17.1 C
New York
Wednesday, October 5, 2022
Home Special ☘️☘️☘️☘️☘️☘️☘️☘️☘️☘️ഓർമ്മകൾക്ക് എന്ത് സുഗന്ധം (ഭാഗം 8)

☘️☘️☘️☘️☘️☘️☘️☘️☘️☘️ഓർമ്മകൾക്ക് എന്ത് സുഗന്ധം (ഭാഗം 8)

തയ്യാറാക്കിയത്: സൈമ ശങ്കർ

അമ്മികല്ല്

അമ്മിക്കലും കുഴവിയും ഓർമ്മയുണ്ടോ?
മിക്സിയും, ഗ്രൈൻഡറും വന്നതോടെ പിന്തള്ളപെട്ട അടുക്കളയിലെ ഒരു അത്യാവശ്യ ഉപകരണം ആയിരുന്നു അമ്മികല്ല്.അരകല്ല് എന്നും പേരുണ്ട്.ദീർഘ ചതുരാകൃതിയിൽ കരിങ്കല്ല് കൊണ്ട് നിർമിച്ച ഈ അമ്മികല്ല് അടുക്കളയിലോ അടുക്കളയിൽ നിന്നും ഇറങ്ങുന്ന വീടിന്റെ പിന്നാമ്പുറത്തോ സ്ഥാനം പിടിച്ചിരുന്നു.

കറികൾ, തോരൻ, ചമ്മന്തി, തുടങ്ങിയ വ യ്ക്ക് വേണ്ടിയ തേങ്ങാ, മുളക് ഒക്കെ അരച്ച് എടുക്കാൻ ഉപയോഗിച്ചിരുന്നു.അമ്മികല്ലിൽ വച്ച് അരയ്ക്കാൻഉപയോഗിക്കുന്ന നീണ്ടുരുണ്ട കല്ലാണ് കുഴവി. ഇതിനു അമ്മി പിള്ള, അമ്മി കുഴ, പിള്ള കല്ല് ഇങ്ങനെ പല പേരിൽ അറിയപ്പെട്ടിരുന്നു.

അമ്മി കല്ലിൽ അരച്ച് ഉണ്ടാക്കുന്ന കറികൾക്ക് ഒരു പ്രത്യേകരുചി ആണ്.എന്നും മധ്യവയസ്കരായ മലയാളികളുടെ ഗൃഹാതുര ത്വവും, നാവിൽ രസമുകുളങ്ങളെയും ഉണർത്തുന്ന ഒരു ഓർമ്മ യായിരിക്കും അമ്മി കല്ല്.
ധാന്യങ്ങൾ,കിഴങ്ങു വർഗ്ഗങ്ങൾ എല്ലാം പൊടിച്ചും ചതച്ചും കുഴമ്പു രൂപത്തിൽ ആക്കാനും ഒക്കെ നിരന്തരം ഉപയോഗിച്ചിരുന്ന മൂലം മിക്കവാറും നടു ഭാഗം കുഴിഞ്ഞു കാണപ്പെടുന്ന അരകല്ലും, കുഴവിയും അതി പ്രാചീന കാലം മുതൽ ഉപയോഗിച്ച് വരുന്നു എങ്കിലും ഇപ്പൊ വളരെ പ്രാധാന്യം കുറഞ്ഞു.
അമ്മിയിൽ അരച്ച് പാചകം ചെയ്യുന്നതിലൂടെ രുചികരമായ ഭക്ഷണം മാത്രം അല്ല.. സ്ത്രീ സൗന്ദര്യം,ശരീരആകൃതി, പേശീ ബലം,ആരോഗ്യം ഒക്കെ നില നിർത്തുന്ന ഒരു എക്സർസൈസിന്റെ ഗുണങ്ങൾ കൂടി ലഭിച്ചിരിന്നു

ഹിന്ദുക്കളുടെ ആചാരാ നുഷ്ഠാനങ്ങളിലും അമ്മിക്കലിന് പങ്കുണ്ട്.
അമ്മിക്കല്ലുപോലെ ഹൃദയം അചഞ്ചലമായിരിക്കണമെന്ന സങ്കല്പത്തിൽ വരൻ വധുവിന്റെ വലതുകാൽ പിടിച്ച് അമ്മിമേൽ ചവിട്ടിക്കുന്ന ഒരു കർമം വിവാഹത്തോടനുബന്ധിച്ചു ബ്രാഹ്മണർ അനുഷ്ഠിക്കാറുണ്ട്. ഇതിന് ‘അമ്മിചവിട്ടുക’ എന്നാണ് പറയുക.പാതി വ്രത്യം കാത്തു സൂക്ഷിച്ചോ ളാം എന്ന പ്രതിജ്ഞയുടെ ഭാഗമായി വിവാഹ സമയത്തു താലി കെട്ടലിനു ശേഷം കതിർ മണ്ഡപത്തിൽ മൂന്നു വലം വച്ച് കഴിഞ്ഞാൽ വലതു ഭാഗത്തു വച്ചിരിക്കുന്ന അമ്മി കല്ലിൽ വധു കാൽ വച്ച് കയറി നിന്ന് ആകാശത്തിലെ അരുന്ധതി നക്ഷത്ര ത്തെ നോക്കി പ്രാർത്ഥിക്കണംഎന്നൊരു വിശ്വാസം കൂടി ഹിന്ദു ആചാര പ്രകാരം ഉള്ള ചില കല്യാണങ്ങളിൽ കാണാറുണ്ട്.
അമ്മി ചവിട്ടി അരുന്ധതി
കാണൽ എന്ന് പറയും.

പുതു യുഗത്തിൽ എല്ലാം കേട്ടു കേൾവികൾ മാത്രം ആയി മാറിക്കൊണ്ടിരിക്കുന്നു.
☘️☘️☘️☘️☘️☘️☘️☘️☘️☘️

Facebook Comments

COMMENTS

- Advertisment -

Most Popular

മുന്നോട്ട്…(കവിത)

തനിച്ചാകുമ്പോൾ രാവ് സ്വന്തമാകുമ്പോൾ നിദ്ര തഴുകാതിരിക്കുമ്പോൾ മനസ്സേ, നീയൊരിക്കലും വിതുമ്പരുത്, കണ്ണുനിറയരുത് കൊളുത്തണമൊരു തിരി നഷ്ടമായൊരിഷ്ടമേതായാലും ഉള്ളുതിരഞ്ഞെടുക്കണം ഒരുസ്വപ്നം അതിൽ ചാലിച്ച് ഒന്നുപുഞ്ചിരിച്ച് സുഖമായുറങ്ങണം പിന്നെനാമുണരുന്ന പുലരിയിൽ രണ്ടുകണ്ണിലുമോരോ നക്ഷത്രമുണ്ടാകും മുഖമുയർത്തി നോക്കുന്ന ആകാശത്തിൽ നിറയെ പൂത്തുനിൽക്കുന്ന നക്ഷത്രക്കൂട്ടങ്ങളുണ്ടാകും മുന്നോട്ടുവയ്ക്കുന്ന ഓരോ ചുവടുകളിലും ലക്ഷ്യമുണ്ടാകും അതെ!! നാമുറങ്ങാതെ കാണുന്നസ്വപ്നങ്ങളാണ് നമ്മെ ലക്ഷ്യത്തിലെത്തിക്കുന്നത് മനസ്സേ പതറാതെ മുന്നോട്ട് മുന്നോട്ട് മുന്നോട്ട്... അജിത ടിപി കൃഷ്ണ.

ചിന്നുകുട്ടി (കഥ) ✍ ഡോളി തോമസ്, കണ്ണൂർ

ഗിരി മാമൻ കാനഡയിൽ നിന്ന് വന്നപ്പോൾ കൊണ്ടുവന്ന മഞ്ഞനിറത്തിലുള്ള ആ സുന്ദരൻ കാറും കയ്യിൽ പിടിച്ചു വഴിയിലേക്ക് നോക്കിയിരിക്കുകയാണ് കിച്ചുമോൻ. അമ്മയും അച്ഛനും കൂടി ചിന്നുമോളേയും കൊണ്ട് ആസ്പത്രിയിൽ പോയിരിക്കുകയാണ്. 'പാവം ചിന്നുക്കുട്ടി. വീഴുമെന്നോർത്തു...

വരച്ചു ചേർക്കുന്നത് (കവിത)

പറയാത്ത വാക്കാണ് പ്രണയമെന്നന്നു - ഞാനാദ്യമായറിഞ്ഞതാനേരം വിറയാർന്ന നോട്ടത്തിൻ വേരിനാൽ നീയെന്നെ വരിഞ്ഞു ചേർത്തുള്ളൊരാനേരം വിരിയുന്ന പുഷപം പോലൊരു നറു - പുഞ്ചിരി ചുണ്ടിൽ വിരിയുന്ന നേരം പറയാത്ത വാക്കാണ് പ്രണയമെന്നാമിഴി പറയാതെ പറഞ്ഞതാ നേരം പരിഭവമില്ലാതെ നീ പലവുരുയെന്നോട് മിണ്ടിപ്പറഞ്ഞു നിൽക്കുന്നു ചിന്തകൾ അശ്വവേഗങ്ങളായ് വന്നെൻ്റെ ഹൃദയത്തെ തൊട്ടുണർത്തുന്നു അകലെയാണെങ്കിലും സഖിയെന്നകതാരിൽ തൊട്ടു തൊട്ടാണിരിപ്പെന്നും മൗനവും വാചാലമെന്നറിയുന്നു ഞാൻ ഓമനേ,...

കാർത്തിക വിളക്ക്… (കഥ) ..✍ ലാലി രംഗനാഥ്

ശാന്തി ഭവനിലെ തന്റെ സ്വന്തം മുറിയിലിരുന്ന് പുറത്തേക്ക് നോക്കിയപ്പോൾ അന്തരീക്ഷമാകെ മൂടി കെട്ടിയിരുന്നതു പോലെ ഗായത്രിക്ക് തോന്നി. പെയ്യാൻ കൊതിച്ചു കാർമേഘ കൂട്ടങ്ങൾ ഇരുണ്ടു കൂടിയിരിക്കുന്നു. വൈകുന്നേരം 5 മണിയെ ആയുള്ളൂ എങ്കിലും...
Facebook Comments
WP2Social Auto Publish Powered By : XYZScripts.com
error: