17.1 C
New York
Wednesday, August 17, 2022
Home Special വാമനപുരം പുഴ – (നദികൾ സ്നേഹപ്രവാഹങ്ങൾ)

വാമനപുരം പുഴ – (നദികൾ സ്നേഹപ്രവാഹങ്ങൾ)

സുജ ഹരി✍

“തിരോന്തരത്തിന് തോനെ
വെള്ളങ്ങളുമായ് ” വരുന്ന പുഴയാണ് വാമനപുരം പുഴ !

അനന്തപത്മനാഭന്റെ നാട്ടിലെ മനോഹരമായ ഈ പുഴയുടെ തീരത്തുകൂടിയാവാം ഇന്നത്തെ നമ്മുടെ യാത്ര !

ജില്ലയിലെ പ്രധാന നദിയായ വാമനപുരംപുഴ
പശ്ചിമഘട്ടത്തിലെ ചെമ്പുഞ്ചിമൊട്ടയിൽ നിന്നുമാണ് ഉത്ഭവിക്കുന്നത്. ഒരു ചെറുചോലയായി തുടങ്ങി
നിരവധി കുഞ്ഞരുവികളുമായി കൂട്ടുചേർന്ന്
മനോഹരിയായി മാറി, അഞ്ചുതെങ്ങ് കായലിൽ ചേർന്ന് അറബിക്കടലിൽ ലയിക്കുന്ന ഇവൾക്ക്
88 കിലോമീറ്റർ നീളമുണ്ടെങ്കിലും 11.2 കിലോമീറ്റർ ദൂരം മാത്രമെ സഞ്ചാരയോഗ്യമായുള്ളു.

നെടുമങ്ങാട് താലൂക്കിലുള്ള തിരുവാമനപുരം ക്ഷേത്രത്തിൻ്റെ പേരിൽ നിന്നുമാവാം ‘ വാമനപുരം’
എന്ന പേര് നദിയ്ക്കു ലഭിച്ചത്. ആറ്റിങ്ങൽ  നഗരത്തിലൂടെ ഒഴുകുന്നതിനാൽ ആറ്റിങ്ങൽ നദി എന്ന പേരു കൂടി ഇവൾക്കുണ്ട്. കല്ലാർ, കൊല്ലമ്പുഴ എന്നീ പേരുകളിലും ഇവൾ അറിയപ്പെടുന്നു.

മനോഹരങ്ങളായ കൊച്ചു കൊച്ചു വെള്ളച്ചാട്ടങ്ങളാൽ സമൃദ്ധമായ ചിറ്റാർനദിയും, മഞ്ഞപ്രയാറുമാണ് വാമനപുരംനദിയുടെ പ്രധാന കൈവഴികൾ.

നദിയുടെ ആറ്റിങ്ങൽ ഭാഗം കൊല്ലമ്പുഴ എന്ന പേരിൽ അറിയപ്പെടുന്നത് ഈ പ്രദേശം 1721-ൽ ഇംഗ്ലീഷ്കാർക്കെതിരെ നടന്ന ആദ്യത്തെ സംഘടിതപ്രക്ഷോഭമായ, ആറ്റിങ്ങൽ കലാപവുമായി ബന്ധമുള്ളതിനാലാണ്.

ചരിത്രം ഇങ്ങനെ….

കുരുമുളകും മറ്റു സുഗന്ധദ്രവ്യങ്ങളും വിലകുറച്ച് വാങ്ങാനായി പ്രദേശവാസികളെ ഏറെ ഉപദ്രവിക്കുകയും ആക്രമിക്കുകയും ചെയ്യുന്നത് ബ്രിട്ടീഷുകാരുടെ പതിവായിരുന്നു. ഗിഫോർഡ് എന്ന ബ്രിട്ടീഷുകാരൻ അഞ്ചുതെങ്ങ് കോട്ടയുടെ അധിപനായി എത്തിയതോടെ ഇത് വർദ്ധിച്ചു. വാമനപുരംനദി വഴി ആറ്റിങ്ങൽറാണിക്കുള്ള സമ്മാനങ്ങളുമായി, ഗീഫോർഡിന്റെ നേതൃത്വത്തിൽ എത്തിയ 140 – ഓളം വരുന്ന ബിട്ടീഷ് സംഘത്തെ പിള്ളമാരുടെ നേതൃത്വത്തിൽ പ്രദേശവാസികൾ ആക്രമിച്ചു കൊലപ്പെടുത്തിയെന്നും, ബ്രിട്ടീഷ്കോട്ട ആറുമാസത്തോളം വളഞ്ഞുവച്ചെന്നും തലശ്ശേരിയിൽ നിന്ന് കൂടുതൽ ബ്രിട്ടീഷ് സൈന്യം എത്തികോട്ട മോചിപ്പിച്ചെന്നുമാണ് ചരിത്രം.

കൊല്ലും കൊലയും നടന്ന പുഴ, കൊല്ലുംപുഴയും, പിന്നീടത് കൊല്ലമ്പുഴയായി മാറിയെന്നും പഴമക്കാർ പറയുന്നു.

ചരിത്രപ്രാധാന്യമുള്ളതും, തിരുവിതാംകൂർ രാജവംശത്തിന്റെ പരദേവതയുമായ, തിരുവാറാട്ടുകാവ് ദേവീക്ഷേത്രം ഈ നദിക്കരയിലാണ്. മീൻമുട്ടിഡാം, ഹൈഡ്രോ ഇലക്ടിക് പ്രൊജക്റ്റ്, ലോക പ്രസിദ്ധ ട്രോപ്പിക്കൽ ബൊട്ടാണിക്കൽ ഗാർഡൻ എന്നിവയും വാമനപുരം നദീതീരത്താണ്.

മറ്റ് പലനദികളെയും പോലെ മാലിന്യ നിക്ഷേപം, മണലൂറ്റൽ, ഖനനം, കയ്യേറ്റം തുടങ്ങിയവ നദിയുടെ മുഖഛായ മാറ്റിയിരിക്കുന്നു. വെള്ളപ്പൊക്കവും, വരൾച്ചയും തുടർക്കഥയാകുന്നു. നദിയെ രക്ഷിയ്ക്കാനായി വാമനപുരം ബ്ലോക്ക് പഞ്ചായത്ത് ബൃഹത്തായ പദ്ധതികൾ വിഭാവനം ചെയ്തിട്ടുണ്ട്.

അനന്തപുരിയ്ക്ക് ജീവജലം നൽകുന്ന
ഈ സുന്ദരി, തീരവാസികളുടെ പ്രിയങ്കരി തന്നെ! സ്നേഹപ്രവാഹമായി ഇവൾ ഇനിയുമൊഴുകുമെന്ന പ്രതീക്ഷയോടെ….

സുജ ഹരി

Facebook Comments

COMMENTS

- Advertisment -

Most Popular

ആറന്മുള അഷ്ടമിരോഹിണി വള്ളസദ്യ വ്യാഴാഴ്ച

ആറന്മുള പാർത്ഥസാരഥി ക്ഷേത്രത്തിലെ പ്രശസ്തമായ അഷ്ടമിരോഹിണി വള്ളസദ്യ വ്യാഴാഴ്ച നടക്കും. തിരുവിതാംകൂർ ദേവസ്വം ബോർഡ് പ്രസിഡന്റ് അഡ്വ. കെ അനന്തഗോപൻ ഉദ്ഘാടനം നിർവഹിക്കും. പാർത്ഥസാരഥിയുടെ പിറന്നാൾ സദ്യക്കായി ചേനപ്പാടി കരക്കാർ ഇന്ന് ക്ഷേത്രത്തിൽ...

പതിമൂന്നുകാരന് പ്രകൃതിവിരുദ്ധ പീഡനം : വയോധികന് 51 കൊല്ലം കഠിനതടവ്

പത്തനംതിട്ട : പതിമൂന്നുകാരനെ പ്രകൃതിവിരുദ്ധ പീഡനത്തിന് വിധേയനാക്കിയ 63 കാരന് 51 വർഷം കഠിനതടവും, ഒന്നര ലക്ഷം രൂപ പിഴയും. കുളക്കട തുരുത്തീലമ്പലം ദിവ്യ സദനം വീട്ടിൽ പത്രോസിന്റെ മകൻ രാജു (63)വിനെയാണ്...

നിരണം ചുണ്ടൻ നീരണിഞ്ഞു:നെഹ്​റു ട്രോഫി വള്ളംകളിയിലാണ് നിരണം ചുണ്ടൻ ആദ്യമായി പങ്കെടുക്കുക

തിരുവല്ല: പത്തനംതിട്ട ജില്ലയിൽ നിന്നുള്ള ആദ്യത്തെ ചുണ്ടൻ വള്ളമായ നിരണം ചുണ്ടൻ നീരണിഞ്ഞു. ജനകീയ കൂട്ടായ്മയിൽ നിർമ്മാണം പൂർത്തിയാക്കിയ വള്ളത്തിന്‍റെ നീരണിയൽ ചടങ്ങ് ശിൽപി കോയിയ്ക്കൽമുക്ക് ഉമാമഹേശ്വരൻ ആചാരിയുടെ മുഖ്യ കാർമ്മികത്വത്തിൽ പമ്പയാറ്റിലെ...

കരിപ്പൂരിൽ വീണ്ടും പൊലീസ് സ്വര്‍ണം പിടികൂടി; രണ്ടുപേർ പിടിയിൽ

കരിപ്പൂർ: കസ്റ്റംസിനെ വെട്ടിച്ച് അനധികൃതമായി കടത്താന്‍ ശ്രമിച്ച സ്വര്‍ണം കരിപ്പൂര്‍ വിമാനത്താവള പരിസരത്ത് പൊലീസ് പിടികൂടി. കാപ്‌സ്യൂള്‍ രൂപത്തിലാക്കി കൊണ്ടുവന്ന 53 ലക്ഷം രൂപയുടെ സ്വര്‍ണമിശ്രിതമാണ് പിടിച്ചെടുത്തത്. രണ്ടുപേരെ കസ്റ്റഡിയിലെടുത്തു. ഷാര്‍ജയില്‍നിന്നെത്തിയ കോഴിക്കോട് നാദാപുരം...
Facebook Comments
WP2Social Auto Publish Powered By : XYZScripts.com
error: