17.1 C
New York
Tuesday, January 18, 2022
Home Taste തക്കാളി അച്ചാർ ഉണ്ടാക്കുന്ന വിധം

തക്കാളി അച്ചാർ ഉണ്ടാക്കുന്ന വിധം

തയ്യാറാക്കിയത് : ദീപ നായർ, ബാഗ്ലൂർ

എല്ലാവർക്കും നമസ്കാരം

എന്തൊക്കെയുണ്ട് വിശേഷങ്ങൾ. എല്ലാവരും സുഖമായി ഇരിക്കുന്നുണ്ടല്ലോ ല്ലേ.
ഊണു കഴിക്കുമ്പോൾ കറികളുടെ കൂടെ അച്ചാറും വേണം ല്ലേ. അതില്ലാതെ ഊണു കഴിക്കുക വളരെ ബുദ്ധിമുട്ടാണ്, ശരിയല്ലേ. കുട്ടിക്കാലത്ത് അമ്മമ്മയും അച്ഛമ്മയും കടുമാങ്ങയും അടമാങ്ങയും എണ്ണനാരങ്ങയും നെല്ലിക്ക അച്ചാറും ഒക്കെ ഉണ്ടാക്കുന്നത് അത്ഭുതത്തോടെ നോക്കിയിരുന്നിട്ടുണ്ട്. കണ്ണിമാങ്ങ വാങ്ങിച്ചു കൊണ്ടുവന്നാൽ തന്നെ വാസന നിറയും. അതിനെ നല്ലതുപോലെ കഴുകി വെള്ളം ഒട്ടുമില്ലാതെ തുടച്ചു പാകത്തിനുപ്പും മുളകും ചേർത്ത് ഭരണിയിലാക്കി മുകളിൽ ഉപ്പുശീല വച്ച് അടപ്പു കൊണ്ടടച്ച് കോട്ടൺ തുണി കൊണ്ട് മൂടിക്കെട്ടും എന്നിട്ട് ഇരുളടഞ്ഞ കലവറയിൽ വയ്ക്കും. കുറച്ചു മാസങ്ങൾക്ക് ശേഷം രുചിയൂറും കടുമാങ്ങ തയ്യാർ. ആലോചിക്കുമ്പോൾ തന്നെ വായിൽ വെള്ളമൂറുന്നു. അതുപോലെ തന്നെ അതാതു സീസണിൽ ഇതൊക്ക ഉണ്ടാക്കി സൂക്ഷിക്കുക അന്നത്തെ കാലത്ത് പതിവായിരുന്നു. ഇന്നിപ്പോൾ എല്ലാം എല്ലായ്പ്പോഴും കിട്ടുന്നു. ഉണ്ടാക്കാൻ ആർക്കും നേരമില്ല. ഒരു അച്ചാറുണ്ടാക്കുന്ന വിധവുമായാണ് ഇന്ന് ഞാൻ വന്നിരിക്കുന്നത്.

ഞാൻ ഇവിടെ പോസ്റ്റ് ചെയ്ത ഏതെങ്കിലും പാചകക്കുറിപ്പ് ആരെങ്കിലും പരീക്ഷിച്ചുവോ?? ആരും ഒന്നും പറഞ്ഞില്ല.

ഇന്ന് തക്കാളി അച്ചാർ ആയിട്ടാണ് ഞാൻ വന്നിരിക്കുന്നത്. തക്കാളി എല്ലാവർക്കും ഇഷ്ടമുള്ളതല്ലേ. ചുവന്നു തുടുത്ത സുന്ദരൻ തക്കാളി കൊണ്ടുള്ള അച്ചാർ. വായിൽ വെള്ളമൂറുന്നു ല്ലേ 😜. തുടു തുടെയുള്ള തക്കാളി എണ്ണയിൽ കിടന്ന് കുഴഞ്ഞു മറിഞ്ഞ്, ആഹാ! കാണുമ്പോൾ തന്നെ ചോറ് വിളമ്പിയെടുക്കും.

നമ്മുടെ ഈ തക്കാളിക്കുട്ടൻ ആളു ചില്ലറയല്ല ട്ടോ. അവനെ പച്ചക്കറിയായും പഴമായും കണക്കാക്കും. പോഷകസമൃദ്ധമാണ്. വിറ്റാമിനുകളുടെ കലവറയാണ്. സൗന്ദര്യസംരക്ഷണത്തിനും ഉപയോഗിക്കാറുണ്ട്.
തക്കാളിയുടെ മേൻമയതിനിയുമനേകം.

ആവശ്യമുള്ള സാധനങ്ങൾ എന്തൊക്കെയാണെന്ന് നോക്കാം.

🌼തക്കാളി – 1/2 കിലോഗ്രാം
🌼എള്ളെണ്ണ – 150 മില്ലി ലിറ്റർ
🌼 കടുക് – 1ടീസ്പൂൺ
🌼 ഉണക്കമുളക് – 2എണ്ണം
🌼 കറിവേപ്പില – 1 തണ്ട്
🌼 ഉപ്പ് പാകത്തിന്
🌼 മഞ്ഞൾപ്പൊടി – 1/4 ടീസ്പൂൺ
🌼എരിവുള്ള മുളകുപൊടി – 5 ടീ സ്പൂൺ
🌼 കായപ്പൊടി – 1/2 ടീ സ്പൂൺ
🌼 ഉലുവപ്പൊടി – ഒരു നുള്ള്

പാകം ചെയ്യുന്ന വിധം

🌼 തക്കാളി നന്നായി കഴുകി കോട്ടൺ തുണി ഉപയോഗിച്ച് വെള്ളം തുടച്ച് ചെറുതായി മുറിച്ച് വയ്ക്കുക.

🌼എണ്ണ ചൂടാക്കി കടുക് പൊട്ടിക്കുക. മുളക്, കറിവേപ്പില ചേർത്ത് ഇളക്കുക. സ്റ്റൗവ് ഓഫ് ചെയ്ത് മഞ്ഞൾപ്പൊടിയും മുളകുപൊടിയും ഉപ്പും ഉലുവ കായം പൊടിയും ചേർക്കുക. പൊടികൾ കരിയരുത്. തക്കാളി അരിഞ്ഞത് ചേർത്ത് നന്നായി ഇളക്കുക. സ്റ്റൗവ് ഓൺ ചെയ്ത് തിളക്കാൻ തുടങ്ങുമ്പോൾ തീ കുറച്ച് അടച്ചു വയ്ക്കുക. നീരെല്ലാം വറ്റി എണ്ണ തെളിഞ്ഞു വരാൻ ഒന്നര രണ്ടു മണിക്കൂർ എടുക്കും. ഇടയ്ക്ക് ഇളക്കി കൊടുക്കാൻ മറക്കല്ലേ.

🌼 ചൂടാറിയ ശേഷം കുപ്പിയിൽ ആക്കി വയ്ക്കാം. ചോറിനും ചപ്പാത്തിക്കും ഉപയോഗിക്കാം.

🌼അച്ചാറിനായി നാടൻ തക്കാളി ഉപയോഗിക്കുക. അതാണ് സ്വാദ്.

🌼 ഉലുവപ്പൊടി പേരിനു മാത്രം ചേർക്കുക. ഇത്തിരി കൂടിയാൽ കയ്പ്പു രുചി വരും. അച്ചാറിൻറെ രുചിയാകെ മാറും.

🌼തക്കാളിക്ക് പുളി കുറവാണെങ്കിൽ കുറച്ചു പുളി ചേർക്കാം. തക്കാളി ചേർക്കുമ്പോൾ ചേർക്കണം.

അടുത്തയാഴ്ച കാണാം 🙏
ദീപ നായർ (deepz)

COMMENTS

LEAVE A REPLY

Please enter your comment!
Please enter your name here

- Advertisment -

Most Popular

തിരുവനന്തപുരത്ത് കോവിഡ് സ്ഥിരീകരിച്ച ആരോഗ്യപ്രവര്‍ത്തക മരിച്ചു.

തിരുവനന്തപുരത്ത് കോവിഡ് സ്ഥിരീകരിച്ച ആരോഗ്യപ്രവർത്തക മരിച്ചു. വർക്കല താലൂക്ക് ആശുപത്രിയിലെ ഗ്രേഡ് വൺ നഴ്സും വർക്കല സ്വദേശിനിയുമായ സരിത(46)യാണ് മരിച്ചത്. കല്ലറ സി.എഫ്.എൽ.ടി.സിയിൽ കോവിഡ് ഡ്യൂട്ടിയിലായിരുന്നു സരിത. കഴിഞ്ഞ ദിവസം ക്ഷീണം അനുഭവപ്പെട്ടതിനെ തുടർന്ന്...

രാജ്യത്ത് കൊവിഡ് പ്രതിദിന കേസുകൾ കുറഞ്ഞു, മരണസംഖ്യയിലും കുറവ്.

രാജ്യത്ത് പ്രതിദിന കൊവിഡ് കേസുകൾ കുറഞ്ഞു. 2,38,018 ആയാണ് പ്രതിദിന കേസുകൾ കുറഞ്ഞത്. 14.43 ശതമാനമാണ് ടെസ്റ്റ് പോസിറ്റിവിറ്റി നിരക്ക്. മരണസംഖ്യ 310 ആയും കുറഞ്ഞു.നിലവിൽ 17,36,628 സജീവ രോഗികളാണ് രാജ്യത്തുള്ളത്. അതേസമയം...

വിദ്യാഭ്യാസ മന്ത്രി വി ശിവന്‍കുട്ടിക്ക് കൊവിഡ് സ്ഥിരീകരിച്ചു.

വിദ്യാഭ്യാസമന്ത്രി വി ശിവന്‍കുട്ടിക്ക് കൊവിഡ് രോഗം സ്ഥിരീകരിച്ചു. രോഗബാധയെത്തുടര്‍ന്ന് മന്ത്രിയെ ആശുപത്രിയില്‍ പ്രവേശിപ്പിച്ചു. മന്ത്രിയുടെ ഓഫീസില്‍ കൊവിഡ് പടരുന്ന സാഹചര്യമുണ്ടായതിനെത്തുടര്‍ന്ന് അവിടെ നിയന്ത്രണങ്ങള്‍ ഏര്‍പ്പെടുത്തിയിരുന്നു. ഈ പശ്ചാത്തലത്തില്‍ മന്ത്രി ഉള്‍പ്പെടെ നടത്തിയ ആര്‍ടിപിസിആര്‍...

പോക്‌സോ കേസ് പ്രതി പൊലീസ് സ്റ്റേഷനില്‍ നിന്ന് ചാടിപ്പോയി.

പത്തനംതിട്ട പുളിക്കീഴ് പൊലീസ് സ്റ്റേഷനില്‍ നിന്ന് പോക്‌സോ കേസ് പ്രതി ചാടിപോയി. സജു കുര്യനാണ് പൊലീസിനെ കബളിപ്പിച്ച് രക്ഷപെട്ടത്. ഇന്നലെ രാവിലെ കസ്റ്റഡിയിലെടുത്ത പ്രതിയെ കോടതിയില്‍ ഹാജരാക്കാനിരിക്കെയാണ് ചാടിപ്പോയത്. പതിനഞ്ച് വയസുകാരിയെ പ്രണയം നടിച്ച്...
WP2Social Auto Publish Powered By : XYZScripts.com
error: