17.1 C
New York
Wednesday, October 5, 2022
Home Special ശരറാന്തൽ വിളക്ക് (ഓർമ്മകൾക്കു എന്ത് സുഗന്ധം – ഭാഗം 7)

ശരറാന്തൽ വിളക്ക് (ഓർമ്മകൾക്കു എന്ത് സുഗന്ധം – ഭാഗം 7)

തയ്യാറാക്കിയത് സൈമശങ്കർ

റാന്തൽ വിളക്ക് ഓർമ്മ യുണ്ടോ??
വൈദ്യുതി വന്നതോടെ കാലഹരണപെട്ട് പോയ ഒരു വെളിച്ച സ്രോതസ് ആണ് റാന്തൽ.

പണ്ട് കാലത്തു രാത്രി വെളിച്ചതിനു വേണ്ടി ഉപയോഗിച്ചിരുന്നവയാണ് ശരറാന്തൽ. പെട്രോമാക്സ്,പാനീസ് എന്നിങ്ങനെ പല പേരിൽ നാടിന്റെ പല ഭാഗങ്ങളിൽ അറിയപ്പെട്ടിരുന്നവിളക്കുകൾ.മണ്ണെണ്ണ ഉപയോഗിച്ച് ആണ് ഇത് കത്തിക്കുക.കത്തിച്ച രീതിയിൽ കാറ്റിലും കെടാതെ കത്തുവാൻ പറ്റുന്ന തരത്തിൽ ആണ് അത് നിർമ്മിക്കുക.കത്തുന്ന തിരി കണ്ണാടി കൂട് കൊണ്ട് കവർ ചെയ്തിട്ട്,മണ്ണെണ്ണ ഒഴിക്കുന്നത് താഴെ ഭാഗത്തു തിരി മുങ്ങി ഇരിക്കുന്ന രീതിയിൽ ഒരു കിണ്ണംമോഡൽ പാത്രത്തിൽ ആണ്.അതിന്റെ ഒരു വശത്തു തിരി മുകളിലേയ്ക്കും താഴേയ്ക്കും ഉയർത്താൻ ഉള്ള സംവിധാനം ഉണ്ട്.പുക കുഴൽ പോലെ ഗ്ലാസ്‌ കവർ ഉള്ള തിനാൽ കാറ്റിൽ കെടാതെയും വെളിച്ചം കുറയാതെയും എവിടെയും ഉപയോഗിക്കാൻ സാധിക്കുമായിരുന്നു.
മണ്ണെണ്ണ വാതകമാക്കി പമ്പ് ചെയ്തു ഉപയോഗിക്കുന്ന വിളക്കാണ് പെട്രോമാക്സ് വിളക്ക്.
റാന്തലിന്റെ വകഭേദ മായി കുറച്ചു കൂടി അലങ്കരിക്ക പെട്ട വിളക്കാണ് പാനീസ്.
റമദാനുമായി ബന്ധപെട്ട് അറബ് നാട്ടിൽ നിന്നും നമ്മുടെ നാട്ടിൽ എത്തിയതാണ് പാനീസ്. മുൻതലമുറ കളിലെ റംസാൻ ഓർമ്മ കളിൽ ദീപ്തമായ സാന്നിധ്യം ആയിരുന്നു പാനീസ് (റാന്തൽ )ആ നന്മയുടെ നാട്ടു വിളക്ക് ഇന്ന് അണഞ്ഞു പോയ്‌ എന്ന് തന്നെ പറയാം. നമ്മുടെ കേരളത്തിൽ വൈദ്യുതി വരും മുന്നേ റമദാനിൽ രാത്രി നമസ്കാരത്തിനു പോകാൻ റാന്തൽ ഉപയോഗിച്ചിരുന്നു.

വലിയ പരന്ന തിരിയും, ചില്ലിന്റെ കവറും ഉള്ള തിനാൽ കൂടുതൽ സ്ഥലത്തു വെളിച്ചം ലഭിക്കുന്ന റാന്തൽ വിളക്കുകൾ രാത്രി കാലങ്ങളിൽ ഒരു മിച്ചു ഇരുന്നു ജോലി ചെയ്യാനും, കൂട്ടമായി യാത്ര ചെയ്യാനും,വളരെ ഉപയോഗപ്രദ മായിരുന്നു.സർക്കാർ ഓഫീസുകളിലും ഈ ശ രറാന്തൽ വിളക്കുകൾ പ്രചാരത്തിൽ ഉണ്ടായിരുന്നു.

കാടിന്റെ സമീപ പ്രദേശത്തെ വയലുകളിൽ കാട്ടാന ഇറങ്ങാതിരിക്കാൻ വയലുകളിൽ റാന്തൽ വിളക്ക് കത്തിച്ചു വയ്ക്കാറുണ്ടായിരുന്നു. മീൻ പിടിക്കുന്ന ചീന വലയ്ക്ക് മുകളിൽ മീനുകളെ ആകർഷിക്കാൻ റാന്തൽ വിളക്ക് കത്തിച്ചു വച്ചിരുന്നു. രാത്രി കാലങ്ങളിൽ കാളവണ്ടികളിൽ കെട്ടി തൂക്കിയ റാന്തൽ വിളക്കും കാളവണ്ടി ശബ്ദവും മണിക്കിലു ക്കവും ഒക്കെ ഇപ്പൊ മധ്യവയസ്‌ക്കരായ മലയാളികയുടെ ഗൃഹാതുരത്വം ഉണർത്തുന്ന ഓർമ്മകൾ തന്നെ ആണ്.

പണ്ടൊക്കെ കല്യാണവീട്ടിൽ അയല്പക്കത്തെ വീട്ടുകളിൽ ഉള്ള എല്ലാ റാന്തലും കൊണ്ട് വന്നു മരത്തിന്റെ കൊമ്പിലും വരാന്തയിലും മുറ്റത്തും വീടിന്റെ പുറകിലും ഒക്കെ കെട്ടിതൂക്കിയാണ് പരിസരം മുഴുവനും വെളിച്ചം പരത്തുക.

ആ പഴയമയുടെ ഓർമപ്പെടുത്തലിൽ
പരസ്പരസഹായം,സഹകരണം. സന്തോഷം,ഇല്ലായ്മ യുടെ അടയാളങ്ങൾ, സഹനം, ത്യാഗം ഒക്കെ യും ആ ശരറാന്തൽ പ്രകാശം പോലെ മനസ്സിൽ തെളിഞ്ഞു വരുന്നു.

ശരറാന്തൽ തിരി താണു മുകിലിൽ കുടിലിൽ എന്ന ഗാനവും ശരരാന്തൽ വെളിച്ചവും മലയാളികളുടെ മനസ്സിൽ എന്നും തെളിഞ്ഞു കത്തും.

സൈമ ശങ്കർ ✍️

☘️☘️☘️☘️☘️☘️☘️☘️☘️☘️☘️

Facebook Comments

COMMENTS

- Advertisment -

Most Popular

മുന്നോട്ട്…(കവിത)

തനിച്ചാകുമ്പോൾ രാവ് സ്വന്തമാകുമ്പോൾ നിദ്ര തഴുകാതിരിക്കുമ്പോൾ മനസ്സേ, നീയൊരിക്കലും വിതുമ്പരുത്, കണ്ണുനിറയരുത് കൊളുത്തണമൊരു തിരി നഷ്ടമായൊരിഷ്ടമേതായാലും ഉള്ളുതിരഞ്ഞെടുക്കണം ഒരുസ്വപ്നം അതിൽ ചാലിച്ച് ഒന്നുപുഞ്ചിരിച്ച് സുഖമായുറങ്ങണം പിന്നെനാമുണരുന്ന പുലരിയിൽ രണ്ടുകണ്ണിലുമോരോ നക്ഷത്രമുണ്ടാകും മുഖമുയർത്തി നോക്കുന്ന ആകാശത്തിൽ നിറയെ പൂത്തുനിൽക്കുന്ന നക്ഷത്രക്കൂട്ടങ്ങളുണ്ടാകും മുന്നോട്ടുവയ്ക്കുന്ന ഓരോ ചുവടുകളിലും ലക്ഷ്യമുണ്ടാകും അതെ!! നാമുറങ്ങാതെ കാണുന്നസ്വപ്നങ്ങളാണ് നമ്മെ ലക്ഷ്യത്തിലെത്തിക്കുന്നത് മനസ്സേ പതറാതെ മുന്നോട്ട് മുന്നോട്ട് മുന്നോട്ട്... അജിത ടിപി കൃഷ്ണ.

ചിന്നുകുട്ടി (കഥ) ✍ ഡോളി തോമസ്, കണ്ണൂർ

ഗിരി മാമൻ കാനഡയിൽ നിന്ന് വന്നപ്പോൾ കൊണ്ടുവന്ന മഞ്ഞനിറത്തിലുള്ള ആ സുന്ദരൻ കാറും കയ്യിൽ പിടിച്ചു വഴിയിലേക്ക് നോക്കിയിരിക്കുകയാണ് കിച്ചുമോൻ. അമ്മയും അച്ഛനും കൂടി ചിന്നുമോളേയും കൊണ്ട് ആസ്പത്രിയിൽ പോയിരിക്കുകയാണ്. 'പാവം ചിന്നുക്കുട്ടി. വീഴുമെന്നോർത്തു...

വരച്ചു ചേർക്കുന്നത് (കവിത)

പറയാത്ത വാക്കാണ് പ്രണയമെന്നന്നു - ഞാനാദ്യമായറിഞ്ഞതാനേരം വിറയാർന്ന നോട്ടത്തിൻ വേരിനാൽ നീയെന്നെ വരിഞ്ഞു ചേർത്തുള്ളൊരാനേരം വിരിയുന്ന പുഷപം പോലൊരു നറു - പുഞ്ചിരി ചുണ്ടിൽ വിരിയുന്ന നേരം പറയാത്ത വാക്കാണ് പ്രണയമെന്നാമിഴി പറയാതെ പറഞ്ഞതാ നേരം പരിഭവമില്ലാതെ നീ പലവുരുയെന്നോട് മിണ്ടിപ്പറഞ്ഞു നിൽക്കുന്നു ചിന്തകൾ അശ്വവേഗങ്ങളായ് വന്നെൻ്റെ ഹൃദയത്തെ തൊട്ടുണർത്തുന്നു അകലെയാണെങ്കിലും സഖിയെന്നകതാരിൽ തൊട്ടു തൊട്ടാണിരിപ്പെന്നും മൗനവും വാചാലമെന്നറിയുന്നു ഞാൻ ഓമനേ,...

കാർത്തിക വിളക്ക്… (കഥ) ..✍ ലാലി രംഗനാഥ്

ശാന്തി ഭവനിലെ തന്റെ സ്വന്തം മുറിയിലിരുന്ന് പുറത്തേക്ക് നോക്കിയപ്പോൾ അന്തരീക്ഷമാകെ മൂടി കെട്ടിയിരുന്നതു പോലെ ഗായത്രിക്ക് തോന്നി. പെയ്യാൻ കൊതിച്ചു കാർമേഘ കൂട്ടങ്ങൾ ഇരുണ്ടു കൂടിയിരിക്കുന്നു. വൈകുന്നേരം 5 മണിയെ ആയുള്ളൂ എങ്കിലും...
Facebook Comments
WP2Social Auto Publish Powered By : XYZScripts.com
error: