് സവാള,ഇഞ്ചി,വെളുത്തുള്ളി,ഉപ്പ് ചേർത്ത് വഴറ്റുക.
🌼നന്നായി വഴന്നു കഴിഞ്ഞു മഞ്ഞൾ, മല്ലി,മുളകുപൊടികൾ ചേർത്ത് പച്ചമണം മാറുന്നതുവരെ വഴറ്റുക.
🌼തൈര്, ഉപ്പ്, തക്കാളി, പച്ചമുളക് ചേർത്ത് വഴറ്റുക.
🌼കുഴഞ്ഞ പരുവമായാൽ ഗരംമസാലപ്പൊടി ചേർത്തിളക്കുക.
🌼കറിവേപ്പില, മല്ലിയില, പുതിനയില കുറച്ചു കുരുമുളക് പൊടി ചേർത്ത് നന്നായിളക്കുക
🌼വരഞ്ഞ മുട്ട ചേർത്ത് പതുക്കെ ഇളക്കി, ബാക്കിയുള്ള കുരുമുളക് പൊടി വിതറി അടച്ചു വയ്ക്കുക.
🌼നന്നായി ഇളക്കി യോജിപ്പിച്ചതിനുശേഷം വിളമ്പുക.
🌼ചപ്പാത്തി, പൂരി,പുലാവ്, നെയ്ചോറ്,ആപ്പം എന്നിവയുടെ കൂടെ വിളമ്പാൻ പറ്റിയ രുചികരമായ മുട്ടറോസ്റ്റ് തയ്യാർ.

ദീപ നായർ (deepz)

Facebook Comments

COMMENTS

- Advertisment -

Most Popular

മുന്നോട്ട്…(കവിത)

തനിച്ചാകുമ്പോൾ രാവ് സ്വന്തമാകുമ്പോൾ നിദ്ര തഴുകാതിരിക്കുമ്പോൾ മനസ്സേ, നീയൊരിക്കലും വിതുമ്പരുത്, കണ്ണുനിറയരുത് കൊളുത്തണമൊരു തിരി നഷ്ടമായൊരിഷ്ടമേതായാലും ഉള്ളുതിരഞ്ഞെടുക്കണം ഒരുസ്വപ്നം അതിൽ ചാലിച്ച് ഒന്നുപുഞ്ചിരിച്ച് സുഖമായുറങ്ങണം പിന്നെനാമുണരുന്ന പുലരിയിൽ രണ്ടുകണ്ണിലുമോരോ നക്ഷത്രമുണ്ടാകും മുഖമുയർത്തി നോക്കുന്ന ആകാശത്തിൽ നിറയെ പൂത്തുനിൽക്കുന്ന നക്ഷത്രക്കൂട്ടങ്ങളുണ്ടാകും മുന്നോട്ടുവയ്ക്കുന്ന ഓരോ ചുവടുകളിലും ലക്ഷ്യമുണ്ടാകും അതെ!! നാമുറങ്ങാതെ കാണുന്നസ്വപ്നങ്ങളാണ് നമ്മെ ലക്ഷ്യത്തിലെത്തിക്കുന്നത് മനസ്സേ പതറാതെ മുന്നോട്ട് മുന്നോട്ട് മുന്നോട്ട്... അജിത ടിപി കൃഷ്ണ.

ചിന്നുകുട്ടി (കഥ) ✍ ഡോളി തോമസ്, കണ്ണൂർ

ഗിരി മാമൻ കാനഡയിൽ നിന്ന് വന്നപ്പോൾ കൊണ്ടുവന്ന മഞ്ഞനിറത്തിലുള്ള ആ സുന്ദരൻ കാറും കയ്യിൽ പിടിച്ചു വഴിയിലേക്ക് നോക്കിയിരിക്കുകയാണ് കിച്ചുമോൻ. അമ്മയും അച്ഛനും കൂടി ചിന്നുമോളേയും കൊണ്ട് ആസ്പത്രിയിൽ പോയിരിക്കുകയാണ്. 'പാവം ചിന്നുക്കുട്ടി. വീഴുമെന്നോർത്തു...

വരച്ചു ചേർക്കുന്നത് (കവിത)

പറയാത്ത വാക്കാണ് പ്രണയമെന്നന്നു - ഞാനാദ്യമായറിഞ്ഞതാനേരം വിറയാർന്ന നോട്ടത്തിൻ വേരിനാൽ നീയെന്നെ വരിഞ്ഞു ചേർത്തുള്ളൊരാനേരം വിരിയുന്ന പുഷപം പോലൊരു നറു - പുഞ്ചിരി ചുണ്ടിൽ വിരിയുന്ന നേരം പറയാത്ത വാക്കാണ് പ്രണയമെന്നാമിഴി പറയാതെ പറഞ്ഞതാ നേരം പരിഭവമില്ലാതെ നീ പലവുരുയെന്നോട് മിണ്ടിപ്പറഞ്ഞു നിൽക്കുന്നു ചിന്തകൾ അശ്വവേഗങ്ങളായ് വന്നെൻ്റെ ഹൃദയത്തെ തൊട്ടുണർത്തുന്നു അകലെയാണെങ്കിലും സഖിയെന്നകതാരിൽ തൊട്ടു തൊട്ടാണിരിപ്പെന്നും മൗനവും വാചാലമെന്നറിയുന്നു ഞാൻ ഓമനേ,...

കാർത്തിക വിളക്ക്… (കഥ) ..✍ ലാലി രംഗനാഥ്

ശാന്തി ഭവനിലെ തന്റെ സ്വന്തം മുറിയിലിരുന്ന് പുറത്തേക്ക് നോക്കിയപ്പോൾ അന്തരീക്ഷമാകെ മൂടി കെട്ടിയിരുന്നതു പോലെ ഗായത്രിക്ക് തോന്നി. പെയ്യാൻ കൊതിച്ചു കാർമേഘ കൂട്ടങ്ങൾ ഇരുണ്ടു കൂടിയിരിക്കുന്നു. വൈകുന്നേരം 5 മണിയെ ആയുള്ളൂ എങ്കിലും...
Facebook Comments
WP2Social Auto Publish Powered By : XYZScripts.com
error: