17.1 C
New York
Sunday, October 24, 2021
Home Sports ദേശീയഗാനം കേട്ട് വികാരാധീനനായി മുഹമ്മദ് സിറാജ്

ദേശീയഗാനം കേട്ട് വികാരാധീനനായി മുഹമ്മദ് സിറാജ്

റിപ്പോർട്ട്: സുനിൽ ചാക്കോ, കുമ്പഴ

സിഡ്നി: ഇന്ത്യയും ഓസ്‌ട്രേലിയയും തമ്മിലുള്ള മൂന്നാം ടെസ്റ്റ് ആരംഭിക്കുന്നതിന് തൊട്ടുമുൻപ് ഇന്ത്യയുടെ ദേശീയ ഗാനത്തിനിടെ ദേശ സ്നേഹം തുളുമ്പി, വിടപറഞ്ഞ പിതാവിനെ ഓർത്ത് ഇന്ത്യൻ ക്രിക്കറ്റ്‌ താരം മുഹമ്മദ്‌ സിറാജ് കണ്ണീർ പൊഴിച്ചു .അതിന്റെ വീഡിയോ ഇപ്പോൾ സമൂഹ മാധ്യമങ്ങളിൽ വൈറലാണ്. സിറാജിനെ അഭിനന്ദിച്ചും, ആശംസ അറിയിച്ചും ആരാധകരും മുൻ താരങ്ങളും. ദേശീയഗാനം കേട്ട ഉടൻ തന്നെ സിറാജ് വികാരാധീനനാകുകയായിരുന്നു. അത് അവസാനിക്കാറാകുമ്പോൾ സിറാജിന്റെ കണ്ണ് നിറയുന്നതും അദ്ദേഹം കൈകൊണ്ട് കണ്ണുനീർ തുടയ്ക്കുന്നതും വീഡിയോയിൽ കാണാം. നിരവധിയാളുകളാണ് വീഡിയോയ്ക്ക് താഴെ സിറാജിനെ പിന്തുണച്ച് രംഗത്തെത്തിയിരിക്കുന്നത് . യാഥാർത്ഥ രാജ്യസ്‌നേഹിയാണ് സിറാജ് എന്നാണ് ഭൂരിഭാഗം ആളുകളും കമന്റ് ചെയ്തിരിക്കുന്നത്.

സിറാജിന്റെ കരിയറിലെ രണ്ടാമത്തെ ടെസ്റ്റാണ് ഇന്ന് സിഡ്‌നിയിൽ നടക്കുന്നത്. മെൽബണിലെ രണ്ടാം ടെസ്റ്റിലായിരുന്നു സിറാജിന്റെ ടെസ്റ്റ് അരങ്ങേറ്റം. മൂന്നാം ടെസ്റ്റിന് മുന്നോടിയായി ഇന്ത്യയുടെ ദേശീയ ഗാനത്തിനിടെയാണ് സിറാജ് ദേശസ്നേഹം കവിഞ്ഞൊഴുകി കണ്ണീരൊഴുക്കിയത്. മൂന്നാം ടെസ്റ്റിൽ ആദ്യം ബൗൾ ചെയ്യേണ്ടി വന്ന ഇന്ത്യക്ക് ഡേവിഡ് വാർണറെ പുറത്താക്കി മത്സരത്തിലെ ആദ്യ വിക്കറ്റ് സമ്മാനിച്ചതും സിറാജ് തന്നെ. അഡ്‍ലെയ്ഡിൽ നടന്ന ആദ്യ ടെസ്റ്റിൽ മുഹമ്മദ് ഷമിക്കു പരുക്കേറ്റതു കൊണ്ടാണ് രണ്ടാം ടെസ്റ്റിൽ സിറാജിന്റെ അരങ്ങേറ്റം നടന്നത് . ആദ്യ ഇന്നിങ്സിൽ 2 വിക്കറ്റും, രണ്ടാം ഇന്നിങ്സിൽ 3 വിക്കറ്റും വീഴ്ത്തി താരം ആദ്യ ടെസ്റ്റ്‌ തന്നെ ഗംഭീരമാക്കി.

സിറാജ് കരിയറിൽ ആദ്യമായി ഓസ്ട്രേലിയൻ പര്യടനത്തിലായിരിക്കുമ്പോളാണ് അദ്ദേഹത്തിന്റെ പിതാവ് മരിച്ചത്. എന്നാൽ നാട്ടിലേക്കു പിതാവിനെ കാണാൻ മടങ്ങാതെ ടീമിനൊപ്പം തുടരാനാണ് സിറാജ് തീരുമാനിച്ചത്.തന്റെ പിതാവിനോടുള്ള സ്നേഹം പോലെയാണ് തനിക്ക് തന്റെ രാജ്യത്തിന് വേണ്ടി കളിക്കുന്നത്: അതാണ് തന്റെ രാജ്യ സ്നേഹം എന്ന് അന്ന് സിറാജ് കാണിച്ചു തന്നു. ഇന്ന് ജയഹേ – ‘ഇന്ത്യ ജയിക്കട്ടെ’ എന്ന് മൈക്കിലൂടെ കേട്ടപ്പോൾ രാജ്യസ്നേഹം തുളുമ്പി സിറാജ് എന്ന ആ രാജ്യ സ്നേഹി പിതാവിനെയും, രാജ്യത്തെയും ഓർത്ത് ഒരു നിമിഷം കരഞ്ഞു. സിറാജ് ഒരു ക്രിക്കറ്ററായി കാണാൻ ഏറ്റവും കൂടുതൽ ആഗ്രഹിച്ചത് ഓട്ടോ ഡ്രൈവറായിരുന്ന സ്വന്തം അച്ഛനായിരുന്നു.തനിക്കു ലഭിക്കുന്ന ഓരോ വിക്കറ്റും രാജ്യ സ്നേഹിയായ ആ മകൻ തന്റെ പിതാവിന്റെ ഓർമ്മക്ക് സമർപ്പിക്കുന്നു.

COMMENTS

LEAVE A REPLY

Please enter your comment!
Please enter your name here

- Advertisment -

Most Popular

കേരളത്തില്‍ ഇന്ന് 8538 പേര്‍ക്ക് കോവിഡ്-19 സ്ഥിരീകരിച്ചു.

കേരളത്തില്‍ ഇന്ന് 8538 പേര്‍ക്ക് കോവിഡ്-19 സ്ഥിരീകരിച്ചു. എറണാകുളം 1481, തിരുവനന്തപുരം 1210, തൃശൂര്‍ 852, കോട്ടയം 777, കോഴിക്കോട് 679, ഇടുക്കി 633, കൊല്ലം 554, മലപ്പുറം 430, കണ്ണൂര്‍ 419,...

ജമ്മു കാഷ്മീരിൽ കേന്ദ്ര ആഭ്യന്തരമന്ത്രി അമിത് ഷായുടെ സന്ദർശനത്തിനിടയിലും ഭീകരാക്രമണം.

ശ്രീനഗർ: ജമ്മു കാഷ്മീരിൽ കേന്ദ്ര ആഭ്യന്തരമന്ത്രി അമിത് ഷായുടെ സന്ദർശനത്തിനിടയിലും ഭീകരാക്രമണം. കാഷ്മീരിലെ ഷോപ്പിയാനിലുണ്ടായ ഭീകരാക്രമണത്തിൽ ഒരു നാട്ടുകാരൻ കൊല്ലപ്പെട്ടു. തോക്കുധാരിയായ ഭീകരൻ ആൾക്കൂട്ടത്തിനിടയിലേക്ക് വെടിയുതിർക്കുകയായിരുന്നു. കാ​ഷ്മീ​രി​ൽ അ​ടു​ത്തി​ടെ ഭീ​ക​ര​രു​ടെ ആ​ക്ര​മ​ണ​ത്തി​ൽ കൊ​ല്ല​പ്പെ​ട്ട​വ​രു​ടെ എ​ണ്ണം...

കോവിഡ് ബാധിച്ച്‌ മരിച്ച ബിപിഎല്‍ കുടുംബങ്ങള്‍ക്ക് പ്രതിമാസം 5000 രൂപ.

കോവിഡ് ബാധിച്ച്‌ മരിച്ചവരെ ആശ്രയിച്ച്‌ കഴിഞ്ഞിരുന്ന ബിപിഎല്‍ കുടുംബങ്ങള്‍ക്ക് പ്രതിമാസം 5000 രൂപ നല്‍കാന്‍ ഉത്തരവായി. മുന്നുവര്‍ഷത്തേക്കാണ് സഹായം. സാമൂഹ്യസുരക്ഷാ, ക്ഷേമനിധി, മറ്റ് പെന്‍ഷന്‍ എന്നിവ ലഭിക്കുന്നത് തടസ്സമാകില്ല.സംസ്ഥാനത്തിനും രാജ്യത്തിനും പുറത്ത് മരിച്ചവരുടെ കുടുബം...

സ​ർ​ക്കാ​ർ ബ​സി​ൽ ക​യ​റി വി​ശേ​ഷം തി​ര​ക്കി സ്റ്റാ​ലി​ൻ; സെ​ൽ​ഫി​യെ​ടു​ത്ത് യാത്ര​ക്കാ​ർ.

ചെന്നൈ: യാത്രാബസില്‍ തമിഴ്‌നാട് മുഖ്യമന്ത്രി എം കെ സ്റ്റാലിനെ കണ്ട വനിതാ യാത്രക്കാര്‍ അമ്പരന്നു. വനിതകള്‍ക്ക് വേണ്ടി നടപ്പാക്കിയ സൗജന്യ യാത്രാ പദ്ധതിയെ കുറിച്ച് പ്രതികരണം അറിയാനായിരുന്നു മുഖ്യമന്ത്രിയുടെ അപ്രതീക്ഷിത യാത്ര. ശനിയാഴ്ചയാണ് യാത്രയില്‍...
WP2Social Auto Publish Powered By : XYZScripts.com
error: