ചക്കഅട (ചക്കയപ്പം) ഉണ്ടാക്കുന്ന വിധം

കുട്ടികൾക്കും മുതിർന്നവർക്കും പ്രഭാത ഭക്ഷണം ആയും വൈകുന്നേരങ്ങളിൽ ചായയുടെ കൂടെ കഴിക്കാനും ഉള്ള ഒരു ഉഗ്രൻ പലഹാരം ആണ് ഞാൻ ഇന്നിവിടെ പരിചയപെടുത്തുന്നത്. എല്ലാവർക്കും എളുപ്പത്തിൽ ഉണ്ടാക്കാൻ പറ്റുന്ന ഒന്നാണ് ഇത് ……………………………

ഇതിനു വേണ്ട സാധനങ്ങൾ

1. നന്നായി പഴുത്ത ചക്ക -അര കിലോ
2. വറുത്തു പൊടിച്ച പച്ചരി അര കിലോ
3. ശർക്കര –
   കാൽ കിലോ (മധുരം കൂടുതൽ ഇഷ്ടം ഉള്ളവർക്ക് അല്പം കൂടുതൽ ശർക്കര ചേർക്കാം)
4. ഏലക്ക പൊടി ഒരു ടീസ്പൂൺ
5. നെയ് 25ഗ്രാം

ഉണ്ടാകേണ്ട വിധം

നന്നായി പഴുത്ത ചക്കയും പൊടിച്ച അരി മാവും നന്നായി ചേർത്ത് നന്നായി കുഴക്കുക, അതിന് ശേഷം നെയ്യ് , ശർക്കര, പൊടിച്ച ഏലെക്കാ എന്നിവയും ചേർത്ത് ഒന്നുകൂടി കുഴച്ചു 5 മുതൽ 10മിനുട്ട് വരെ മാവ് പാകമാകുവാൻ വയ്ക്കുക. ഇനി ഇലയിൽ (വഴയില, പൊടിയണി ഇല ഇവയിൽ ഏതെങ്കിലും )
പരത്തി ഇല മടക്കി ഇഡ്ഡലി പാത്രത്തിൽ 30മിനുട്ട് ആവിയിൽ വേവിക്കുക.

ചെറിയ ചൂടോടെ വിളമ്പാവുന്നതാണ്